SALMOS 126
126
Tsa' sujtiyob che' bajche' tsi' ñajleyob
1Che' bʌ tsi' loc'sayonla lac Yum ba' cʌchʌlonla cha'an mi' pʌyonla tilel ti Sion,
Lajal tsa' la cubi bajche' ñajal.
2Tsa' cajiyonla ti tse'ñal cha'an wen tijicñayonla.
Ju'ucñayonla ti t'an yic'ot c'ay.
Tsa' caji' yʌlob winicob x'ixicob ti yan tac bʌ lum:
Lac Yum tsi' pʌsbeyob ñuc tac bʌ i melbal, che'ob.
3Melel, lac Yum tsi' pʌsbeyonla ñuc tac bʌ i melbal.
Jini cha'an tijicñayonla.
4C Yum, la' cha' tilic c wenlel lojon,
Che' bajche' mi' cha' tilel ja' ti pa' tac ya' ti' tiquiñal lum.
5Jini mu' bʌ i cha'leñob pac' yic'ot e'tel
Tijicña mi caj i cha'leñob c'ajbal.
6Jini mu' bʌ i majlel ti pac' yic'ot i yuq'uel,
Isujm tijicña mi caj i cha' tilel.
Mi caj i cuch tilel i c'ajbal.
Currently Selected:
SALMOS 126: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.