Sawal la giled’a 138
138
An nga ni gileng ki hurun pet
1Ni sawal la David mi hlata.
Ma didina, an nga ni gileng ki hurun pet,
an nga ni gileng ki sawala avok malaikana.
2An nga ni grif kä kur gong mang nga kud’ora,
an nga ni gileng simiyêng
yam o mang nga didinda ki gagazi manga,
yam vun mang ma hled’a ki simiyêng
ma suma a nga yuma a kal ahlena pet akulo.
3Kur bur ma an yangâ, ang humunu,
ang siranu, ang han ad’enga atan mi.
4Ma didina, fata suma yam andagad’ina pet
a hum zla d’a ndeï avunangid’a,
a mba gilengû.
5A mba gilengî yam gat manga,
kayam subur manga ti kal ngola.
6Ma didina, ang sä akulo dei,
ang nga gol suma lulumana,
ang nga golï suma yam mba ad’enga ei akulo dei mi.
7Le an i avok kur ndaka ni, ang nga ndjununu,
ang nga ngop man suma djangûna kur ayî mazina,
ang nga mad’ï abong ma ndjufâ á sud’unu.
8Ma didina, ang mba lahle suma djivina yam anu;
Ma didina, o manga nga d’i dap pi,
ang ar sun nda ang lat kabonga woi d’i.
Currently Selected:
Sawal la giled’a 138: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
