2 Johani 1
1
Matama e kutanga
1Ndimi nkulu we gubungano.
Ku nfumakadzi#1:1 nfumakadzi…bana babe: Kwakafanila kudwiwa gubungano (ne mu ndimana 4-5). wakashalugwa kose ne bana babe, bandinoda mu malebeswa, kusi imi koga na bose banoziba malebeswa, 2nge zila ye malebeswa agele mutili kakale anowobe naswi nge kusingapele kose.
3Ngoni ne mahwilozogwadza ne mbakiso zowobe naswi kudwa ku Ndzimu Tate nenge kuna Jesu Kirisiti Nkololo wa Tate, mu malebeswa ne ludo.
Malebeswa ne ludo
4Ndakashatha kwazo kuwana bamwe be bana babo belondolodza malebeswa koga sekwa takadwiwa ndi Tate. 5#Johani 13:34; 15:12, 17Ngono ngwenu ndokukumbila, iwe nfumakadzi, ndisingange ndinokukwalila nlayo ntshwa. Ndokukwalila ngekwe nlayo watakahwa mu kutangisa, unoti tidane. 6Ludo ndi wogu, kuti titobele milayo yabo; nlayo ndiwoyu, sekwa makahwa mu kutangisa, makafanila tjilila mu ludo.
7Batjebeli batjibe banjinji mu shango, ibabo basingadume kuti Jesu Kirisiti wakazha ali nthu. Nthu mmwe ne mmwe wakajalo ntjebeli kakale tjita tja Kirisiti. 8Muzwitjengete kuti musilashikigwe nge tjamakashingila, koga muzwiwanile mbhayilo.
9Iye unodwilila asingatobele zwidiyo zwa Kirisiti aana Ndzimu. Iye unodwilila nge kutobela zwidiyo una Tate ne Nkololo. 10Ha kuli kuti kuna ungazha kumuli asingazhise zwidiyo izwezwi, musitongo n'amutjila mu ng'umba dzenyu nenguba kuli kun'dumilisa; 11ngobe kudumilisa nthu wakajalo kobe kuli kushanganyila naye bubi gwe mishingo iye.
Matama e bupelo
12Nenguba ndina zwithu zwinjinji zwandakafanila kumukwalila nge kwazo, anditowoshingisa pampiri ne inki, koga ndogalabgwe kuti ndowozha kuwomubona kuti ndilebeleke namwi takalingisana, kuti ndizo kushatha kwedu kupelele.
13Bana be hazwadzi iyo yakashalugwa banomudumilisa.
Kalanga Bible © Bible Society of Botswana, 2008, 2018.