Zla d’a d’ogolâ 19
19
1Sama hohou ma nga mi tit kur lovot mamba d’ingêrâ,
mi kal sama ka zla ma mi mbut tam lilid’ina.
2Bei wad’ud’a ni vama tchona yam sana,
sama nga mi ve tam kei d’uo na, nga mi nde kur tchod’a.
3Lilid’a hi sanid’a nga d’i b’lagam lovot mamba,
wani hurum krovo mi zalî ata Ma didina zang.
4Sama ndjondjoîna buniyôma a nga zul kam kua kam kua,
wani sama kid’aka banama nga mi but tei ki sed’emu.
5Sama mi le glangâs ma aboinina, zlad’a nga d’i ba bei vum mbi;
sama ka zlad’a heîna, mba mi prut tei bei zlad’a vum mbuo mi.
6Suma ablaud’a a nga gile sama ngolâ ata yima mi nga ki sed’ezina,
suma pet a nga ve banad’a ki sama mi he he d’a hawad’a mi sumina mi.
7Sama houd’a b’oziyoma a nga noyômu,
buniyôma a nga golom sä woi hina dei.
Nga mi halazi á dazi zlad’a ki hud’a pî, nga mi fe sa d’i.
8Sama mi fe ned’ina mi le ni yam mam tamba,
sama mi ngom wad’ud’ina mi fe ni djivid’a mi.
9Sama mi le glangâs ma aboinina, zlad’a nga d’i ba bei vum mbi;
sama ka zlad’a heîna, mba mi ba woi mi.
10Nga djivid’a tala ma lilid’a mi kak kur duzî d’a d’a d’i.
Hina mi, magoma mi ndak á te yam amuleina d’uo mi.
11Sama wad’ud’a nga mi mbut ayîna atogo d’i.
Subur mamba ni djib’er ra nga mi djib’er yam tcho d’a a nga lumzid’a d’uo d’a.
12Ayîna hamulîna mi ni d’igi tchina hazlonina na,
wani djivi mamba ni d’igi mbad’ï d’a ata asunid’a na.
13Gor ma lilid’a mi ni vama ngula ata abumu.
Atcha d’a yal heîd’a ti ni d’igi azi d’a tchut teteud’a na.
14Azina ki ndjondjoîd’a ni djo ma abuyod’a a nga hum mi grod’ina,
wani atcha d’a wad’ud’a ni he d’a hawad’a hi Ma didinid’a.
15Azulomba ti burî sana sena d’ad’ak,
sama mi le sunda ndjondjôna, meid’a mba d’i tchumu.
16Sama nga mi ngom vun ma hed’ina mi ngomî tamu,
sama nga mi gol lovot mamba isâ mba mi mid’a.
17Sama nga mi we hohowa sama kid’akina, mi tin ni balâ yam Ma didina,
mam mi Ma mba mi wuragam yam sun mambina.
18Ang gat gorongâ ata yima mi ndak á gatina.
Hina wani, ang mba d’elem avun matna.
19Ar sama hurum zal heîna mi fe wurak mamba.
Le ang vum kä pî, nga mi i avogovogo.
20Ang hum d’alâ, ang ve hata,
kayam ang mba mbut sama ned’a kuru.
21Djib’er ra kur sanid’a nablaud’a,
wani ni nga hurâ hi Ma didinina ba, mba mi ndagat vunad’u.
22Vama suma a minim ata sanina ni djivi d’a led’a.
Hotei ang kak sama houd’a kal la ang mbut sama ka zlad’id’a.
23Le mandara Ma didina mi i ni sana kur arid’a;
mam mba mi kak ki djivid’a, vama tcho mba mi tchila avo hatam mbuo mi.
24Sama azulomba nga mi nik abom kä kur angota,
wani nga mi hulongôm hled’a woi á im avunam mbi.
25Ang to sama las suma, ma lilid’a mba mi mbut sama ned’a;
ang ngop sama wad’ud’a, mba mi i avogovok kur wäd’u mamba.
26Sama mi b’lak ahlena habuma woi mi dik asum mbei mi na,
ni gor ma mi mba ki zulona ki ngulina.
27Gorona, le hat ta ang nga had’ata ti walang ngei dei ki wed’a ni,
ang humut ti.
28Sama glangâs ma hawa ya’â mi lazî zla d’a irata,
zla d’a ti ndavun sama asa’atnid’a ti b’la’î zla d’a d’ingêra woyo.
29Gata ni yam suma las suma,
blafâ ná to suma lilid’a mi.
Currently Selected:
Zla d’a d’ogolâ 19: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 19
19
1Sama hohou ma nga mi tit kur lovot mamba d’ingêrâ,
mi kal sama ka zla ma mi mbut tam lilid’ina.
2Bei wad’ud’a ni vama tchona yam sana,
sama nga mi ve tam kei d’uo na, nga mi nde kur tchod’a.
3Lilid’a hi sanid’a nga d’i b’lagam lovot mamba,
wani hurum krovo mi zalî ata Ma didina zang.
4Sama ndjondjoîna buniyôma a nga zul kam kua kam kua,
wani sama kid’aka banama nga mi but tei ki sed’emu.
5Sama mi le glangâs ma aboinina, zlad’a nga d’i ba bei vum mbi;
sama ka zlad’a heîna, mba mi prut tei bei zlad’a vum mbuo mi.
6Suma ablaud’a a nga gile sama ngolâ ata yima mi nga ki sed’ezina,
suma pet a nga ve banad’a ki sama mi he he d’a hawad’a mi sumina mi.
7Sama houd’a b’oziyoma a nga noyômu,
buniyôma a nga golom sä woi hina dei.
Nga mi halazi á dazi zlad’a ki hud’a pî, nga mi fe sa d’i.
8Sama mi fe ned’ina mi le ni yam mam tamba,
sama mi ngom wad’ud’ina mi fe ni djivid’a mi.
9Sama mi le glangâs ma aboinina, zlad’a nga d’i ba bei vum mbi;
sama ka zlad’a heîna, mba mi ba woi mi.
10Nga djivid’a tala ma lilid’a mi kak kur duzî d’a d’a d’i.
Hina mi, magoma mi ndak á te yam amuleina d’uo mi.
11Sama wad’ud’a nga mi mbut ayîna atogo d’i.
Subur mamba ni djib’er ra nga mi djib’er yam tcho d’a a nga lumzid’a d’uo d’a.
12Ayîna hamulîna mi ni d’igi tchina hazlonina na,
wani djivi mamba ni d’igi mbad’ï d’a ata asunid’a na.
13Gor ma lilid’a mi ni vama ngula ata abumu.
Atcha d’a yal heîd’a ti ni d’igi azi d’a tchut teteud’a na.
14Azina ki ndjondjoîd’a ni djo ma abuyod’a a nga hum mi grod’ina,
wani atcha d’a wad’ud’a ni he d’a hawad’a hi Ma didinid’a.
15Azulomba ti burî sana sena d’ad’ak,
sama mi le sunda ndjondjôna, meid’a mba d’i tchumu.
16Sama nga mi ngom vun ma hed’ina mi ngomî tamu,
sama nga mi gol lovot mamba isâ mba mi mid’a.
17Sama nga mi we hohowa sama kid’akina, mi tin ni balâ yam Ma didina,
mam mi Ma mba mi wuragam yam sun mambina.
18Ang gat gorongâ ata yima mi ndak á gatina.
Hina wani, ang mba d’elem avun matna.
19Ar sama hurum zal heîna mi fe wurak mamba.
Le ang vum kä pî, nga mi i avogovogo.
20Ang hum d’alâ, ang ve hata,
kayam ang mba mbut sama ned’a kuru.
21Djib’er ra kur sanid’a nablaud’a,
wani ni nga hurâ hi Ma didinina ba, mba mi ndagat vunad’u.
22Vama suma a minim ata sanina ni djivi d’a led’a.
Hotei ang kak sama houd’a kal la ang mbut sama ka zlad’id’a.
23Le mandara Ma didina mi i ni sana kur arid’a;
mam mba mi kak ki djivid’a, vama tcho mba mi tchila avo hatam mbuo mi.
24Sama azulomba nga mi nik abom kä kur angota,
wani nga mi hulongôm hled’a woi á im avunam mbi.
25Ang to sama las suma, ma lilid’a mba mi mbut sama ned’a;
ang ngop sama wad’ud’a, mba mi i avogovok kur wäd’u mamba.
26Sama mi b’lak ahlena habuma woi mi dik asum mbei mi na,
ni gor ma mi mba ki zulona ki ngulina.
27Gorona, le hat ta ang nga had’ata ti walang ngei dei ki wed’a ni,
ang humut ti.
28Sama glangâs ma hawa ya’â mi lazî zla d’a irata,
zla d’a ti ndavun sama asa’atnid’a ti b’la’î zla d’a d’ingêra woyo.
29Gata ni yam suma las suma,
blafâ ná to suma lilid’a mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.