Sawal la giled’a 130
130
Tchenda hi sama kur ndakina
1Ni sawal la suma a djak Jerusalem á lü vun tilîna a hlata.
Ma didina, kur zul la yiyaka hi ndak man nda ngolid’a,
an nga ni yangû.
2Ma didina, ang humun delenu!
Ang tin humang djivid’a á hum tchen manda!
3Ma didina, Salad’a,
ladjï ang nga ndumî tchod’a hi sumid’a ni,
ni nge ba, mba mi kak karid’a avorong nge?
4Wani angî ma vat hurung ngei yam sumina.
Ni kayam ndata ba, ami nga hungû.
5An nga ni tin hurun yam Ma didina ki tan pet,
an nga ni djup mi zla mam mba ded’a.
6An tin hurun yam Salad’a
kal azigar ma ndjol ma mi djup yima fod’ina,
gagazi, kal azigar ma ndjol ma mi djup yima fod’ina.
7Agi Israel-lâ, agi tinigi hurugi yam Ma didina,
kayam mam mi sama djivina;
ni ma sut suma woi kur ndakina.
8Mam mi ma mba mi sud’ugi woi
kur tcho magi d’a lara ge petna.
Currently Selected:
Sawal la giled’a 130: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
