2 Samuele 4
4
Lufu gwa Ishibosheti
1Kwakati Ishibosheti nkololo wa Saulo ehwa kuti Abineri wakafila ku Heburoni, katemeka mafupa ne Baiziraela bose bakatja. 2Ipapo nkololo wa Saulo wakabe ana balume babili bali batungamili be goko le kutapa, mmwe wakabe eyi Bhaana mmwe kuyi Rekabi. Bakabe bali bakololo ba Rimoni we Nbheeroti we ludzi gwa Bhenjamini. Bheeroti yakabe ili ya Bhenjamini. 3Bathu be Bheeroti bakatizhila ku Githaimu bakanogalako bali bazhi na nasi.
4 #
2 Samuele 9:3
Jonatani nkololo wa Saulo wakabe ana mwana we tjilume wakabe ali tjilema makumbo wose. Wakabe ana makole ali mashanu ha thawu ngekwa Saulo na Jonatani dzizha dzidwa ku Jezirele. Kwakati mbhabhi uwe emmilidza etizha, mukulibilidza kukwe etizha, mwana kawa kabe tjilema. Zina lile lakabe liyi Mefibosheti.
5Ngono ngwenu bakololo ba Rimoni we Nbheeroti, bo Rekabi na Bhaana, bakamilika kuli masikati zhuba lipisa bakaswika ku ng'umba ya Ishibhosheti, iye akabe akazwiteedza masikati. 6Bakangina mu ng'umba bezwithama banotola mathunde e korong, bakambhaya mu ntumbu, Rekabi ne nnung'una uwe Bhaana bakatizha. 7Bakangina mu ng'umba iye ye bulalo ali lele. Shule kwe kumbhaya bembulaya bakanthubula nsholo. Bebe betola nsholo uwe beyenda nge zila ye Araba busiku gose. 8Bakazhisa nsholo wa Ishibhosheti kuna Dafite ku Heburoni bebe bedwa mambo beti, “Nsholo wa Ishibosheti nkololo wa Saulo woyu, tjita tjitjo, wakabe eshaka kumubulaya, Yahwe ba bgwilizilila tetshi wangu mambo mu zhuba la nasi kuna Saulo ne bana be bana babe.”
9Dafite kadabila Rekabi ne nnung'una uwe Bhaana bakololo ba Rimoni we Nbheeroti eti, “Ndotuna na Yahwe, bakandidzutunula mu mbatsha dzose! 10#2 Samuele 1:1-16Kwakati nlume wakandibudza kuti Saulo wafa ekumbula kuti wazhisa thawu dzinozipa, ndakambhata ambulaya ku Zikilagi, iwoyu ndiwo mbayilo wandakampa mu thawu dzidze! 11Kowobetjani kene, ha balume babiibi babulaya nthu usina nlandu ali pa bulalo mu ng'umba iye! Ngono ngwenu apa andingashake malopa awe mu maboko enyu, ndibuya ndimudusa mu shango kene?” 12Ndizo Dafite kadusa ndaulo ku balanda babe, ngono bakababulaya, bakabathubula maboko ne makumbo, bakapaika zwitumbu zwabo pa wunde ye dziba mu Heburoni. Koga nsholo wa Ishibhosheti bakaubiganya mu ikumbu tja Abineri mu Heburoni.
Kalanga Bible © Bible Society of Botswana, 2008, 2018.