SALMOS 130
130
Lac Yum mi caj i coltañon
1C Yum, ochemonix ti tam bʌ ja' yilal ba' mach loq'uicon.
Ch'ijiyem c pusic'al mic pejcañet.
2C Yum, ubibeñon c t'an.
Yom ma' ñich'tʌbeñon c t'an yic'ot chuqui tac wolij c'ajtibeñet.
3C Yum, muq'uic a chʌn ña'tan c mul lojon
Mach tojic ma' q'uelon.
4Pero ma' ñusʌbeñon lojon c mul,
Cha'an awom mic bʌc'ñañet lojon.
5Wolic pijtan c Yum. Wolic pijtan ti pejtelel c pusic'al.
Ñʌch'ʌl c pusic'al cha'an ñopol c cha'an i t'an.
6Ñumen cabʌl mic pijtan lac Yum bajche' xcʌntayajob
Mu' bʌ i ñusañob ac'ʌlel ti pijt jinto mi' sʌc'an pañimil.
7Israelet bʌ la, pijtan lac Yum,
Come an laj c'uxbintel ti lac Yum.
Tsi' mʌñʌyonla. Tsi' wen coltayonla.
8Lac Yum mi caj i mʌn loq'uel israelob ba' cʌchʌlob ti' mul.
Currently Selected:
SALMOS 130: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.