DEUTERONOMIO 27
27
Mi caj i ts'ijbuntel jini mandar ti xajlel ya' ti Ebal wits
1Moisés yic'ot jini xñoxob ti Israel tsi' sube israelob: Yom mi la' jac' pejtelel ili mandar mu' bʌ c subeñetla wʌle. 2Che' ma' c'axel ti junwejl Jordán ja', che' ma' c'otel ti jini lum mu' bʌ i yʌq'ueñetla lac Yum Dios, yom ma' ts'ʌl letsel xajlel, jini mero ñuc tac bʌ. Che' jini yom ma' bon ti tan. 3Yom ma' laj ts'ijban tac ili t'an che' ochemetix ti jini lum woli bʌ i yʌq'ueñet lac Yum Dios, ya' ba' wen yujil colel pejtelel pʌc'ʌbʌl, jini lum mu' bʌ i yʌq'ueñet lech yic'ot chab che' bajche' lac Yum Dios tsi' wʌn subeyob lac ñojte'elob. 4Che' ñumeñetix ya' ti Jordán, yom ma' ts'ʌl letsel xajlel ya' ti wits i c'aba' Ebal. Yom ma' bon ti tan. 5Ya' yom ma' wa'chocon jump'ejl pulʌntib i cha'an lac Yum Dios, melbil bʌ ti xajlel. Mach yomic ma' c'ʌn tsucu taq'uin mi fierro ti melol. 6Wa'chocon i pulʌntib i majtan lac Yum yic'ot xajlel tac mach bʌ juc'bilic cha'an yom ma' pulben i majtan lac Yum Dios. 7Yom ma' wʌq'uen tsʌnsʌbil bʌ i majtan cha'an i ñʌch'tʌlel a pusic'al. Ya' yom ma' c'ux we'elʌl. Yom tijicña a pusic'al ti' tojlel lac Yum Dios. 8Yom ma' wen ts'ijban pejtel ili mandar ya' ti xajlel, che'en. 9Che' jini Moisés temel yic'ot motomajob, levíjob, tsi' pejcayob pejtelel israelob: Ubin Israel, yom ma' wajñel ti ñʌch'ʌl, come wʌle tsa'ix ochiyet ti' tejclum lac Yum Dios. 10Jini cha'an yom ma' wubiben i t'an lac Yum Dios. Yom ma' jac' pejtel ili t'an woli bʌ c subeñet, che'en Moisés.
Ya' ti wits tac i c'aba' Ebal yic'ot Gerizim
11Moisés tsi' subeyob ti jini q'uin: 12Che' c'axemetix la ya' ti Jordán ja', muq'uix i majlelob ti wa'tʌl ti wits i c'aba' Gerizim cha'an mi' subob uts bʌ t'an: Simeón, Leví, Judá, Isacar, José, yic'ot Benjamín. 13Muq'uix i majlelob ti wa'tʌl ya' ti wits i c'aba' Ebal cha'an mi' tsictesañob wocol: jini Rubén, Gad, Aser, Zabulón, Dan, yic'ot Neftalí.
14Jini levíjob muq'uix i pejcañob ti c'am bʌ t'an pejtelel israelob. Mi caj i yʌlob: 15“La' aq'uentic wocol jini winic mu' bʌ i mel dioste' cha'an mi' ch'ujutesan anquese mucul jach mi' yʌc'. Lajal i mul mi tsi' c'ʌñʌ te' o mi tsi' c'ʌñʌ plata, come ts'a' mi' q'uel lac Yum jini diostac”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 16“La' aq'uentic wocol jini mach bʌ anic mi' p'is ti wenta i tat i ña'”. Pejtelel jini año' bʌ ti tejclum mi caj i yʌlob: “Amén”, che'ob. 17“La' aq'uentic wocol jini mu' bʌ i c'axtesan majlel i cayajonlel i lum i pi'ʌl”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 18“La' aq'uentic wocol jini mu' bʌ i lotin xpots' cha'an mi' loq'uel ti' bijlel”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 19“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 20“La' aq'uentic wocol jini mu' bʌ i pi'lʌben i yijñam i tat, come i pi'ʌlʌch i tat. Woli' yʌc' ti quisin i tat”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 21“La' aq'uentic wocol jini mu' bʌ i i pi'len jini alʌc'ʌl tac”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 22“La' aq'uentic wocol jini mu' bʌ i pi'len i chich, yic'ot xch'oc bʌ i yalobil i tat, yic'ot xch'oc bʌ i yalobil i ña'”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 23“La' aq'uentic wocol jini mu' bʌ i pi'len i nij'al”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 24“La' aq'uentic wocol jini mu' bʌ i mucu tsʌnsan i pi'ʌl”. Pejtelel jini año' bʌ ti tejclum mi caj i yʌlob: “Amén”, che'ob. 25“La' aq'uentic wocol jini mu' bʌ i ch'ʌm i majtan cha'an mi' tsʌnsan jini mach bʌ anic i mul”, che'ob. Pejtelel jini año' bʌ ti tejclum mi caj i yʌlob: “Amén”, che'ob. 26“La' aq'uentic wocol jini mach bʌ anic mi' jac' i mel ili mandar”, che'ob. Pejtelel jini año' bʌ ti tejclum mi caj i yʌlob: “Amén”, che'ob.
Currently Selected:
DEUTERONOMIO 27: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.