1 Zwiyitikalo 2
2
Zwizekugwana zwa Juda
1Aba ndibo bakololo ba Iziraela: Rubheni na Simiyoni na Levi na Juda na Isakari na Zebuluni 2na Dani na Josefa na Bhenjamini na Nafutali na Gadi na Asheri.
3Bakololo ba Juda bakabe bali bo Eri na Onani na Shela, butatu gwabo bakabe bazwagwa ne nkadzi we Nkanana ali nkololokadzi wa Shua. Mbano ya Juda Eri, wakabe ali mbiimbi kwazo mbeli kwa Yahwe ngono bakambulaya. 4Nlongo uwe Tama kan'wanila Perezi na Zera. Ndizo Juda kabe ne bakololo bali bashanu.
5Bakololo ba Perezi bakabe bali bo Hezironi na Hamuli. 6Bakololo ba Zera bakabe bali bo Zimiri na Ethani na Hemani na Khalikholi na Dara bose bose bakabe bali bashanu. 7#Joshuwa 7:1Bakololo ba Khami bakabe bali bo Akhari#2:7 Akhari: Linga Joshuwa 7:1 Zina ileli lodwa phipiti. wakazhisa phipiti mu Iziraela ngotola zwimwe zwija zwabakabe badwiwa kuti basizwitole zwakabe zwapiwa Ndzimu.
8Etani nkololo uwe wakabe ali Azariya.
Ludzi gwa Mambo Dafite
9Bakololo ba Hezironi bakabe bali bo Jerahemele na Rama na Khelubai. 10Rama wakabe ali tate ba Aminadabu, Aminadabu iye ali tate ba Nahishoni ntungamili we bathu be Juda. 11Nahishoni wakabe ali tate ba Salima na Salima ali tate ba Bhoazi, 12Bhoazi wakabe ali tate ba Obedi, Obedi ali tate ba Jesi. 13Jesi wakabe ali tate ba Eliyabu, Eliyabu wakabe ali iye mbano, thobeledzi iye ali Abinadabu thobeledzi iye ali Shimeya, 14thobeledzi iye ali Nethanele thobeledzi iye ali Radayi, 15thobeledzi iye ali Ozemu kologwe ili Dafite. 16Hazwadzi dzabo dzakabe dzili bo Zeruya na Abigali. Zeruya wakabe ne bakololo bali batatu Abishayi na Joabu na Asahele. 17Abigali iye kazwala Amasa tate babe bali Jetheri we N'shimaeli.
Zwizekugwana zwa Hezironi
18Khalebu nkololo wa Hezironi kalobola Azuba ngono bakawana nkololokadzi edang'wa Jerioti, bakololo babe ibo bakabe bali bo Jesheri na Shobabu na Aridoni. 19Kwakati Azuba asinofa Khalebu kalobola Efurati iye kanzwalila Huri. 20Huri wakabe ali tate ba Uri, Uri ali tate ba Bhezaleli.
21Shule kwa ipapo Hezironi wakati abe makole ali makumi ali matathatu (60) kalobola nkololokadzi wa Makhiri tate ba Giliyadi ngono bakazwala Segubu. 22Segubu iye wakabe ali tate ba Jairi. Jairi wakabe ana mizi mikulu ili makumi mabili ana ili mitatu (23) mu shango ye Giliyadi. 23Koga Geshuri na Aramu bakatapa Havoti Jairi ne Kenati ne mizana yawo ili makumi ali matathatu (60). Bose ibaba bakabe bali zwizekugwana zwa Makhiri tate ba Giliyadi. 24Kwakati shule kwe lufu gwa Hezironi, Khalebu kawalilana na Efurati nkadzi wa tate babe ngono iye kanzwalila nkololo edang'wa Ashuri tate ba Tekowa.
Zwizekugwana zwa Jerahemele
25Bakololo ba Jerahemele wakabe ali mbano ya Hezironi bakabe bali bo Rama, Rama ali mbano kutobeledza Bhuna na Oreni na Ozemu na Ahija. 26Jerahemele wakabe ana mmwe nkadzi zina lile kuyi Atara. Atara wakabe ali mme ba Onami. 27Bakololo ba Rama mbano ya Jerahemele bakabe bali bo Maazi na Jamini na Ekeri. 28Bakololo ba Onami bakabe bali bo Shamai na Jada. Bakololo ba Shamai bakabe bali bo Nadabu na Abishuri. 29Nkadzi wa Abishuri wakabe ali Abihaile ngono iye kanzwalila Ahabhani na Molidi. 30Bakololo ba Nadabu bakabe bali bo Seledi na Afaimu ngono Seledi kafa asina mwana. 31Nkololo wa Afaimu wakabe ali Ishi. Nkololo wa Ishi wakabe ali Sheshani. Nkololo wa Sheshani wakabe ali Ahalai. 32Bakololo ba Jada hama ya Shamai wakabe ana bakololo bali babili Jetheri na Jonatani koga Jetheri kafa asina bana. 33Bakololo ba Jonatani bakabe bali bo Peleti na Zaza. Bose ibaba bakabe bali zwizekugwana zwa Jerahemele. 34Sheshani wakabe ana bakololokadzi koga asina bakololo ngono kabe ana nlandalume we N'egipiti edang'wa Jariha. 35Ndizo Sheshani kalobodza nkololokadzi uwe nlanda uwe Jariha ibo bakawana nkololo edang'wa Atai. 36Atai kazwala Nathani, Nathani kazwala Zabadi, 37Zabadi kazwala Efelali, Efelali kazwala Obedi, 38Obedi kazwala Jehu, Jehu kazwala Azariya, 39Azariya kazwala Helezi, Helezi kazwala Eleasa, 40Eleasa kazwala Sisimai, Sisimai kazwala Shalumu, 41Shalumu kazwala Jekamiya, Jekamiya kazwala Elishama.
Zwizekugwana zwimwe zwa Khalebu
42Bakololo ba Khalebu nnung'una wa Jerahemele kwakabe kuli Mesha ali mbano, Mesha wakabe ali tate ba Zifi, thobeledzi ya Mesha wakabe ali Mareshahi, Mareshahi ali tate ba Heburoni. 43Bakololo ba Heburoni bakabe bali bo Kora na Tapuwa na Rekemu na Shema. 44Shema wakabe ali tate ba Rahamu, Rahamu ali tate ba Jokeamu. Rekemu wakabe ali tate ba Shamai. 45Shamai wakabe ali tate ba Maoni, Maoni iye ali tate ba Bhetizuri. 46Khalebu wakabe ana mmwe nkadzi edang'wa Efa, Efa wakabe ali mme ba Harani na Moza na Gazezi. Harani wakabe ali tate ba Gazezi. 47Bakololo ba Jahadayi bakabe bali bo Regemu na Jothamu na Geshani na Peleti na Efa na Shaafa. 48Khalebu wakabe ana mmwe nkadzi edang'wa Maaka. Maaka wakabe ali mme ba Sheberi na Tirihana 49na Shaafa, Shaafa ali tate ba Madimana na Sheva, Sheva ali tate ba Makibhena na Gibiya. Khalebu wakabe ana nkololokadzi edang'wa Akasa. 50Bose ibaba bakabe bali zwizekugwana zwa Khalebu.
Huri wakabe ali iye mbano ya Khalebu ne nkadzi uwe Efurati. Shobali ndiye wakasika Kiriatijearimu, 51nkololo uwe we bubili Salima iye kasika Bhetelehema, Harefi ali we butatu iye kasika Bhetigaderi. 52Zwizekugwana zwa Shobali iye bhalule le Kiriatijearimu bakabe bali bo Haroye ne gwamu le bagali be Menuhoti. 53Njudzi dze Kiriatijearimu dzakabe dzili sahwoku: Ludzi gwe Baitiri ne gwe Baphuti ne gwe Bashumati ne gwe Misharayiti, mu bali kuna Bazora ne Baeshitaoli. 54Bakololo ba Salima bakabe bali bo Bhetelehema ne bathu be Banetofa ne Atiroti Beti Joabu ne Bazori be gwamu gwe ludzi gwa Manahati. 55Njudzi dze bakwali bakabe begala ku Jabezi bakabe bali Batiratite ne Bashimeatite ne Basukatite. Ibaba bakabe bali Bakeni bakabe bedwa ku Hamati nsholo we nsha we Barekabi.
Kalanga Bible © Bible Society of Botswana, 2008, 2018.