SALMOS 29
29
I p'ʌtʌlel lac Yum yic'ot i ñuclel
1La' i subob i ñuclel lac Yum jini ángelob.
La' i subob i ñuclel lac Yum yic'ot i p'ʌtʌlel.
2Suben i ñuclel lac Yum come ñuc i c'aba'.
Ch'ujutesan lac Yum am bʌ ch'ujul bʌ i t'ojlʌwib.
3Mi' tsictiyel i t'an lac Yum ti tocal.
Lajal i t'an lac Yum bajche' i t'an chajc.
Mi la cubiben c'am bʌ i t'an lac Yum ya' ti tocal.
4P'ʌtʌl i t'an lac Yum,
Wen ñuc i t'an lac Yum.
5Lac Yum mi' top' jini ch'ujte' che' mi' cha'len t'an.
Isujm lac Yum mi' top' jini ch'ujte' am bʌ ti Líbano wits.
6Cha'an ti' p'ʌtʌlel lac Yum mi' ñijcʌyel wits, Líbano yic'ot Sirión.
Mi' tijp'el yilal che' bajche' alʌ wacax.
7Lac Yum mi' yʌc' i t'an,
Mi' t'oxtʌl i c'ʌc'al chajc.
8Lac Yum mi' yʌc' i t'an, mi' yujcun i bʌ jini jochol bʌ lum.
Lac Yum mi' yujcun jini colem bʌ i tiquiñal lum i c'aba' Cades.
9Lac Yum mi' yʌc' i t'an, yuquiña jini c'olol ti ic'.
Mi' p'ajtel i yopol te'.
Mi' subob i ñuclel pejtel año' bʌ ti' yotot lac Yum.
10Mi' yajñel lac Yum ti pam but'ja'.
Lac Yum mi' cha'len yumʌl ti pejtelel ora.
11Lac Yum mi' yʌq'ueñob i p'ʌtʌlel i cha'año' bʌ.
Lac Yum mi' yʌq'ueñob i ñʌch'tʌlel i pusic'al.
Currently Selected:
SALMOS 29: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.