SALMOS 90
90
LIBRO IV
Dios mi' yajñel ti pejtelel ora
1-2C Yum, c chumlibet lojon c'ʌlʌl ti wajali.
Che' maxto anic tsa' mele colem wits,
Che' maxto anic tsa' mele jini lum yic'ot pañimil, Diosetʌch.
C'ʌlʌl wajali c'ʌlʌl ti pejtelel ora, Dioset.
3Mi' sujtel ti ts'ubejn winic che' ma' wʌc' a t'an.
4Lajal ma' q'uel jump'ejl mil jab che' bajche' jump'ejl q'uin tsa'ix bʌ ñumi.
Lajalʌch bajche' cha'p'ejl uxp'ejl ora ti ac'ʌlel.
5Ma' pʌy majlel winicob x'ixicob che' bajche' ti but'ja'.
Xñumelob jach che' bajche' lac ñajal.
6Lajalobʌch bajche' jam mu' bʌ i pasel che' mi' sʌc'an pañimil.
Che' mi' yic'an pañimil tsepbilix, tiquinix.
7Come jisʌbilonix lojon cha'an ti a mich'ajel.
Tsiltsilñayon lojon ti bʌq'uen cha'an a mich'ajel.
8Tsa'ix a q'uelbeyon lojon c mul.
Tsa'ix a tsictesa yic'ot a c'ʌc'al jini mʌcʌl bʌ c mul lojon.
9Ti ora jach mi' ñumel j q'uiñilel lojon come mich'et.
Mi' ñumel jini c jabilel lojon yic'ot ajcʌn.
10I ñajtlel lojon c jabilel jiñʌch lujump'ejl i chʌnc'al (70).
Mi p'ʌtʌlon lojon, mic taj lojon chʌnc'al jab.
Mic ñusan lojon tsʌts tac bʌ e'tel yic'ot wocol.
Mi' jilel lojon c jabilel ti ora. Mic chʌmel lojon.
11¿Majqui mi' lu' cʌn i p'ʌtʌlel a mich'ajel?
¿Majqui mi' bʌc'ñañet cha'an cabʌl a mich'ajel?
12Cʌntesañon lojon cha'an mic ña'tan lojon ma'anic jayp'ejl lojon j q'uiñilel
Cha'an mic taj cabʌl lojon c pusic'al.
13La' c Yum. Cha' q'ueleyon lojon ti' yutslel a pusic'al.
¿Baqui ora mi caj a p'untan a winicob?
14La' jastiyicon lojon ti a wutslel ti jujump'ejl sʌc'ajel.
Che' jini mux c cha'len lojon c'ay, tijicñayon lojon ti pejtelel q'uin c'ʌlʌl mic ñox'an lojon.
15Aq'ueñon lojon i tijicñʌyel c pusic'al che' bajche' c'amel tsa' wʌq'ueyon lojon wocol,
Che' bajche' c'amel tsa cubi lojon jini bʌbʌq'uen bʌ.
16Pʌsbeñob a melbal a winicob.
La' tsictiyic a ñuclel ti' tojlel i yalobilob.
17La' i ch'ʌlonla lac Yum Dios ti' yutslel i pusic'al.
Isujm, la' i xuc'chocoñonla ti jini e'tel woli bʌ lac mel.
Currently Selected:
SALMOS 90: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.