Bakolosa 3
3
1 #
Njimbo 110:1
Se makamusiwa na Kirisiti, lingisani mimoyo yenyu ku zwithu zwe kudzimu, Kirisiti kwaageleko ku luboko gwe luji gwe Ndzimu.#3:1 Kirisiti…Ndzimu: Kodwiwa epiwa ndaulo ne tjilumbi nge Ndzimu. 2Lingisani mikumbulo yenyu ku zwithu zwe kudzimu kusi mu zwithu zwe shango. 3Ngobe makafa, ngwenu butjilo gwenyu gwakasumbikiwa na Kirisiti mu Ndzimu. 4Ha Kirisiti, iye butjilo gwenyu,#3:4 gwenyu: Dzimwe hwalo dza ntolo dze Bhaibhili dzina “gwedu.” ezha kakale mu shango, namwibo mowoboneka naye mu gudzo.
Butjilo gwa ntolo ne butshwa
5Ngono misani tjoselele zose zwe mbumbiko yenyu ye tjinyama: kuwalilana thobo kusakalingisana, kuwalilana thobo kunobhatisa shoni, njemulo dzakabipa dze kuwalilana ne bugovu, ngobe bugovu gonga kuthigamila midzimu. 6Ngekuti ngekwa izwezwi, bushongola gwe Ndzimu gwaswika.#3:6: Dzimwe hwalo dza ntolo dze Bhaibhili adzina ndimana iyeyi. 7Imwi nge kwenyu makatongobe mutjila nge zila yakajalo.
8Ngono ngwenu lashani zwithu zwinonga ezwi: kugwadzamoyo ne bushongola ne kugwadzisa bamwe mimoyo ne kulebela bamwe manyepkhwa kene ili kushingisa masapa mu milomo yenyu. 9#Baefeso 4:22Musinyepelane, ngobe makaambula mbumbiko yenyu hwulukugwe ne mipanga yayo, 10#Baefeso 4:24; Kutangisa 1:26kakale makaambala mbumbiko tshwa inothamiwa tshwa nge luzibo mu tjifano tje mbumbi wayo. 11Ngekwa ikoku akutjina thubukano pakati kwe N'giriki ne Njuta, pakati kwe nthu wakathumbigwa ne usakathumbigwa, pakati kwe bathu basingalebe Tjigiriki ne Bapanduki bakasalila shule, nlanda kene nsununguki, koga Kirisiti ndiye nshongoshongo wakabhata mbadu kakale Kirisiti umuna bose.
12 #
Baefeso 4:2
Ndizo se bathu bakazwishaluligwa nge Ndzimu, bayengemali, kakale ukamuda kwazo, ibeni ne ngoni ne buthu ne kuzwiyisa pasi ne moyon'nyolo nenge moyonlefu. 13#Baefeso 4:32Yitilanani moyonlefu muzwiibhatilane muna tjamunonenelana ngekwatjo. Muzwiibhatilane koga sa She sekwa bakamuzwiibhatigwa. 14Pezhugwi kwa zose izwezwi zwakalulwama, ibeni ne ludo igo gunoshanganya kose ne hwanano yakapelela. 15Kunyalala ya Kirisiti ngaibuse mu mimoyo yenyu, ngobe se mbili nng'ompela makadanigwa ku kunyalala ikoku. Ndizo ibeni ne kuboka. 16#Baefeso 5:19, 20Dama la Kirisiti ngaligale mu muli nge buzhalo. Diyanani mulayane nge butjenjedu gose. Imbani Njimbo, imbani njimbo dzinokudza Ndzimu nenge njimbo dze tjimeya ne kuboka mu mimoyo yenyu. 17Ngono tjimwe ne tjimwe tjamunothama kene tjamunoleba, mutjithame nge zina la She Jesu muboka Ndzimu Tate ndiye.
Kuzwalana mu butjilo gutshwa
18 #
Baefeso 5:22; 1 Pita 3:1 Bakadzi bakalobogwa, tetani balume benyu, ngobe kwakafanila muna She.
19 #
Baefeso 5:25; 1 Pita 3:7 Balume bakalobola, idani bakadzi benyu musingabakaikanye.
20 #
Baefeso 6:1
Bana, ihwani bazwadzi benyu mu tjimwe ne tjimwe, ngobe ikoku koshathisa She.
21 #
Baefeso 6:4
Botate musitange bana benyu, ngobe bangadwa benyalamoyo.
22 #
Baefeso 6:5-8
Balanda, ihwani botetshi benyu be shango mu tjimwe ne tjimwe; musingabahwe ngobabona mushaka kubashathisa, koga mu bahwe nge moyo nng'ompela nenge kutja She. 23Tjimwe ne tjimwe tjamunothama, mutjithame nge moyo yenyu yose, koga se munoshingila She kusi bathu. 24Moziba kuti mowowana thaka muna She, uli iwo mbhayilo wenyu; moshingila She Kirisiti. 25#Matama 10:17; Baefeso 6:9Iye unoyita kusi iko unowowana mbhayilo wakalingisana nge kuyita kusi iko, ngono akuna shalaulo.
Kalanga Bible © Bible Society of Botswana, 2008, 2018.