1 Timoti 2
2
Kunamata Ndzimu kwe gubungano
1Ngwenu, tjekutanga ndokukulumbidza kuti kukumbila ne mitembezelo ne kutembezelela bamwe ne kutenda kuyitigwe bathu bose, 2kuyitigwe bomambo na ibabo bana masimba, kuti ndizo titjile butjilo gwe kunyalala ne mbakiso mu kunamata Ndzimu nge zila dzose. 3Oku kwakanaka kakale koshathisa Ndzimu Ntjidzi wedu, 4iye unoshaka kuti bathu bose batjidziwe kakale bazhe mu luzibo gwe malebeswa. 5Ngobe kuna Ndzimu nng'ompela kakale kuna n'gadzanyi nng'ompela pakati kwe Ndzimu ne bathu, iye Kirisiti Jesu, ali nthu. 6Iye wakazwipa se nlipilili we bathu bose, sa ikoko butendeki gwakapiwa nge tjibaka tjago tjakafanila. 7#2 Timoti 1:11Ngekwa ikoko, ndakashalugwa kube nsumikili ne ntumwa wa Jesu, kudiya Bezwitjaba* bugalimoyo ne malebeswa, ndolebesa anditonyepa.
8Ndoshaka kuti balume kumwe ne kumwe batembezele nge njalakang'wa dzakatjena, basakagwadzamoyo kakale basingakangazhane. 9#1 Pita 3:3Kakale ndoshaka kuti bakadzi baambale zubuyanana, kwakafanila, kakale kwakalulwama, kusi nge mavudzi akalukiwa kanakisiwa nge golide kene nge mabgwe mabuya anothama ndalama kene zwiambalo zwe ntengo upezhugwi, 10koga nge mishingo yakanaka, yakafanila bakadzi banolakidza kutja Ndzimu. 11Nkadzi wakafanila kuzwidiya akanyalala ne kuzwiyisa pasi kwakapelela. 12Anditodumila nkadzi kudiya kene kube nge simba pezhugwi kwe nlume, wakafanila nyalala. 13#Kutangisa 2:7; Kutangisa 2:21, 22Ngobe Adamu wakabumbiwa kutanga, kukoti Efa. 14#Kutangisa 3:1-6Kakale Adamu aazotjebegwa, koga nkadzi ndiye wakatjebegwa, ndizo kasilondolodze nlayo we Ndzimu. 15Koga nkadzi unowotjidziwa ngokutshibama, ha badwilila mu kugalamoyo nenge ludo nenge kuyengemala nenge kudzikama.
Kalanga Bible © Bible Society of Botswana, 2008, 2018.