SALMOS 82
82
I mul jini jontol bʌ xmeloñelob
1Dios mi' pʌs i bʌ ti' tojlel i cha'año' bʌ mu' bʌ i tempañob i bʌ.
Mi' cha'len meloñel ti' tojlel xmeloñelob.
2Dios mi' yʌl: ¿Jayp'ejl to q'uin mach tojic mi caj a chʌn cha'len meloñel?
¿Jayp'ejl to q'uin mi caj a q'uel ti uts'at jini jontolo' bʌ?
3Mele ti toj jini p'ump'uño' bʌ yic'ot meba'ob.
Coltan jini tic'lʌbilo' bʌ yic'ot jini p'ump'uño' bʌ.
4Coltañob loq'uel ti wocol jini an to bʌ yom i cha'añob yic'ot jini p'ump'uño' bʌ.
Chucuyob loq'uel ti' p'ʌtʌlel jini jontolo' bʌ.
5Ma'anic mi' ña'tañob, ma'anic mi' ch'ʌmbeñob isujm.
Woliyob ti xʌmbal ti ic'ch'ipan bʌ pañimil.
Ya' ba' chucul pañimil mi' ñijcan i bʌ.
6Joñon tsa cʌq'ueyetla la' we'tel ti yumʌl.
Tsa cʌlʌ i yalobiletla jini C'ax Ñuc Bʌ.
7Pero lajal mi caj la' chʌmel bajche' winicob.
Lajal mi caj la' jilel bajche' yaño' bʌ yumʌlob, che'en Dios.
8Dios, ch'ojyen, cha'len meloñel ti' tojlel año' bʌ ti pañimil,
Come i Yumet pejtelel winicob x'ixicob ti pejtelel lum.
Currently Selected:
SALMOS 82: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.