ESDRAS 2
2
Tsa' sujtiyob yic'ot Zorobabel
(Neh. 7.5-73)
1Tsa' sujtiyob cabʌl israelob tsa' bʌ coliyob ti Babilonia. I yalobilobʌch jini winicob tsa' bʌ cʌjchiyob majlel cha'an jini rey Nabucodonosor ti Babilonia. Tsa' sujtiyob ti Jerusalén yic'ot ti pejtelel tejclum tac ti Judá ba' ch'oyolob i tatob. 2Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana.
Jiñʌch i tsicol jini tsa' bʌ sujtiyob ti mojt ti mojt: 3-35I pi'ʌlob Paros 2,172. I pi'ʌlob Sefatías 372. I pi'ʌlob Ara 775. I pi'ʌlob Pahat Moab (i p'olbalob Jesúa yic'ot Joab) 2,812. I pi'ʌlob Elam 1,254. I pi'ʌlob Zatu 945. I pi'ʌlob Zacai 760. I pi'ʌlob Bani 642. I pi'ʌlob Bebai 623. I pi'ʌlob Azgad 1,222. I pi'ʌlob Adonicam 666. I pi'ʌlob Bigvai 2,056. I pi'ʌlob Adín 454. I pi'ʌlob Ater (i p'olbalob Ezequías) 98. I pi'ʌlob Bezai 323. I pi'ʌlob Jora 112. I pi'ʌlob Hasum 223. I pi'ʌlob Gibar 95. I pi'ʌlob Belén 123. I pi'ʌlob Netofa 56. I pi'ʌlob Anatot 128. I pi'ʌlob Azmavet 42. I pi'ʌlob Quiriat Jearim. Cafira yic'ot Beerot 743. I pi'ʌlob Ramá yic'ot Geba 621. I pi'ʌlob Micmas 122. I pi'ʌlob Betel yic'ot Hai 223. I pi'ʌlob Nebo 52. I pi'ʌlob Magbis 156. I pi'ʌlob Elam 1,254. I pi'ʌlob Harim 320. I pi'ʌlob Lod, Hadid yic'ot Ono 725. I pi'ʌlob Jericó 345. I pi'ʌlob Senaa 3,630.
36-39Jiñʌch i tsicol motomajob tsa' bʌ sujtiyob tilel: I pi'ʌlob Jedaías loq'uemo' bʌ ti Josúa 973. I pi'ʌlob Imer 1,052. I pi'ʌlob Pasur 1,247. I pi'ʌlob Harim 1,017.
40-42Jiñʌch i tsicol levíjob tsa' bʌ sujtiyob tilel: I pi'ʌlob Jesúa yic'ot Cadmiel loq'uemo' bʌ ti Hodavías 74. Jini xc'ayob loq'uemo' bʌ ti Asaf 128. I p'olbalob jini xcʌnta ti' otot (i pi'ʌlob Salum, Ater, Talmón, Acub, Hatita, Sobai) 139.
43-54Jiñobʌch i tatob i yaj coltayajob Templo: Ziha, Hasufa, Tabaot, Queros, Siaha, Padón, Lebana, Hagaba, Acub, Hagab, Salmaí, Hanán, Gidel, Gahar, Reaía, Rezín, Necoda, Gazam, Uza, Paseah, Besai, Asena, Meunim, Nefusim, Bacbuc, Hacufa, Harhur, Bazlut, Mehída, Harsa, Barcos, Sísara, Tema, Nezía, Hatifa.
55-57Tsa' sujtiyob ja'el i p'olbalob jini x'e'telob i cha'an bʌ Salomón: Sotai, Soforet, Peruda, Jaala, Darcón, Gidel, Sefatías, Hatil, Poqueret Hazebaim, Ami. 58Pejtelel i yaj x'e'telob cha'an i Templo lac Yum yic'ot i p'olbalob i mozojob Salomón jiñobʌch 392.
59Ti jim bʌ ora yambʌ junmojt tsa' sujti ti Jerusalén. Jiñobʌch loq'uemo' bʌ ti tejclum tac ti Persia: Telmela, Telharsa, Querub, Addán yic'ot Imer. Ma'anic tsa' mejli i tsictesañob mi i p'olbalobʌch israelob, come sajtem i juñilelob. 60Sajtem i juñilel ja'el i yalobilob Delaía, i yalobilob Tobías, yic'ot i yalobilob Necoda. Ti' pejtelelob añob 652.
61Tsa' sujtiyob ti Jerusalén ja'el uxmojt motomajob. Jiñobʌch i pi'ʌlob Habaía, i pi'ʌlob Cos, i pi'ʌlob Barzilai tsa' bʌ i ch'ʌmbe i c'aba' i nij'al, come tsi' pʌyʌ xch'oc bʌ i yalobil Barzilai jini galaad cha'an i yijñam. 62-63Tsi' sʌclʌbeyob i c'aba' ti' juñilel ba' ochemob i c'aba' i ñojte'elob, pero ma'anic tsi' tajayob. Jini cha'an tsa' chilbentiyob i ye'tel ti motomaj. Jini yumʌl tsi' tiq'uiyob cha'an ma'anic mi' c'uxob jini ch'ujul bʌ waj jinto che' mi' tejchel juntiquil motomaj am bʌ ti' wenta cha'an mi' c'ajtiben Dios bajche' yom melol, come i tilel jini motomaj mi' pejcan jini xajlel i c'aba' Urim yic'ot Tumim cha'an mi' ña'tan chuqui yom Dios.
64-65Pejtelel ili winicob x'ixicob tsa' bʌ sujtiyob ti Judá añob 42,360. Tsa' sujtiyob je'el 7,337 tsa' bʌ i cha'leyob majtan e'tel, yic'ot 200 yujilo' bʌ c'ay. 66-67Tsi' pʌyʌyob majlel 736 caballo yic'ot 245 mula, yic'ot 435 camello, yic'ot 6,720 burro.
68Che' bʌ tsa' c'otiyob ba' jembil i Templo lac Yum ya' ti Jerusalén, lamital jini xñoxob tsi' yʌc'ʌyob ofrenda cha'an mi' cha' melob i Templo Dios ti jini jach bʌ i yajñib. 69Che' bajche' c'amel an i taq'uin ti jujuntiquilob tsi' yʌc'ʌyob ti' wenta jini tesorero. Tsi' yʌc'ʌyob che' bajche' ojlil i chʌmp'ejl millón peso jini oro, yic'ot cha'p'ejl millón peso jini plata, yic'ot jo'c'al i bujc jini motomajob.
70Jini motomajob, levíjob, yic'ot lamital yaño' bʌ tsa' chumleyob ti Jerusalén yic'ot ti xchumtʌl tac ti joytilel. Jini xc'ayob yic'ot xcʌnta ti' ototob, che' ja'el x'e'telob ti' yotot lac Yum yic'ot i pi'ʌlob, tsa' majliyob ti chumtʌl ti yan tac bʌ tejclum ti Judá ba' ch'oyolob i tatob.
Currently Selected:
ESDRAS 2: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.