Sawal la giled’a 110
110
Amul ma ngol ma ngat buzuna
1Wana ni sawal la gile d’a David mi hlata.
Salad’a Alona mi de mi Salana ala:
Ang kak ata bigan nda ndjufa
gak an mba ni mbut mang suma djangûna
vama tin asengâ.
2Ma didina mba mi hang
totogo mang nga tamula kad’engid’a ei ni Siyon.
Ang mba te yam mang suma djangû suma a nguyungâ.
3Kur bur ma ang tok b’rang mangina,
mang suma huruzi vangâ a tap ki sed’eng mi,
gro azungeî mangâ a mba mba geveng
yam ahuniyô suma a tinizi irazi vazina
d’igi mbad’ïd’a ti ge pipir na.
4Ma didina mi gun tamu,
mba mi hulong bugol li.
Mi dala: Angî ma ngat buzuna gak didin
d’igi Melkisedek na.
5Salad’a mi nga ata bigang nga ndjufa,
mba mi tchi amuleina woi
kur bur ma mi ndeï ayî mama woina.
6Mba mi ka sariyad’a aduk andjaf suma.
Yina pet mba mi oî ki mad’a suma;
mba mi tchi amulei suma yam ambas sa ngolina woyo.
7Amulâ mba mi tche mbiyo toliyonda iram glovoyo.
Ni kayam ndata ba, mba mi yo djedjerem akulo.
Currently Selected:
Sawal la giled’a 110: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
