ESDRAS 1
1
I mandar jini rey Ciro
(2 Cr. 36.22-23)
1Ti ñaxan bʌ jab che' woli' mel i yumʌntel jini rey Ciro, i yum Persia, lac Yum tsi' ts'ʌctesa jini t'an tsa' bʌ i yʌlʌ jini x'alt'an Jeremías. Lac Yum tsi' ñijcʌbe i pusic'al Ciro cha'an mi' pam puc jini t'an ti pejtelel lum. Tsi' yotsa ti jun ja'el. Tsi' yʌlʌ: 2Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá. 3Jini cha'an la' sujticob ti Jerusalén pejtel israelob. La' i melob jini Templo che' bajche' yom lac Yum, come jiñʌch Dios, i Dios Israel am bʌ ti Jerusalén. La' ajnic Dios yic'ot jini mu' bʌ i majlelob. 4Pejtelel jini israelob mach bʌ anic mi' majlelob, baqui jach añob, la' i coltañob i pi'ʌlob mu' bʌ i majlelob. La' i yʌq'ueñob plata, yic'ot oro, yic'ot alʌc'ʌl yic'ot chubʌ'añʌl. Che' ja'el la' i yʌc'ob ofrenda bajche' c'amel yom i pusic'al cha'an i melol i Templo lac Yum ya' ti Jerusalén. Jiñʌch c mandar, che'en Ciro.
Tsa' sujtiyob ti Jerusalén
5Jini cha'an tsi' jac'ʌyob jini xñoxob año' bʌ i ye'tel ti Judá yic'ot ti Benjamín, yic'ot jini motomajob yic'ot levíjob. Dios tsi' ñijcʌbeyob i pusic'al cha'an mi' sujtelob ti Jerusalén, cha'an mi' melob i Templo lac Yum. 6I pi'ʌlob ti chumtʌl tsa' bʌ cʌleyob ti Persia tsi' coltayob. Tsi' yʌq'ueyob plata, yic'ot oro, yic'ot alʌc'ʌl, yic'ot chubʌ'añʌl letsem tac bʌ i tojol che' bajche' yom i pusic'al.
7Jini rey Ciro tsi' cha' ac'ʌyob ti' wenta israelob jini taza tac melbil bʌ ti oro tsa' bʌ i loc'sa Nabucodonosor ti' yotot lac Yum am bʌ ti Jerusalén, lotol bʌ ti' yotlel i dios tac ya' ti Babilonia. 8Jini rey Ciro tsi' sube Mitrídates jini tesorero ti Persia cha'an mi' loc'san ya' ba' lotol. Jini Mitrídates tsi' yotsa ti jun. Tsi' yʌc'ʌ ti' wenta Sesbasar am bʌ ñuc bʌ i ye'tel ti' tojlel jini israelob. 9-10Jiñʌch i yonlel tsa' bʌ aq'uenti cha'an Ciro: 1,000 colem taza tac melbil bʌ ti oro, 1,000 colem taza tac melbil bʌ ti plata, 29 taza tac ba' mi' pulel abʌc, 30 taza tac melbil bʌ ti oro, 2,410 taza tac melbil bʌ ti plata (ti chajp ti chajp), 1,000 yambʌ uch'ijibʌl tac. 11Pejtelel jini uch'ijibʌl tac melbil bʌ ti oro yic'ot ti plata, jiñʌch 5,469. Tsa' lu' ajq'ui ti' wenta Sesbasar cha'an mi' ch'ʌm majlel ti Jerusalén yic'ot i pi'ʌlob. Tsa' loq'uiyob ti Babilonia cha'an mi' sujtelob ti' lumal.
Currently Selected:
ESDRAS 1: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.