2 Batesalonika 1
1
1 #
Mishingo 17:1
Ndimi Paulo, ndina Silasi na Timoti.
Ku gubungano le Batesalonika mu Ndzimu Tate bedu na She Jesu Kirisiti:
2Ngoni ne kunyalala kunodwa ku Ndzimu Tate bedu na She Jesu Kirisiti ngakube namwi.
Kuboka ne Ntembezelo
3Takafanila kuboka Ndzimu misi yose nge kwenyu zwikamu, kwakafanila, ngobe kugalamoyo kwenyu kokula kuyenda mbeli ne ludo gwamunodana ndigo gokula. 4Ndizo pakati kwe makubungano e Ndzimu, tozwiloba ifuba ngekwe kusimisila kwenyu ne kugalamoyo kwenyu mu kudziyidziwa kose ne kuhwisiwa zogwadza kwamunodzikitadzila.
5Kose ikoku kolakidza kuti kusumikilisa kwe Ndzimu kwakalulwama, ngono ngekwa ikoko mowothang'wa bakafanila bushe gwe Ndzimu, iwo wamunodziyilila. 6Ndzimu wakalulwama, unowodziyidza ibabo banomudziyidza, 7koga, ukamunyalulusa, imwi banodziyidziwa, kose naswibo. Oku kowoshingikala She Jesu ezumbunuka kudwa kudzimu ne batumwa babe be kudzimu bana masimba, 8ali mu moto unothuta ehwisa zogwadza ibabo banolamba Ndzimu kakale basina hanya ne ndebo mbuya ya She wedu Jesu. 9#Isaya 2:10Banowolobgwa shamu ye golomodzo lisingapele, bakatatigwa kule na She ne bukulu gwe simba lile 10mu zhuba laanowozha kukudziwa mu bathu babe bakayengemala ne kulumbidziwa ndi bose bakagalamoyo. Namwibo mowobe munabo, ngobe makagalamoyo butendeki gwedu kumuli.
11Ha tikumbula ikoku, tomutembezelela misi yose kuti dzene tshene Ndzimu ungamuthama kuti mufanigwe ngodanigwa kwenyu kuuli, kakale kuti nge simba lawo ungazhadzisa mazwimisilo enyu wose ekushinga ndulamo, ne mishingo yenyu ye bugalimoyo, 12kuti ndizo zina la She wedu Jesu likudziwe nge kwenyu, namwibo mukudziwe nge kukwe kuyendidzana ne ngoni dze Ndzimu wedu ne dza She wedu Jesu Kirisiti.
Kalanga Bible © Bible Society of Botswana, 2008, 2018.