SALMOS 142
142
C puts'ib ti wocol
1Mic pejcan c Yum ti wocol t'an.
Mij c'ajtiben c Yum cha'an mi' p'untañon.
2Mic suben che' an c tsic pusic'al.
Mic suben pejtel c wocol.
3Cʌmbil i cha'an c bijlel che' c'un c pusic'al.
Mi' yʌc'ob yac ti bij ba' mic ñumel.
4Mic joy q'uel pañimil.
Ma'anic majqui mi' p'ison ti wenta.
Ma'anic baqui mic muc c bʌ.
Ma'anic majqui mi' c'uxbiñon.
5C'am mic pejcañet, c Yum. Mic subeñet: C puts'ibet.
Ch'oyol ba' añet pejtelel c wenlel wʌ' ti' lumal jini cuxulo' bʌ.
6Ubibeñon c t'an come ju'sʌbilix c pusic'al ti wocol.
Pʌyʌyon loq'uel ti' tojlel jini mu' bʌ i tic'lañoñob, come cabʌl i p'ʌtʌlel.
Mach mejlic j coltan c bʌ.
7Pʌyʌyon loq'uel ti mʌjquibʌl cha'an mic sub i ñuclel a c'aba'.
La' tilicob quic'ot cabʌl tojo' bʌ,
Come wola' pʌsbeñon cabʌl i yutslel a pusic'al.
Currently Selected:
SALMOS 142: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.