1 Bakorinta 2
2
Thumo ngekwa Kirisiti wakabambugwa
1Pandakazha kumuli zwikamu, andizozha ndisumikila masazibgwe#2:1 masazibgwe: Dzimwe hwalo dza ntolo dzina butendeki. e Ndzimu ndishingisa matama makulu kulu kene butjenjedu, 2ngobe andizoda kuziba tjimwe pakati kwenyu kuzhe kwa Jesu Kirisiti, iye wakabambugwa. 3#Mishingo 18:9Ndakabe ndi namwi ndisakasima kakale ndina kutja nditetema, 4ne ndebeleko yangu ne kudiya kwangu azwizobe zwili nge matama e butjenjedu anolobegwa phande koga zwakabe zwilakidza simba le Meya yakayengemala, 5kuti ndizo kugalamoyo kwenyu kusigale mu butjenjedu gwe bathu koga kugale mu simba le Ndzimu.
Butjenjedu gwe Ndzimu
6Koga kuna ibabo bakakula tjimeya toleba butjenjedu nenguba gusi butjenjedu gwe bathu bangwenu kene gwe babusi bangwenu ibabo be masimba anopela. 7Koga toleba butjenjedu gwe Ndzimu gwe masazibgwe gwakasumbikala, igo Ndzimu gwawakashaka kuti tikudziwe ndigo shango isathu ikathamwa. 8Akuna mmwe we babusi bangwenu wakahwisisa ikoku, ngobe abakabe behwisisa banobe basakabulaya She we gudzo. 9#Isaya 64:4Koga, se kwakakwagwa kuyi,
“Tjisakatongo bongwa, kene tjikahwika nge zebe,
tjisakatongoti mmwe katjikumbula,
nditjo Ndzimu tjawakalulwamisila ibabo banouda.”
10Ndzimu wakatilakidza zwithu izwezwi nge Meya yawo. Ngobe Meya inoshakisisa tjimwe ne tjimwe, nenge zwithu zwimukatikati zwe Ndzimu. 11Apa ndiani unoziba tjimu moyo we nthu kuzhe kwe meya ye nthu, iyo imukati kukwe kene? Ndizo akuna unohwisisa zwithu zwimukatikati kwe Ndzimu kuzhe kwe Meya ye Ndzimu. 12Ngwenu atizoamutjila meya ye shango, koga takaamutjila meya inodwa ku Ndzimu kuti ndizo tizibisise zwipo zwatinopiwa nge Ndzimu.
13Ndizo atitolebeleka nge matama atakadiyiwa nge butjenjedu gwe nthu, koga nge matama atakadiyiwa nge Meya, titjenesa malebeswa e Meya ye Ndzimu kuna ibabo bana Meya ye Ndzimu. 14Nthu tjinyama aatoamutjila zwipo zwe Meya ye Ndzimu, ngobe bulengwe kunli, kakale aatozwihwisisa, ngobe zwakafanila lingisisiwa zwikazibgwa nge bhatsho ye Meya. 15Nthu tjimeya unotubula kulingisisa kaziba zwithu zose, koga iye aana unotubula kunlingisisa kanziba, 16#Isaya 40:13ngobe kwakakwagwa kuyi,
“Ndiani unoziba nkumbulo wa She
kwaangadzina kadiya She?”
Koga iswi, tina nkumbulo wa Kirisiti.
Kalanga Bible © Bible Society of Botswana, 2008, 2018.