SALMOS 99
99
Xuc'ul lac Yum yic'ot Israel
1Mi' cha'len yumʌl lac Yum. Yom tsiltsilñayob i pusic'al winicob x'ixicob.
Buchul lac Yum ya' ti' t'ejl jini querubiñob. La' i yujcun i bʌ pañimil.
2Ñuc lac Yum ti Sion ba' woli ti yumʌntel.
Ñuc ti' tojlel jujunmojt winicob x'ixicob.
3La' i subob i ñuclel a c'aba',
Come bʌbʌq'uen jax, ch'ujulʌch ja'el.
4Jini Ñuc bʌ Rey mi' c'uxbin toj bʌ meloñel.
Tsa'ix i yʌc'ʌ ti melol chuqui tac toj.
Tsa'ix i mele chuqui toj yic'ot chuqui isujm ti' tojlel Israel.
5Subula i ñuclel lac Yum Dios.
Pʌcchocon la' bʌ ba'an i yoc. Ch'ujul jax lac Yum.
6Lac Yum tsi' pejca Moisés yic'ot Aarón, cha'tiquil i motomajob,
Yic'ot Samuel ja'el. Tsi' laj pejcayob lac Yum ti' c'aba'.
Che' an chuqui tsi' c'ajtibeyob lac Yum tsi' jac'beyob.
7Ya' ti wa'al bʌ tocal tsi' cʌntesayob.
Tsi' jac'beyob i t'an yic'ot jini mandar tsa' bʌ i yʌq'ueyob.
8C Yum lojon Dios, tsa' pejcayob.
Tsa' ñusʌbeyob i mul,
Pero tsa' wʌq'ueyob i toj che' bʌ tsa' jultesʌbeyob i pusic'al.
9C'uxbinla lac Yum Dios.
Pʌcchocon la' bʌ ya' ba'an ch'ujul bʌ wits i cha'an,
Come ch'ujulʌch lac Yum Dios.
Currently Selected:
SALMOS 99: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.