NUMEROS 34
34
1-2Lac Yum tsi' sube Moisés: Che'ʌch yom ma' cʌntesan israelob: Mach jalix mi caj la' wochel ti' lumal Canaán mu' bʌ caj cʌq'ueñetla. Jiñʌch i cayajonlel jini lum mu' bʌ caj la' ch'ʌm. Jini lum la' cha'añʌch ti pejtelel ora. 3Jini i cayajonlel la' lum mi' ñumel ti' tojel sur, c'ʌlʌl ti colem bʌ i tiquiñal pañimil i c'aba' Zin, ya' ti' ñup' Edom. I cayajonlel am bʌ ti sur mi' tejchel ti' t'ejl jini Chʌmen bʌ Ñajb. 4Xotocña mi' ñumel ili cayajon ti' witsilel Abarim. Ya' mi caj i ñumel ti Zin, yic'ot ti' petol Cades Barnea. Che' jini mi' majlel c'ʌlʌl ti Hasaradar yic'ot ti Asmón. 5Joyocña mi' majlel ili cayajon c'ʌlʌl ti pa' i c'aba' Egipto c'ʌlʌl mi' c'otel ti joloñel ya' ti' ti' Colem Ñajb. 6La' cayajon am bʌ ti' tojel i bʌjlibal q'uin jiñʌch jini Colem Ñajb.
7-9Jini la' cayajon am bʌ ti norte mi caj i tejchel ti Colem Ñajb. Mi caj i majlel ti' tojel jini wits i c'aba' Hor. Che' jini mi caj i ñumel ya' ti Hamat. Mi' cha' ñumel ti Zedad yic'ot ti Zifrón, wi'ilix ti Hazarenán. Ya' jaxʌl la' lum ti norte. 10-11Jini la' cayajon ti' tojel i pasibal q'uin mi' tejchel ti Hazarenán, c'ʌlʌl mi' ñumel ti Sefam. Jini cayajon toj jach mi' jubel majlel ti Ribla, ti' tojel Aín ba' mi' pasel q'uin. Che' jini mi' ñumel jini cayajon c'ʌlʌl ti' ti' colem ja' i c'aba' Cinerat am bʌ ti' pasibal q'uin. 12Jiñʌch cayajon jini Jordán ja' c'ʌlʌl mi' c'otel ti Chʌmen bʌ Ja'. Jiñʌch la' cayajon ba' jaxʌl la' lum, che'en lac Yum.
13Moisés tsi' subeyob jini israelob: Che' mi la' t'ox jini lum, yom mi la' cha'len yajcaya ti alas, che' bajche' jaytiquiletla, ojlil i lujunmojtet bʌ la i yalobil Israel. 14Come tsa'ix i tajayob i lum i p'olbalob Rubén yic'ot i p'olbalob Gad, yic'ot ojlil i p'olbal Manasés. 15Jini ojlil i yuxmojt i yalobilob Israel tsa'ix i tajayob i lum ila ti' tojel Jordán ja' ti' tojel Jericó wʌ' ba' mi' pasel q'uin, che'en.
16-17Lac Yum tsi' sube Moisés: Jiñʌch i c'aba' ili winicob mu' bʌ caj i t'oxob jini lum: Jini motomaj Eleazar yic'ot jini Josué i yalobil Nun. 18Che' ja'el yom ma' yajcan juntiquil am bʌ i ye'tel loq'uem bʌ ti jujunmojt israelob cha'an mi' pʌsbeñob i pi'ʌlob baqui mi caj i chumtʌlob. 19-28Jiñʌch i c'aba' jini winicob:
Caleb (i yalobil Jefone) loq'uem bʌ ti Judá. Samuel (i yalobil Amiud) loq'uem bʌ ti Simeón. Elidad (i yalobil Quislón) loq'uem bʌ ti Benjamín. Buqui (i yalobil Jogli) loq'uem bʌ ti Dan. Haniel (i yalobil Efod) loq'uem bʌ ti Manasés yic'ot ti José. Kemuel (i yalobil Siftán) loq'uem bʌ ti Efraín yic'ot ti José. Elisafán (i yalobil Parnac) loq'uem bʌ ti Zabulón. Paltiel (i yalobil Azán) loq'uem bʌ ti Isacar. Ahiud (i yalobil Selomi) loq'uem bʌ ti Aser. Pedael (i yalobil Amiud) loq'uem bʌ ti Neftalí.
29Jiñʌch wa'chocobilo' bʌ c cha'an mu' bʌ caj i t'oxbeñob i lum israelob ya' ti Canaán, che'en lac Yum Dios.
Currently Selected:
NUMEROS 34: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.