NUMEROS 33
33
I xʌmbal israelob ti Egipto c'ʌlʌl tsa' c'otiyob ti Jordán ja'
1Pejtelel iliyi jiñʌch i bijlel israelob che' bʌ tsi' pʌyʌyob loq'uel ti Egipto ti mojt ti mojt Moisés yic'ot Aarón. 2Moisés tsi' ts'ijba ti jun pejtelel ajñibʌl ba' tsa' jijli tacob, come che'ʌch tsi' sube i mel lac Yum Dios. Jini cha'an jiñʌch i c'aba' jini lum ba' tsa' jijli tacob majlel. Jinto tsi' yʌc'ʌ i mandar lac Yum cha'an mi' cha' xʌñob majlel, tsa' majliyob.
3-4Tsi' cʌyʌyob Ramesés ti Egipto che' ti primero de abril, che' ti yijc'ʌlal Pascua. Ch'ejl i pusic'al israelob cha'an tsi' coltayob lac Yum. Tsa' majliyob ti' wutob jini egiptojob woli bʌ i mucob jini yʌx alʌlob tsa' bʌ i tsʌnsayob lac Yum. Lac Yum tsi' jisʌbeyob ja'el jini melbil tac bʌ i diosob.
5-6Che' jini tsa' loq'uiyob ti Ramesés jini israelob. Tsa' majli i c'ajob i yo ti Sucot. Che' bʌ tsa' loq'uiyob ya'i, tsa' majliyob ti jijlel ti Etam am bʌ ti' t'ejl jini colem bʌ i tiquiñal pañimil. 7Tsa' loq'uiyob ti Etam. Tsa' cha' sujtiyob c'ʌlʌl ti Pihahirot am bʌ ti' tojel Baalsefón. Tsa' jijliyob ti' tojel Migdol. 8Tsi' cʌyʌyob Pihahirot. Tsa' c'axiyob ti colem ñajb ba'an jump'ejl colem bʌ i tiquiñal pañimil i c'aba' Etam. Uxp'ejl q'uin tsi' xʌñʌyob ya'i. Che' jini tsa' jijliyob ti Mara.
9Che' bʌ tsa' loq'uiyob ti Mara, tsa' majliyob ti Elim ya' baqui an lajchʌmp'ejl cuxul bʌ ja' yic'ot lujuntejc i chʌnc'al jini palma te'. Ya' tsa' jijliyob.
10Tsa' loq'uiyob ti Elim, tsa' c'otiyob ti jijlel ya' ti' t'ejl jini Chʌchʌc bʌ Ñajb. 11Tsi' cʌyʌyob jini Chʌchʌc bʌ Ñajb. Tsa' c'otiyob ti jijlel ti colem bʌ i tiquiñal pañimil i c'aba' Sin.
12Tsa' loq'uiyob ya'i, tsa' c'otiyob ti jijlel ti Dofca. 13Tsa' loq'uiyob ya'i, tsa' jijliyob ti Alús. 14Tsa' loq'uiyob ti Alús. Tsa' jijliyob ti Refidim, ya' ba' ma'anix tsi' wis tajayob ja' cha'an mi' japob.
15-37Tsa' loq'uiyob ya' ti Refidim. Tsa' majliyob ti jijlel ya' ti colem bʌ i tiquiñal pañimil i c'aba' Sinaí.
Tsa' loq'uiyob ya'i, tsa' majliyob ti jijlel ti Kibrot Hataava. Tsa' loq'uiyob ya'i, tsa' majliyob ti jijlel ti Hazerot. Tsa' loq'uiyob ya'i, tsa' majliyob ti jijlel ti Ritma. Tsa' loq'uiyob ya'i, tsa' majliyob ti jijlel ti Rimón Peres. Tsa' loq'uiyob ya'i, tsa' majliyob ti jijlel ti Libna. Tsa' loq'uiyob ya'i, tsa' majliyob ti jijlel ti Rissa. Tsa' loq'uiyob ya'i, tsa' majliyob ti jijlel ti Ceelata. Tsa' loq'uiyob ya'i, tsa' majliyob ti jijlel ti wits i c'aba' Sefer. Tsa' loq'uiyob ya'i, tsa' majliyob ti jijlel ti Harada. Tsa' loq'uiyob ya'i, tsa' majliyob ti jijlel ti Macelot. Tsa' loq'uiyob ya'i, tsa' majliyob ti jijlel ti Tahat. Tsa' loq'yiyob ya'i, tsa' majliyob ti jijlel ti Tara. Tsa' loq'uiyob ya'i, tsa' majliyob ti jijlel ti Mitca. Tsa' loq'uiyob ya'i, tsa' majliyob ti jijlel ti Hasmona. Tsa' loq'uiyob ya'i, tsa' majliyob ti jijlel ti Moserot. Tsa' loq'uiyob ya'i, tsa' majliyob ti jijlel ti Benejaacán. Tsa' loq'uiyob ya'i, tsa' majliyob ti jijlel ti wits i c'aba' Gidgad. Tsa' loq'uiyob ya'i, tsa' majliyob ti jijlel ti Jotbata. Tsa' cha' loq'uiyob ya'i, tsa' majliyob ti jijlel ti Abrona. Tsa' loq'uiyob ya'i, tsa' majliyob ti jijlel ti Eziongeber. Tsa' loq'uiyob ya'i, tsa' majliyob ti jijlel ti Cades, am bʌ ti colem bʌ i tiquiñal pañimil i c'aba' Zin. Tsa' loq'uiyob ya'i, tsa' majliyob ti jijlel ti wits i c'aba' Hor am bʌ ti' t'ejl jini lum i c'aba' Edom.
38-39Che' ya' añob ti wits i c'aba' Hor, tsa' letsi majlel jini motomaj Aarón che' bajche' tsi' sube lac Yum. Ya' tsa' chʌmi Aarón, che' anix cha'c'al jab i loq'uelob ti Egipto jini israelob. Tsa' chʌmi che' ti ojlil julio che' anix uxp'ejl i wucc'al (123) i jabilel. 40I yum cananeojob am bʌ ti Arad tsi' yubi wolix i c'otelob israelob. Ya' chumul jini rey ti Neguev ti' lumal Canaán.
41-47Jini israelob tsa' cha' loq'uiyob ti Hor, tsa' majliyob ti jijlel ti Zalmona.
Tsa' loq'uiyob ti Zalmona, tsa' c'otiyob ti Punón. Tsa' loq'uiyob ti Punón, tsa' c'otiyob ti Obot. Tsa' loq'uiyob ti Obot, tsa' c'otiyob ti Ijeabarim ya' ti' ñup' jini Moab. Tsa' loq'uiyob ti Ijeabarim, tsa' majliyob ti Dibongad. Tsa' loq'uiyob ti Dibongad, tsa' majliyob ti Almón Diblataim. Tsa' loq'uiyob ti Almón Diblataim, tsa' majliyob ti jijlel ti wits i c'aba' Abarim, am bʌ ti' tojel Nebo.
48Che' bʌ tsa' cha' loq'uiyob ti Abarim, tsa' c'otiyob ti jijlel ti' lum Moab am bʌ ti' t'ejl jini Jordán, ti' tojel Jericó. 49Ya' ti' t'ejl jini Jordán tsi' cha'leyob chumtʌl c'ʌlʌl ti Betjemisot c'ʌlʌl ti Abelsitim am bʌ ti' lumal Moab.
I cayajonlel i lum ya' ti Canaán
50Lac Yum tsi' pejca Moisés ya' ti' lumal Moab am bʌ ti' t'ejl jini Jordán ti' tojel Jericó. Tsi' sube: 51Yom ma' subeñob pejtelel jini israelob: Mi caj la' c'axel ti Jordán ja'. Mi caj la' wochel ya' ti' lumal Canaán. 52Che' jini yom mi la' choc loq'uel pejtelel jini ya' bʌ chumulob. Yom mi la' laj jembeñob i diosob melbil tac bʌ ti xajlel, yic'ot ti taq'uin. Yom mi la' junyajlel jisʌbeñob i yajñibob ba' mi' ch'ujutesañob. 53Tsa'ix cʌq'ueyetla ti la' wenta jini lum cha'an mi la' ch'ʌm. Ch'ʌmʌla che' jini. Ochenla ti chumtʌl. 54Yom mi la' t'oxben la' bʌ jini lum mu' bʌ caj la' taj. Yom mi la' cha'len yajcaya ti alas cha'an mi' tsictiyel majqui i yum ti pejt ti pejt. Jini cabʌlo' bʌ, ñuc yom mi' yʌq'uentelob i lum. Jini mach bʌ cabʌlobic, i p'isol jach mi' yʌq'uentelob i lum. Ya' ba' mi caj la' taj la' lum, mi caj la' chumtʌl ti mojt ti mojt che' bajche' jaymojt añetla. 55Mi ma'anic tsa' la' choco loq'uel jini winicob, mi che' jach tsa' caji la' cʌyob cha'an mi' tem ajñelob ya' ti lum la' wic'ot, che' jini mi caj la' cha' bʌc'ñañob ti wi'il bʌ ora. Lajalob mi caj la' wubin che' bajche' tan ochemix bʌ ti la' wut, che' bajche' ch'ix mu' bʌ i joch'etla ti la' ch'il'at. Mi caj i yʌq'uetla ti mel pusic'al ya' ba' chumuletla. 56Che' jini mi caj c jisañetla che' bajche' tsac ña'ta c jisañob, che'en lac Yum Dios.
Currently Selected:
NUMEROS 33: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.