SALMOS 1
1
LIBRO I
Jini toj bʌ yic'ot jini xjontolilob
1Tijicña jini winic mach bʌ anic mi' pi'len ti xʌmbal jontol bʌ winicob cha'an mi' jac'beñob i t'an,
Jini mach bʌ anic mi' wa'tʌl ti' bijlel xmulilob,
Jini mach bʌ anic mi' buchtʌl yic'ot xwajleyajob.
2Ili winic mi' taj i tijicñʌyel ti' mandar lac Yum,
Mi' chʌn ña'tan chuqui yom lac Yum ti q'uinil yic'ot ti ac'ʌlel.
3Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel.
I yopol jini te' mach yujilic p'ajtel.
Pejtel chuqui mi' mel jini winic uts'at mi' yujtel.
4Mach che'ic jini jontol bʌ winicob.
Lajalobʌch bajche' i sujl trigo mu' bʌ i wejlan majlel ic'.
5Jini cha'an ma'anic mi caj i q'uejlelob ti toj che' ti' yorajlel meloñel.
Jini xmulilob ma'anic mi caj i yochelob ya' ba' mi' tempañob i bʌ jini tojo' bʌ.
6Come lac Yum mi' cʌntan jini tojo' bʌ ti' bijlel.
Pero i bijlel jini jontolo' bʌ mi' yʌc'ob ti jilel.
Currently Selected:
SALMOS 1: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.