Sawal la giled’a 98
98
Agi suburugi Ma didin ma nga mi djïna
1Wana ni sawal la giled’a.
Agi gilegi Ma didina ki sawal la awilid’a,
kayam mi lahle suma ndandalâ.
Mi sut suma ni ki bigam mba ndjufa,
ni kabom ma bei le tchod’a ba na mi.
2Ma didina mi nde sut mamba woyo,
mi tak d’ingêr mamba woi ir andjaf suma.
3Humam gum yam o mam mba didinda,
yam d’engzeng mam mba yam azì ma Israel-lîd’a.
Andagad’a vunat ma dabid’a pet,
ti we suta hAlo meinid’a.
4Agi suma yam andagad’ina pet,
agi sorogi ki furîd’a á suburugi Ma didina,
agi hlagi sawal la furîd’a,
agi suburugizi ki sawal la giled’a mi.
5Agi hlagi sawala kadingâ mi Ma didina,
agi hlagi sawala ad’u dela hadingîd’a.
6Agi suburugi Ma didina amul ma ngolâ
kaduvei suma nglona kaduvei suma gureina mi.
7Ar alum ma ngolâ mi oî d’igi azlona na
kahle suma kuruma pet,
andagad’a kahle suma nga katna pet mi.
8Ar aluma mi tum abom ririp,
ahuniyôna a tok tu á le furîd’a
9avok Ma didina,
kayam nga mi djï á ka sariyad’a yam andagad’a.
Mba mi ka sariyad’a yam suma kur duniyad’ina ki d’ingêra,
mba mi ka sariyad’a yam andjaf suma dingâ ki d’engzeng mamba mi.
Currently Selected:
Sawal la giled’a 98: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
