Sawal la giled’a 1
1
MBAKTUM MBA AVOKA
(1—41)
Furî d’a gagazid’a
1-2Sama nga mi tit
yam d’alâ hi suma asa’atna d’uo,
ma nga mi tchol
ki suma tchila yam gata hi Ma didinid’a d’uo,
ma nga mi kak zlapa darigïd’a
ki suma las Alona d’uo,
ma hurum ve gata hi Ma didinid’a,
nga mi dugud’ot ndumba andjege ki faleina,
mi le furîd’a.
3Mam mi d’igi agu ma a pum avun mbiyo ma laud’a
ma nga mi vut ata yam ma vuta
ma humam nga d’i lugot tuo na na.
Ahlena pet suma nga mi lazina, mi fazi mi.
4Wani suma asa’atna a nga hina d’i.
Azi ni d’igi bra d’a simetna mi felet teid’a na.
5Ni kayam ndata ba, kur bur ma ka sariyad’a,
azi ndak á tchol avok Alona d’i.
Suma asa’at ndazina a ndak á kal
kur toka hi suma d’engzengîd’a d’uo mi.
6Ma didina nga mi ngom suma d’engzengâ kur tit mazid’a,
wani suma asa’atna a i ni kur bad’a.
Currently Selected:
Sawal la giled’a 1: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.