JOB 26
26
Dios mi' mel chuqui jach yom
1-2Job tsa' caji ti t'an: ¿Che' ba yom ma' coltan jini c'uño' bʌ? ¿Che' ba ma' q'uechben majlel i c'ʌb jini mach bʌ anix i p'ʌtʌlel? 3¿Che' ba yom i cʌntesʌntel jini mach bʌ anic i pusic'al? ¿Che' ba ma' wʌq'uen i ch'ʌmben isujm? 4¿Majqui tsi' yʌq'ueyet a ña'tibal? ¿Baqui ch'oyol jini espíritu mu' bʌ i ñijcañet ti a t'an?
5Tsiltsilña ti bʌq'uen jini chʌmeño' bʌ ti' yebal pañimil yic'ot i chʌñil ja' am bʌ ti colem ñajb. 6Lu' jamʌl ti' wut Dios. Ma'anic chuqui mʌcʌl ti' tojlel. Mi' c'ʌlʌl c'otel i wut ti' yajñib chʌmeño' bʌ. 7Dios mi' lich' panchan che' bajche' pisil ya' ba' ma'anic chuqui an. Che jach mi' ts'uychocon pañimil ya' ba' ma'anic chucul. 8Anquese alatax ja'al, ya jach lotol ti tocal. Ma'anic mi' tojmel tocal anquese cabʌl i yalel. 9Mi' mʌcben i wut jini uw che' mi' yʌc' ti ñumel tocal ti' tojel i wut. 10Mi' tsictesan ya' ba' jaxʌl colem ja' ti' pasibal q'uin yic'ot ti' bʌjlibal q'uin. Ya' ba' mi' c'ʌlʌl c'otel lac wut ma'anic mi' xʌb i bʌ i sʌclel pañimil yic'ot i yic'lel. 11Mi' bujchel i yoyel panchan, mi' cha'len bʌq'uen che' mi' cajel ti a'leya i Yum. 12Ti' p'ʌtʌlel Dios mi' ñʌjch'el colem ja'. Ti cabʌl i ña'tibal mi' ju'sʌben i pusic'al i bʌl ja' chan bʌ mi' mel i bʌ. 13Cha'an ti' yiq'uilel i yej mi' yʌc' ti jajmel pañimil. I c'ʌb mi' yʌc' ti jilel p'ʌtʌl bʌ lucum am bʌ ti ja'. 14Jiñobʌch i tejchibal jach i p'ʌtʌlel. I sajl tac jach mi laj q'uel. Che' mi' tsictesan i p'ʌtʌlel lajalʌch bajche' i t'an chajc. ¿Majqui mi mejlel i p'is? che'en Job.
Currently Selected:
JOB 26: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.