ISAIAS 39
39
Tilemo' bʌ ti Babilonia tsa' c'oti i jula'tañob Ezequías
(2 R. 20.12-19; 2 Cr. 32.27-31)
1Ti jim bʌ ora Merodac Baladán, jini rey ti Babilonia, tsi' yubi lajmenix ti' c'amʌjel Ezequías. Tsi' choco majlel i winicob cha'an mi' yʌq'ueñob i majtan. 2Che' bʌ tsa' c'otiyob, wen tijicña tsa' caji' yubin Ezequías. Tsa' caji' laj pʌsbeñob i chubʌ'an, pejtel jini oro yic'ot plata yic'ot xojocña bʌ ts'ac yic'ot aceite wen fino bʌ yic'ot i yotlel jini e'tijibʌl cha'an guerra yic'ot pejtelel chuqui tac lotol ti jini otot. Ma'anic chuqui lotol ti' yotot yic'ot ti' yumʌntel mach bʌ anic tsi' pʌsʌ. 3Che' jini tsa' cha' tili jini x'alt'an Isaías cha'an mi' jula'tan Ezequías. Tsi' c'ajtibe: ¿Chuqui tsi' yʌlʌyob jini winicob? ¿Baqui ch'oyolob? che'en. Ezequías tsi' jac'ʌ: Wen ñajt tsa' tiliyob. Ch'oyolob ti Babilonia, che'en. 4Isaías tsi' cha' sube: ¿Chuqui tsi' q'ueleyob ila ti a wotot? che'en. Ezequías tsi' jac'ʌ: Tsi' laj q'ueleyob chuqui tac an. Ti pejtelel jini lotol tac bʌ ma'anic mi junchajpic mach bʌ anic tsac pʌsbeyob, che'en.
5-6Jini cha'an Isaías tsi' sube: Ñich'tan i t'an lac Yum, i Yum Panchan yic'ot Pañimil: “P'isi ti a wenta: tal jump'ejl q'uin che' mi caj i laj cujchel majlel pejtelel ili wʌ' bʌ an ti a wotot, yic'ot pejtel chuqui tac tsi' lotoyob a ñojte'elob wajali c'ʌlʌl ti ili ora. Mi caj i laj ch'ʌjmel majlel ti Babilonia. Ma'anic chuqui mi caj i wis cʌytʌl. 7A walobilob ja'el mu' bʌ caj i yilañob pañimil, mi caj i pʌjyelob majlel. Mi caj i sujtelob ti x'e'telob i cha'an jini rey ti Babilonia”. Che' tsi' yʌlʌ lac Yum, che'en Isaías. 8Ezequías tsi' jac'be: Uts'at pejtel i t'an lac Yum che' bajche' wola' wʌl. Mach talic wocol che' cuxulon to. Ñʌch'ʌl to pañimil, xuc'ul to c yumʌntel che' cuxulon, che'en.
Currently Selected:
ISAIAS 39: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.