SALMOS 77
77
I melbal jini p'ʌtʌl bʌ Dios
1Mic chʌn pejcan Dios ti c'am bʌ t'an.
Cujil mux i ñich'tʌbeñon.
2Tsac sajca Dios che' bʌ tsa cubi wocol.
Ti ac'ʌlel tsac letsa j c'ʌb ti oración. Ma'anic tsa' lujbayon.
Ma'anic tsac jac'ʌ i ñuq'uesʌntel c pusic'al.
3Tsac ña'ta Dios che' wen ch'ijyem c pusic'al.
Ba' ora com c ch'ʌmben isujm mic lujb'an.
4Ma'anic ma' wʌc'on ti wʌyel, cañal c wut.
Mach mejlicon ti t'an cha'an tsic pusic'al.
5Mic ña'tan chuqui tac tsa' ujti wajali,
Che' cuxulob to c ñojte'el.
6Mic ña'tan c'ay ti ac'ʌlel.
An cabʌl chuqui mic ña'tan tic pusic'al.
Mic cha'len wersa c ch'ʌmben isujm.
7¿Tsa' ba i junyajlel cʌyʌyon c Yum?
¿Mach ba anix mi caj i cha' pʌsbeñon i yutslel i pusic'al?
8¿Tsa ba i junyajlel cʌyʌ i c'uxbiñon ti' yutslel i pusic'al?
Tsa' ba i junyajlel cʌyʌ i pejcan winicob?
9¿Tsa' ba ñajiyi ti' pusic'al i pʌs i yutslel Dios?
¿Tsa' ba i cʌyʌ i p'untañonla cha'an mich'?
10Tsac lon alʌ jiñʌch i c'unlel c bʌc'tal.
Jini cha'an mach lajalix yubil wʌle i p'ʌtʌlel jini C'ax Ñuc Bʌ.
11Mi caj c ña'tan i melbal lac Yum.
Mic ña'tan i yejtal i p'ʌtʌlel tsa' bʌ i pʌsʌ wajali.
12Mi caj c ña'tan tic pusic'al pejtel tsa' bʌ a mele.
Mi caj c ch'ʌm tic wenta pejtel jini ñuc tac bʌ a melbal.
13Dios, ma' tsictesan a bʌ ti ch'ujul bʌ a we'tel.
Ma'anic yambʌ Dios ñuc bʌ che' bajche'et.
14Jatet jach, Dios, ma' pʌs i yejtal tac a p'ʌtʌlel.
Tsa'ix a pʌsbeyob a p'ʌtʌlel winicob x'ixicob ti pejtelel lum.
15Tsa' mʌñʌ a cha'año' bʌ yic'ot a p'ʌtʌlel.
Jiñobʌch i p'olbal Jacob yic'ot i p'olbal José.
16Dios, che' bʌ tsa' mʌñʌ i p'olbal Jacob ya' bʌ añob ti colem ñajb,
Jini ja' tsi' q'ueleyet yilal. Lʌmuña tsi' ñijca i bʌ.
Tsiltsilña tsi' mele i bʌ jini tam bʌ ja'.
17Jini tocal tsi' bajbe ja'al.
Wen c'am tsi' cha'le t'an jini chajc ti panchan.
Sʌplaw tsi' mele i bʌ jini chajc.
18Ya' ti sutujt ic' tsi' cha'le t'an chajc.
Tsa' sʌc'a pañimil cha'an i c'ʌc'al chajc.
Tsi' ñijca i bʌ pañimil, tsi' yujcu i bʌ.
19Tsa' pʌsbeyon lojon a bijlel ti colem ñajb.
Jini alʌ bij a cha'an an ti colem ja' yilal.
Mach tsiquilic i yejtal a woc ti bij.
20Ti' c'ʌb Moisés yic'ot ti' c'ʌb Aarón
Tsa' pʌyʌ majlel a cha'año' bʌ che' bajche' tiñʌme'.
Currently Selected:
SALMOS 77: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.