Zla d’a d’ogolâ 20
20
1Süm guguzlud’a ni vama las suma,
süm ma ayîna heîna nga mi mba ki batranga mi.
Sama mi he tam yam süma á tched’ina
nga mi wäd’u zla d’i.
2Ayîna hamulîna mi mbut suma mandarâ ni d’igi tchina hazlonina na.
Sama kom kama mi le ni tam tchod’a.
3Sama mi wal tam mbei ki huneîd’ina, suma a mba hum ngola.
Wani sama lili ma lara ge pî, mi tcholot nakulo.
4Sama azulomba nga mi zum mbuo nabo ab’lenga,
wani ata yima duta nga mi hala, nga mi fe va d’i.
5Djib’er ra kur sana krovod’a ni d’igi mbiyo ma galilei ma yiyi’â na,
wani sama wad’ud’a nga mi we lovot ta mi ndat tei abud’a.
6Suma ablaud’a nge nge pî, mi de ni woi yam djivi mamba.
Wani ni nge ba, mi fe sama d’engzengâ ge?
7Sama d’ingêr ma nga mi tit kur d’engzeng mambina,
grom suma a mba ar blogoma a mba fe djivid’a!
8Ata yima amulâ mi kak á ka sariyad’ina,
mi wal tchod’a woi ni ki iram mba gola.
9Ni nge mi ndak á dala: An mbut hurun ndei yed’et,
an mbut tan ndei yed’et kur tcho manda ge?
10Kilo ma nga ahlena ni vamu, angot ta nga ahlena ni vat mi,
azi djak nahle suma ndjendjed’a ir Ma didina.
11Gogorâ le tit mamba ni yed’et toze ni d’ingêru ni,
suma a wumî ata sun mam mba led’a.
12Hum mba nga d’i humba ki ira ra nga d’i wed’a,
azi djak Ma didina mi lazi ni mamu.
13Le ang kal yang ki sen ma burâ ni,
ang mba mbut sama houd’a,
wani le ang bur sena djedjeged’a ni,
ang mba hop ki tena.
14Sama gusa nga mi dala:
Gus ndata nga ata yat ti, gus ndata nga ata yat ti,
mi ge tam wani mi tchuk vunam sanda musmus.
15Lora nga, ahina d’a guzut kal teglesa ti nga ngola mi.
Wani vama guzum kal teglesâ ni zla d’a de d’a ndavun sama wad’ud’id’a.
16Ang yo baru mama kayam mi hle vunam á ve balâ mi sama mam wum nga d’uo na,
ang ve va mama balâ kad’enga yam sama mam wum nga d’uo máma.
17Te ma sana mi fum ki mbut irina madjib’eta avunamu,
wani bugol ndjö mi mbut andagad’a avunamu.
18Nga hurâ mi ndak memet nata d’al ma ded’a.
Nata d’al ma ded’a ba, ang dur ayî ma djivina ata lovod’om mi.
19Sama mi ka ad’u sumina mi ge ni zla d’a mudurid’a ad’ut teyo.
Ang wal tang ngei ki sama vunam afefeta á de zlad’ina.
20Sama mi yahlena yam abum kasuma,
mba mi mit tei d’igi lalamba ti mit tei aduk andjege dangâla na.
21Djo ma b’at ma a b’ad’am avo’â,
b’e vuna nga kam bugol li.
22Ar ang dala: An mba ni hulong tchod’a yam tchod’a d’i.
Ang tin hurung yam Ma didina; mam mba mi sud’ung ngeyo.
23Anek ka nga d’a nga ata yat tuo d’a
ni vama ndjendjed’a ir Ma didina,
kilo ma hle ma nga ata yam mbuo na,
mi nga ni vama djivi d’uo mi.
24Ni Ma didina ba, nga mi tak lovot ta tita mi sana.
Sana ni nge ba, mi ndak á we lovot mamba ge?
25Ni dauna yam sana á ded’a atogo zazak ala: An tin vama wana iram vam mAlona,
ta mi nde djib’era bugol la mam hle wa vunam dad’a.
26Amul ma ned’a nga mi ndjoî suma asa’atna woyo,
nga mi tozi bei wazi hohowozi ba.
27Muzu’â hi sanina ni lalamba hi Ma didina
d’a nga d’i fek hur sana fefeka.
28Djivid’a ki gagazid’a a nga ndjun amulâ.
Ni djivi d’a led’a ba, nga mi sira kamul mamba.
29Ad’enga nahle suma tchuka hazungeînina,
abusa nahle suma min tad’a hi momorogeinina mi.
30Tod’a kang tang mbuleina ndondota ni kuma ma yam tchod’ina,
to d’a tong ba ba kal atang piprata ni hina mi.
Currently Selected:
Zla d’a d’ogolâ 20: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 20
20
1Süm guguzlud’a ni vama las suma,
süm ma ayîna heîna nga mi mba ki batranga mi.
Sama mi he tam yam süma á tched’ina
nga mi wäd’u zla d’i.
2Ayîna hamulîna mi mbut suma mandarâ ni d’igi tchina hazlonina na.
Sama kom kama mi le ni tam tchod’a.
3Sama mi wal tam mbei ki huneîd’ina, suma a mba hum ngola.
Wani sama lili ma lara ge pî, mi tcholot nakulo.
4Sama azulomba nga mi zum mbuo nabo ab’lenga,
wani ata yima duta nga mi hala, nga mi fe va d’i.
5Djib’er ra kur sana krovod’a ni d’igi mbiyo ma galilei ma yiyi’â na,
wani sama wad’ud’a nga mi we lovot ta mi ndat tei abud’a.
6Suma ablaud’a nge nge pî, mi de ni woi yam djivi mamba.
Wani ni nge ba, mi fe sama d’engzengâ ge?
7Sama d’ingêr ma nga mi tit kur d’engzeng mambina,
grom suma a mba ar blogoma a mba fe djivid’a!
8Ata yima amulâ mi kak á ka sariyad’ina,
mi wal tchod’a woi ni ki iram mba gola.
9Ni nge mi ndak á dala: An mbut hurun ndei yed’et,
an mbut tan ndei yed’et kur tcho manda ge?
10Kilo ma nga ahlena ni vamu, angot ta nga ahlena ni vat mi,
azi djak nahle suma ndjendjed’a ir Ma didina.
11Gogorâ le tit mamba ni yed’et toze ni d’ingêru ni,
suma a wumî ata sun mam mba led’a.
12Hum mba nga d’i humba ki ira ra nga d’i wed’a,
azi djak Ma didina mi lazi ni mamu.
13Le ang kal yang ki sen ma burâ ni,
ang mba mbut sama houd’a,
wani le ang bur sena djedjeged’a ni,
ang mba hop ki tena.
14Sama gusa nga mi dala:
Gus ndata nga ata yat ti, gus ndata nga ata yat ti,
mi ge tam wani mi tchuk vunam sanda musmus.
15Lora nga, ahina d’a guzut kal teglesa ti nga ngola mi.
Wani vama guzum kal teglesâ ni zla d’a de d’a ndavun sama wad’ud’id’a.
16Ang yo baru mama kayam mi hle vunam á ve balâ mi sama mam wum nga d’uo na,
ang ve va mama balâ kad’enga yam sama mam wum nga d’uo máma.
17Te ma sana mi fum ki mbut irina madjib’eta avunamu,
wani bugol ndjö mi mbut andagad’a avunamu.
18Nga hurâ mi ndak memet nata d’al ma ded’a.
Nata d’al ma ded’a ba, ang dur ayî ma djivina ata lovod’om mi.
19Sama mi ka ad’u sumina mi ge ni zla d’a mudurid’a ad’ut teyo.
Ang wal tang ngei ki sama vunam afefeta á de zlad’ina.
20Sama mi yahlena yam abum kasuma,
mba mi mit tei d’igi lalamba ti mit tei aduk andjege dangâla na.
21Djo ma b’at ma a b’ad’am avo’â,
b’e vuna nga kam bugol li.
22Ar ang dala: An mba ni hulong tchod’a yam tchod’a d’i.
Ang tin hurung yam Ma didina; mam mba mi sud’ung ngeyo.
23Anek ka nga d’a nga ata yat tuo d’a
ni vama ndjendjed’a ir Ma didina,
kilo ma hle ma nga ata yam mbuo na,
mi nga ni vama djivi d’uo mi.
24Ni Ma didina ba, nga mi tak lovot ta tita mi sana.
Sana ni nge ba, mi ndak á we lovot mamba ge?
25Ni dauna yam sana á ded’a atogo zazak ala: An tin vama wana iram vam mAlona,
ta mi nde djib’era bugol la mam hle wa vunam dad’a.
26Amul ma ned’a nga mi ndjoî suma asa’atna woyo,
nga mi tozi bei wazi hohowozi ba.
27Muzu’â hi sanina ni lalamba hi Ma didina
d’a nga d’i fek hur sana fefeka.
28Djivid’a ki gagazid’a a nga ndjun amulâ.
Ni djivi d’a led’a ba, nga mi sira kamul mamba.
29Ad’enga nahle suma tchuka hazungeînina,
abusa nahle suma min tad’a hi momorogeinina mi.
30Tod’a kang tang mbuleina ndondota ni kuma ma yam tchod’ina,
to d’a tong ba ba kal atang piprata ni hina mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.