1 Zwiyitikalo 9
9
Bathu bakabuya mukutapiwa
1Ndizo Baiziraela bose bakabe bakakwagwa nge lutshinga mu Lukwalo gwa Bomambo be Iziraela. Ngono Bajuta bakatapigwa ku Bhabhiloni ngo shaya bugalimoyo kwabo. 2#Ezera 2:27; Nehemiya 7:73Ngono bathu bekutanga bebgwilila ku magalo abo e mizi mikulu bakabe bali Baiziraela ne bapirisiti ne Balevi ne babhatshi mu Ng'umba ye Ndzimu. 3Bamwe be ludzi gwa Juda ne gwa Bhenjamini ne gwa Ifureimi ne gwa Manase bakabaka mu Jerusalema bakabe bali bo: 4Uthai nkololo wa Amihudi, Amihudi ali nkololo wa Omiri, Omiri ali nkololo wa Imiri, Imiri ali nkololo wa Bhani, ibaba bakabe bali bakololo ba Perezi nkololo wa Juda. 5Kudwa mu Bashilo kwakabe kuli Asaya ali mbano ana bakololo babe. 6Be bakololo ba Zera ndi Jeuele ali ntungamili wabo. Bose bose bakabe bali mazana ali tathatu ana makumi ali zhanalume (690).
7Be zwizekugwana zwa Bhenjamini bakabe bali bo Salu nkololo wa Meshulamu na Meshulamu nkololo wa Hodaviya na Hodaviya nkololo wa Hasenuwa, 8na Ibineiya nkololo wa Jerohamu na Ela nkololo wa Uzi ne nkololo wa Mikiri na Meshulamu nkololo wa Shefatiya ne nkololo wa Reuweli ne nkololo wa Ibinija. 9Bathu bose be Bhenjamini sekwa bakakwagwa nge ludzi gwabo bakabe bali mazana ali zhanalume ne makumi ali mashanu ana bali tathatu (956). Bose ibaba bakabe bali boshe be misha yabo.
Bapirisiti bakabe begala mu Jerusalema
10Bapirisiti bakabe begala mu Jerusalema bakabe bali bo Jedaya na Jehoaribi na Jakini 11na Ahitubu iye ali ntungamili mu Ng'umba ye Ndzimu. Azariya wakabe ali nkololo wa Hilikiya, Hilikiya ali nkololo wa Meshulamu, Meshulamu ali nkololo wa Zadoki, Zadoki ali nkololo wa Meraoti, Meraoti ali nkololo wa Ahitubu, 12na Adaya nkololo wa Jerohamu, Jerohamu ali nkololo wa Pashihuri, Pashihuri ali nkololo wa Malikija na Masai nkololo wa Adiele, ali nkololo wa Jahizera, Jahizera ali nkololo wa Meshulamu, Meshulamu ali nkololo wa Meshilemiti, Meshilemiti ali nkololo wa Imeri. 13Bose bose bakabe bali tjiwulu ne mazana ali kutendeka ne makumi ali tathatu (1 760) e balume bakasima, nyambi dze nshingo we Ng'umba ye Ndzimu, bali batungamili babo ne misholo ye misha yabo.
Balevi bakabe begala mu Jerusalema
14Kudwa mu Balevi, Balevi bakabe bali bo: Shemaya nkololo wa Hashubu, Hashubu ali nkololo wa Azirikamu, Azirikamu ali nkololo wa Hashabiya, Hashabiya ali nkololo wa Merari, 15Bhakibhakari na Hereshi na Galali Mataniya nkololo wa Mika, Mika ali nkololo wa Zikiri, Zikiri ali nkololo wa Asafa 16na Obadiya nkololo wa Shemaya, Shemaya ali nkololo wa Galali, Galali ali nkololo wa Jeduthuni na Bherekiya nkololo wa Asa, Asa ali nkololo wa Elikana bakabe bagala mu mizana ye Netofa.
Balisi be mikoba bakabe begala mu Jerusalema
17Balisi be mikoba bakabe begala mu Jerusalema bakabe bali bo Shalumu na Akubu na Talimoni na Ahimani na Shalumu wakabe ali ntungamili wabo. 18Bakabe bakalinda nkoba wa mambo#9:18 nkoba wa mambo: I nkoba uku bhezhuba kwe Ng'umba ye Ndzimu, wakabe ushingisiwa ndi mambo kungina mu Ng'umba ye Ndzimu. ku bhezhuba kuswikila nasi. Ibaba bakabe bali balindi be mikoba kudwa mu bukotokelo gwe Balevi.
19Shalumu wakabe ali nkololo wa Kore, Kore ali nkololo wa Ebiasafu, Ebiasafu ali nkololo wa Kora ne makamu awe e nsha wa tate babe, bakabe bakalingisana ne nshingo we kulinda nkoba we nshasha wa Yahwe sa bobatategulu babo bakabe bakalingisana ne kulinda nkoba we bugalo gwa Yahwe. 20Mukutangisa Finihasi nkololo wa Eleazari ndiye wakabe ali ntungamili wabo ngono Yahwe bakabe banaye.
21Zekariya nkololo wa Meshelemiya wakabe ali nlindi we nkoba we nshasha we bushanganilo.
22Bose bose bakabe bashalugwa kube balindi be mikoba bakabe bali mazana ali mabili ana gumi lina babili (212). Bakakwalisiwa nge lutshinga mu mizi yabo. Bakapiwa nshingo we bulindi gwe mikoba ndi Dafite na Samuele we mboni#9:22 mboni: Mubumo gwe kudana Samuele beti nlebesambeli bakabe be nzanisa nge kundana mboni. nge kubagalabgwe. 23Ibo ne zwizekugwana zwabo bakalingisana ne nshingo we kulinda mikoba ye Ng'umba ya Yahwe. 24Balindi be mikoba bakabe bakabigwa ku mbizho dzose nge bunna ku bunandzwa neku burwa neku bhezhuba neku golombedzo. 25Bakanyi kwabo bakabe bagala ku mizi yabo kwakabe kufanila kuti balabane mu nshingo we butjengeti mu mazhuba ali kutendeka mamwe ne mamwe nge zwibaka zose. 26Koga batungamili be balindi be mikoba bali banna be Balevi ibo bakabe bakalingisana nge nshingo we kutjengeta zwing'umbana ne matula e Ng'umba ye Ndzimu. 27Bakabe belala bakapoteleka Ng'umba ye Ndzimu ngobe bakabe bakafanila kuilinda kakale ndibo bakabe bakalingisana nge kuzhula mikoba mangwanana mamwe ne mamwe.
Balevi bamwe
28 Balevi bamwe bakabe bakalingisana nge nshingo we kutjengeta zwija zwinoshingisiwa mu kunamata, bakabe bakafanila kuzwibala azwizhisiwa ne apa zwidusiwa. 29Bamwe babo bakabe bakalingisana ne zwakabezhiwa nenge zwija zose zwakayengemala ne bgwisa gwe tjiwunga ne nkumbi we zhambi ne mafuta ne motsha ne zwipayisi. 30Koga bamwe bapirisiti ibo ndibo bakabe balingisana ne kushanganya zwipayisi.
31Mmwe we Balevi Mathitiya mbano ya Shalumu we nsha wa Kora wakabe akalingisana ne kuthama tjiwunga tjakagotjiwa, 32ne bamwe be nsha wa Kora bakabe bakalingisana ne kululwamisa tjiwunga tjakayengemala Sabata mmwe ne mmwe. 33Ibabo bakabe bali bambi bakabe bali boshe be misha ye Balevi bakabe begala mu zwing'umbana zwe Ng'umba ye Ndzimu ngono kakale bakabe basingashinge mimwe mishingo ngobe bakabe bali mu nshingo wabo siku ne sikati. 34Aba ndibo bakabe bali misholo ye misha ye Balevi nge ndongoloso ye njudzi dzabo kakale bakabe begala mu Jerusalema.
Bobatategulu ne zwizekugwana zwa Saulo
(1 Zwiyitikalo 8:29-38)
35Jeyele tate ba Gibiyoni wakabe egala mu nzi we Gibiyoni. Nkadzi uwe wakabe edang'wa Maaka. 36Nkololo uwe hwola wakabe ali Abidoni, etobegwa ndi Zuri na Kishi na Bhaale na Neri na Nadabu 37na Gedori na Ahio na Zekariya na Mikiloti, 38tate ba Shimeya. Naibo bakabe begala mu Jerusalema pejo ne mamwe makamu abo.
39Neri wakabe ali tate ba Kishi, Kishi ali tate ba Saulo, Saulo ali tate ba Jonatani na Malikishuwa na Abinadabu na Eshibhaale. 40Nkololo wa Jonatani wakabe ali Meribubhaale, Meribubhaale iye ali tate ba Mika. 41Bakololo ba Mika bakabe bali bo Pithoni na Meleki na Thariya na Ahazi,#9:41 Ahazi: Hwalo dzimwe dza ntolo ndidzo dzina zina ileli, linga muna Zwiyitikalo 8:35, Tjihebheru itjo atjina zina ileli. 42Ahazi wakabe ali tate ba Jara, Jara ali tate ba Alemeti na Azimaveti na Zimiri. Zimiri wakabe ali tate ba Moza. 43Moza wakabe ali tate ba Bhineya, Bhineya ali tate ba Refaniya, Refaniya ali tate ba Eleasa, Eleasa ali tate ba Azele.
44Azele wakabe ana bakololo bali tathatu ibo bali bo Azirikamu na Bokheru na Ishimaele na Sheariya na Obadiya na Hanani. Ibaba bakabe bali bakololo ba Azele.
Kalanga Bible © Bible Society of Botswana, 2008, 2018.