DEUTERONOMIO 34
34
Tsa' chʌmi Moisés
1Tsi' subu i bʌ Moisés ti joctʌl i cha'an Moab. Tsa' caji ti letsel majlel ti' jol wits i c'aba' Pisga am bʌ ti Nebo wits, ya' ti' tojel Jericó. Lac Yum tsi' pʌsbe pejtelel i lumal Canaán, c'ʌlʌl ti Galaad c'ʌlʌl ti Dan: 2I lum Neftalí, yic'ot i lum Efraín yic'ot Manasés, yic'ot i lum Judá c'ʌlʌl ti colem bʌ Ñajb, 3yic'ot jini Neguev, yic'ot jini joctʌl Jordán, yic'ot Jericó ba'an cabʌl bonxan te', yic'ot i lum Zoar. 4Lac Yum tsi' sube Moisés: Jiñʌch jini lum woli bʌ cʌq'ueñob israelob che' bajche' tsac subeyob Abraham, yic'ot Isaac, yic'ot Jacob. Wʌle, tsa'ix a q'uele, pero ma'anic mi caj a wochel ya'i, che'en lac Yum.
5Jini cha'an tsa' chʌmi Moisés, i winic lac Yum, ya' ti' lumal Moab che' bajche' tsi' yʌlʌ lac Yum. 6Lac Yum tsi' mucu Moisés ti joctʌl ti Betpeor am bʌ ti Moab, pero ma'anic majqui mi' ña'tan baqui tsa' mujqui. 7Anix wʌcc'al (120) i jabilel Moisés che' bʌ tsa' chʌmi, pero c'ʌlʌl wento i wut che' bʌ tsa' chʌmi. Ch'ejlto che' bajche' ch'iton winic. 8Jini israelob tsi' yuc'tayob ya' ti joctʌl i cha'an Moab lujump'ejl i cha'c'al (30) q'uin.
9An cabʌl i ña'tʌbal jini Josué (i yalobil Nun), come Moisés tsi' yʌc'ʌ i c'ʌb ti' pam. Jini cha'an jini israelob tsi' jac'beyob i t'an Josué. Tsi' meleyob che' bajche' lac Yum tsi' sube Moisés. 10Ma'anic yambʌ x'alt'an che' bajche' Moisés c'ʌlʌl wʌle, come lac Yum tsi' pejca ti' wut. 11-12Cha'an ti' mandar lac Yum Moisés tsi' cha'le ñuc tac bʌ i ye'tel. Ma'anic yambʌ yujil bʌ i melol che' bajche' jini. Tsi' pʌsʌ bʌbʌq'uen bʌ i melbal ti' wut Faraón yic'ot ti' wutob pejtelel año' bʌ i ye'tel ti Egipto yic'ot i pi'ʌlob, yic'ot ti' wutob jini israelob. Tsi' wen tsictesa ñuc bʌ i p'ʌtʌlel lac Yum.
Currently Selected:
DEUTERONOMIO 34: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.