1 Johani ZIBISO NGEKWE LUKWALO IGOGU
ZIBISO NGEKWE LUKWALO IGOGU
Lukwalo gwe kutanga gunodwa kuna Johani gwakatemelela mu zwithu zwibili. Tje kutanga gokulumbidza babali bago kuti batjilile mu hwanano ne Ndzimu nenge nkololo wawo Jesu Kirisiti. Tje bubili gobatjenjedza ngekwe zwidiyo zwe manyepkhwa zwingakolomola hwanano iyeyi. Zwidiyo izwezo zwakabe zwili mu nteyo we kuti mbuyilo ye bubi inodwa mukuzwishanganya ne zwe shango, ndizo Jesu, Nkololo we Ndzimu, wakabe asingake kabe akabe ali nthu dumbu we nyama ne lopa. Badiyi ibabo bakabe beti nthu ungatjidziwa koga, ha angasatobelela njalakang'wa dze butjilo gwe shango ino; kakale bediyabo kuti jidzo alina palinoshangana ne milayo ye kuwalilana kuzhe kwe ndobolo nenge kuda zwikamu.
Nkwali unokwala enyanyayidza zwidiyo zwakajalo ekwala etjenesa kuti Jesu Kirisiti wakabe ali nthu dumbu we nyama ne lopa, kakale unoleba etshambilidza kuti bose banogalamoyo muna Jesu Kirisiti kakale beda Ndzimu bakafanila kudana.
Zwimu lukwalo igogu nge bufupi
Matama e kutanga: Dama le butjilo 1:1-4
Tjedza ne zhalima 1:5—2:29
Bana be Ndzimu ne bana be Mbimbi 3:1-24
Malebeswa ne manyepkhwa 4:1-6
Nshingo we ludo 4:7-21
Bugalimoyo gunokunda 5:1-21
Currently Selected:
1 Johani ZIBISO NGEKWE LUKWALO IGOGU: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.