1 Batesalonika 4
4
Butjilo gunoshathisa Ndzimu
1Tjebupelo zwikamu, tomukumbila kakale timukulumbidza muna She Jesu, kuti sekwa makazwidiya mutili kutjila ne kushathisa Ndzimu, tomukulumbidza kuti sekwa munothama, mudwilile kunopinda ikoku. 2Ngobe moziba ndayo dzatakamupa nge simba la She Jesu. 3Kuda kwe Ndzimu hwuti mube bayengemali, muletje kuwalilana thobo kuzhe kwe ndobolo, 4mmwe ne mmwe wenyu, wakafanila kuziba kutjila ne nkadzi uwe#4:4 kuziba…nkadzi uwe: Kene “ngaagale ne nkadzi uwe.” nge zila yakayengemala ina ntutshi, 5kusi nge njemulo dzakabipa dze kuwalilana, sekwa kunoyita basingagalemoyo, basingazibe Ndzimu. 6Ngakushaye unotjinyila kene katjebela ikamu tjitje ngekwe zwithu zwakajalo. She banowoloba bathu ngekwe matjinyo wose akajalo, sekwa takamubudza tikamutjemela kale. 7Ngobe Ndzimu auzotidanila kuti tibe ne shambgwa, koga kuti titjile butjilo gwakayengemala. 8Ndizo iye unolamba ndayo idzedzi, aatolamba nthu, koga unolamba Ndzimu, iwo unomupa Meya yawo yakayengemala.
9Ngwenu ngekwe ludo pakati kwe zwikamu, akutosheteka kuti tingamukwalila, ngobe imwi nge kwenyu, makadiyiwa nge Ndzimu kudana. 10Nge malebeswa, moda zwikamu zose mu Makedoniya. Koga tomukulumbidza zwikamu mudane kunopinda ikoku. 11Muzwimisile kutjila butjilo gwe kunyalala, ne kushinga mishingo yenyu, mushinga nge maboko enyu koga sekwa takamubudza, 12kuti ndizo mutetiwe nge basi badumili, ngekuti musitongo tjila ngopiwa nge bamwe zwamunosheta.
Kuzha kwa She
13Zwikamu, atitoshaka kuti mugale muli mu zhalima ngekwe banofa, kene kuzhala buyendasi se bathu basina kugalabgwe. 14Se tigalamoyo kuti Jesu wakafa kakale kamuka, togalamoyo kuti Ndzimu unoti uzhisa Jesu ukazhisilanya naibabo bakafa begalamoyo munli.
15 #
1 Bakorinta 15:51, 52 Ngekwa ikoku tomubudza ngekwe tjinolebgwa nge dama la She, kuti iswi batjatjila, batinowobe tasala kuswikila kuzha kwa She, nge malebeswa atitowotangila ibabo bakafa. 16Ngobe She nge kwabo banowodeluka kudzimu nge hwi gulu le ndaulo nenge hwi le ntumwa nkulu we Ndzimu nenge nlidzo we lunyanga gwe Ndzimu. Ngono bafi bakafila muna Kirisiti banowomuka kutanga. 17Shule kwa ikoko, iswi batjatjila bakasala, towoshangana nabo mu makole kushanganidza She mu phepo. Ngono, towogalila tjose na She. 18Ndizo nyaladzanani nge matama iyawa.
Kalanga Bible © Bible Society of Botswana, 2008, 2018.