YOANES 2
2
Abôʼô aluʼu ya Kana
1E mvuse valé, e môse lale, ane be nga kaʼa abôʼô aluk, e Kana ya Galilé, nyia Yésus a too abôʼô te; 2be nga bañete fe Yésus baa beyéʼé bé aluʼu te. 3Eyoñe woon a nga man, e nde nyia Yésus a nga jôô nye na: Be ntoo teke fe woon! 4Ane Yésus a nga jô nye na: A minga, bia wo bi ne za ajôô? Awolo dam e ngenane te kpwaan. 5Ane nyia a nga jô bongô bisaé na: E jam ése a ye jô mia, boʼane de! 6Nde beta minkaʼa mekoʼo mendim mi mbe valé, ntelan mfaʼa ya ntunan beyude be nga bo be tunu bebien, tañe bone be fôndô bebaé nge belaa. 7Ane Yésus a nga jô be na: Jalaʼane mevieʼe mekoʼo mana mendim; e nde be nga jalé me mendim ne lut. 8Ane a nga beta jô be na: Bietane ñhe éyoñe ji, mi ke ve môt a jôô mame ya dina; e nde fe be nga ke ve nye. 9Atyeʼe njôô dina a nga tyeʼe mendime me nga kôñelane woone ma, ve nye teke yem e mfaʼa woon a so, e bongô bisaé be nga lab mendim, be be yemek, e nde njôô dina a nga loone nluʼu minga 10a jô nye na: Môt ase a bo a tatéʼé ve e woon a ne zam , e nyô a ne te dañe zame kik, éyoñ bôte be nga bili; ve wô wo te viane baʼale woon a ne zam a zu kui aval éyoñe di. 11Jina é ne étua jam ôsu ya bitua bi mam bié; a nga bo je e kana ya Galilé, a liti bôt duma dé, ane beyéʼé bé be nga buni nye. 12E mvuse éte, a nga siliki a ke Kapernawum, émien, a nyia wé, a bobenyañ, a beyéʼé bé, ane be nga tabe valé abe melu.
Yésus a fubu nda Zambe
(Mt 21:12-17; Mk 11:15-17; Lk 19:45-46)
13Eyoñe Pak Beyude é nga bo bebé, ane Yésus a nga beta bet e Yérusalém. 14E nde a nga koone bôte ntaʼan e nda Zambe été: a ba ba kuane benyak a mintômba a bezum, a ba ba tyendé bemoné, 15ane a nga bo nkasa a minsinga minko, a titane bese be kôlô nda Zambe été a kui atan baa be mintômba a benyak, a nga tyamelane moné betyendé moné, a sôʼôlô fe betebele bab e si. 16A jô bôte ba kuane bezume na: Vaʼane me biôme bite va, te mia bo nda Esaa wom nda minkuan. 17Eyoñe éte beyéʼé bé ba zu simesane jam e ne ntilane na: Nyeʼan ma nyeʼe nda jôé wo ye wôé ma. 18E nde Beyude be nga nyoñe nkobô a jô nye na: Za ndem éziñ wo liti bia na wo yiane foʼo bo mame wo bo ma? 19Ane Yésus a nga yalane be a jô na: Tyamane nda Zambe nyô, ma ye beta telé je tetele ve melu mela mela. 20E nde Beyude ba zu jô nye na: Melôñ, ya nda Zambe nyô me nga sili mimbu mewôme menyiin a misaman, ve mfaʼa wôé, wo ye beta telé je tetele ve melu mela mela! 21Nde nye ke a mbe a kobôʼô ajô nda Zambe ya nyôle jé émien. 22Ve éyoñ a wômôya a kôlôʼô miñwuan, ane beyéʼé bé be nga simesane na a nga kobô be ajô te, e nde be nga buni Mintilan a ajô Yésus a nga kobô.
Yésus a yeme môt été
23Eyoñ Yésus a nga too e Yérusalém, abôʼô Pak été valé, ane bôt abui be nga buni nye, amu be nga yen bitua bi mam a mbe a boʼok. 24Ve Yésus émiene kik, nye teke dañe tabe be ndi, amu a mbe a yeme be bese, 25a teke mfi éziñ asu dé na môte mfe a kañete nye ajô ya be môta binam; amu na émien a mbe a yeme jam e ne môta binam e nlem été.
Currently Selected:
YOANES 2: BULU09
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009