JOB 37
37
1Tsiltsilña c pusic'al mi cubin, tʌp'tʌp'ña ti bʌq'uen. 2Ubiben i t'an Dios. Che'ʌch yubil bajche' i t'an chajc. 3Mi' pam ñumel ti yebal panchan. Mi' tsictiyel i c'ʌc'al chajc c'ʌlʌl ti' ti' pañimil. 4Wi'il mi' yubintel i t'an. Wen c'am mu' ti t'an. Mi' c'ʌlʌ ubintel ti ñajt bʌ pañimil. Ma'anic majqui mi mejlel i tic'. 5Mi' cha'len t'an Dios che' bajche' mi' cha'len t'an chajc. Mi' mel ñuc tac bʌ mach bʌ anic mi lac ch'ʌmben isujm. 6Cha'an ti' caj i mandar mi' jubel ti pañimil i ña'al tsʌñal. Mi' choc tilel ja'al jini musmusña bʌ yic'ot chalacña bʌ che' ti' yorajlel. 7Mi' ñup'onla ti la cotot ti pejtelel pañimil cha'an mi' lac ña'tan jiñʌch i melbal Dios. 8Jini jontolo' bʌ bʌte'el mi' sujtelob ti ch'en ba' mi' wʌyelob.
9Loq'uem ti sur mi' tilel sutujt ic'. Loq'uem ti norte mi' tilel tsʌñal. 10Dios mi' wujtan jini colem ja', mi' sujtel ti tuñija'. Tsʌts i pam. 11Isujm mi' lʌtschocon tocal am bʌ i ya'lel. Ya' ti tocal mi' mel chajc. Mi' choc tilel. 12Ti chajp ti chajp an ti' wenta Dios. Ti' caj i mandar Dios mi' joy ñumel ti pejtelel pañimil. Mi' cha'len bajche' jach subebil. 13An i tajol mi' choc tilel cha'an mi' toj'esañonla. An i tajol mi' pʌsbeñonla i yutslel. Jiñʌch Dios mu' bʌ i yʌq'uen i ye'tel.
14Ubin, Job, yom ñʌch'ʌlet cha'an ma' ñich'tan c t'an. P'isi ti wenta jini ñuc bʌ i melbal Dios. 15¿Awujil ba bajche' mi' yʌq'uen i c'ʌjñibal pejtel i melbal? ¿Bajche' mi' yʌc' ti lejmel i c'ʌc'al chajc ti tocal? 16¿Bajche' mi' p'isulan i yalel tocal che' bajche' ti balanza? Jiñʌch ñuc bʌ i melbal Dios, ts'ʌcʌl bʌ i ña'tʌbal. 17¿Awujil ba chucoch ma' cha'len bu'lich che' ñʌch'ʌl pañimil, che' ya jach ti sur woli' tejchel tilel ic'? 18Dios tsi' lich'i panchan che' bajche' colem espejo. Jixcu jatet, ¿awujil ba lich'ol? 19Mi cabʌlʌch a ñatibal, subeñon lojon bajche' yom mic pejcan lojon Dios, come tontojon lojon. Ma'anic lojon c pusic'al. 20¿Yom ba mi lac wersa suben Dios cha'an mi' pejcañonla? ¿Mach ba muq'uic i mich'leñonla che' jini?
21Ma'anic mi laj q'uel che' mʌcʌl pañimil. Ma'anic mi laj q'uel i c'ʌc'al q'uin, pero ya' jach an ti pam tocal ba' tsi' yʌc'ʌ Dios. Jinto mi' tilel ic' i wets' majlel tocal mi' caj ti jajmel. 22Che' ja'el mach mejlic laj q'uel Dios che' mi' jubel tilel ti lac tojlel. Jini jach mi laj q'uel i c'ʌc'al i pislel jini mucul bʌ woli bʌ ti yumʌntel. 23Mach laj cʌmbeyic pejtel i p'ʌtʌlel jini P'ʌtʌl bʌ Mach bʌ Anic i P'isol i P'ʌtʌlel. Anquese toj mi' cha'len meloñel, pero uts i pusic'al ja'el. Ma'anic mi' jisan toj bʌ. 24Jini cha'an winicob mi' ch'ujutesañob. Pero Dios ma'anic mi' p'is ti wenta jini chan bʌ i pusic'al. Tsa' ujti ti t'an Eliú.
Currently Selected:
JOB 37: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.