2 Timoti 4
4
1Ndokulaya mbeli kwe Ndzimu na Kirisiti Jesu, iye unowosumikilisa batjili ne bafi nenge kuboneka kukwe ne bushe gugwe nditi, 2sumikila dama, ugale wakazwilulwamisa misi ili iyo kene isi iyo, shandula, tjemela, ukulumbidze, ube ne moyonlefu kwazo, udiya nge njele. 3Ngobe tjibaka tjowozha panowoti bathu bakasimililane ne zwidiyo zwakalulwama. Koga, kugutsha njemulo dzabo, banowokubunganya bezwipoteledza nge badiyi banjinji banodiya tjabanoshaka zebe dzabo dzitjihwa. 4Banowozwina zebe dzabo mukuhwa malebeswa ngono bakahwilila ngano dze manyepkhwa. 5Koga iwe, uzwiibhate mu zwibaka zose, simisila mu kudziyila, dzwala ndebo mbuya, shinga nshingo we Ndzimu nge buzhalo.
6Ngobe imi ndatjibe mu tjimo tje kuthamiwa tjibhayilo ne tjibaka tje kuyenda kwangu tjazha. 7Ndakagwa ngwa yakalulwama, ndakapedza kulabuka, ndakabhatilila bugalimoyo. 8Ngwenu ndakabiganyidzigwa tjiala tje ndulamo, itjo She, Nsumikilisi wakalulwama, tjaanowondipa mu zhuba ilelo, kusi imi ndoga, koga na ibo bose bakalinda nge ludo kuboneka kukwe.
Matama e bupelo
9Gwisa kwazo kuzha kundili tjinyolotjo, 10#Bakolosa 4:14; Filimoni 1:24; 2 Bakorinta 8:23; Bagalatiya 2:3; Tito 1:4ngobe Demasi, nge kuda shango iyeyi kukwe, wakandifupatila kayenda ku Tesalonika. Kiresikensi wakayenda ku Galatiya ngono Tito kayenda ku Dalimatiya. 11#Bakolosa 4:14; Filimoni 1:24; Mishingo 12:12, 25; 13:13; 15:37-39; Bakolosa 4:10; Filimoni 1:24Luke ndiye yega unami. Shaka Mako ubuye naye, ngobe unondibhatsha kwazo mu nshingo wangu. 12#Mishingo 20:4; Baefeso 6:21, 22; Bakolosa 4:7, 8Ndakatumila Tikikasi ku Efeso. 13#Mishingo 20:6Ha uzha uzhe ne hazu yandakasiya kuna Karipo ku Tiroasi nenge hwalo dzangu, kwazo kwazo dze ganda.
14 #
1 Timoti 1:20;
Njimbo 62:12; Baroma 2:6 Alekizanda nthuli we tshipi, wakandihwisa zogwadza kwazo. She banowompa mbhayilo we tjaakathama. 15Nawe uzwilise munli, ngobe wakanyanyayidza thumo yedu kwazo.
16Ndakati ndizwimilila mu ndebo gwe kutanga akuna wakama nami, koga bose bakandifupatila. Dzene bangasabong'wa nlandu ngekwa ikoku! 17Koga She bakama nami bakandipa masimba kuti ndizo bandishingise kuleba dama nge buzhalo, kuti ne Bezwitjaba bose balihwe. Ngono ndakaanguligwa mu nlomo we shumba. 18She banowondiangulila mu bubi gose bakanditjidzila bushe gwe kudzimu. Ngakube nge gudzo ku bali, nge kusingapele kose. Ngakujalo.
Dumiliso
19 #
Mishingo 18:2;
2 Timoti 1:16, 17 Dumilisa Purisila na Akhwila ne be nsha wa Onesiforo. 20#Mishingo 19:22; Baroma 16:23; Mishingo 20:4; 21:29Erasito wakasala mu Korinta, ngono ndakasiya Tirofimo mu Mileto egwala. 21Gwisa kuti uzhe ngeno kusathu kukabe mu mbaba.
Yebhulosi unokudumilisa na Pudenisi na Lino na Kilaudiya ne zwikamu zose zomudumilisabo.
22Dzene She bangabe nawe.
Ngoni ngadzibe namwi.
Kalanga Bible © Bible Society of Botswana, 2008, 2018.