Zla d’a d’ogolâ 15
15
1Zla d’a a hulongôt ded’a ki del la djivid’id’a, ti ve vun ayîna kä,
wani zla d’a de d’a tchod’a ti tcholî ayîna akulo.
2Zla d’a de d’a ndavun suma ned’id’a ti ta’î we d’a djivi d’a kala woi abua,
wani zla d’a ndavun suma lilid’id’a ti ta’î lilid’a woi abu mi.
3Ma didina iram nga ata yina pet
á gol suma asa’atna ki suma djivina mi.
4Zla d’a djivi d’a ndavun sanid’a nagu ma harid’ina,
wani zla d’a ata yat tuo d’a ndavun sanid’a ti b’la’î hur sana.
5Ma lilid’a nga mi gol hata habumba is,
wani sama mi ve ngopa atama mba mi kak ki ned’a.
6Azina hi ma d’ingêrîna mi nga oîd’a ki ndjondjoîd’a,
wani fed’a hi sama asa’atnid’a ndaka nga kua.
7Zla d’a ti ndavun suma ned’id’a ti ya’î wed’a,
wani suma lilid’a djib’er mazid’a ti nga hina d’i.
8Vama ngat buzuna hi suma asa’atnina ni vama ndjendjed’a ir Ma didina,
wani tam nga d’i lum djivid’a yam tchenda hi suma d’ingêrîd’a.
9Tita hi sama asa’atnid’a ni vama ndjendjed’a ir Ma didina,
wani nga mi le yam sama nga mi tit yam d’ingêrina.
10Sama mi d’es sei kur lovotina a mba ngobom ngop pa ad’enga,
wani sama mi noî ngopina mba mi mit teyo.
11Yima azuleina ki zul la yiyik ka suma a ba woi kuad’a ni pid’ak ir Ma didina
d’oud’a d’igi hur suma zu?
12Ma las suma nga mi min ala sa mi ngobom mbi,
nga mi i gen suma ned’a d’uo mi.
13Sama mi nga ki furîd’ina iram mbi ni woi tchatreî,
wani le sana mi nga kur ndaka ni, tam mbi tchu’î susub’ok mi.
14Sama wad’ud’a mi halî ned’a,
wani suma lilid’a a te ni lilid’a.
15Sama hohoud’a mi ni kaka kur ndaka burâ ki burâ,
wani sama tam djivid’ina mi ni kur furîd’a burâ ki burâ.
16Hotei ang kak sama houd’a á le mandara Ma didina,
kal la ang kak sama ndjondjoîna ang kak kur djib’era burâ ki burîd’a.
17Hotei ang te hum ahlena ata yima od’a nga kuana,
kal la ang mut hliwa amuhl ma d’orâ ata yima noî tad’a nga kuana.
18Sama ayîna heîna nga mi tchol ki huneîd’a,
wani sama le lilinga nga mi ve vun huneîd’a kä.
19Lovota hi sama azulombid’a ti ni d’igi kangâ ma aweid’a na,
wani lovota hi suma d’ingêrîd’a ti ni minda woi papana.
20Gor ma ned’a nga mi labum tam djivid’a,
wani ma lilid’a nga mi gol asum is.
21Lilid’a ni vama furîd’a ir sama bei wäd’u zlad’a ba na,
wani sama wad’ud’a mi tit naduk d’ingêr.
22Le suma ablaud’a a ndjak nga vunazi yam va d’uo ni,
nga hur máma mi b’la’î woyo,
wani le suma de d’alâ a nga ablaud’a ni,
a ndagam vunamu.
23Sana nga mi le furîd’a yam zla d’a de d’a djivi d’a mam hulongôt de d’a ki vunamba.
Ni vama djivi ma kalâ ata yima sana mi de zlad’a ata yatna.
24Sama wad’ud’a mi hle ni lovot ta ari d’a i akulod’a
á sut tam mbei ata yima azulei ma nga ad’u kä na.
25Ma didina nga mi to azina hi suma a subur tazina woyo,
wani nga mi hle ir hagad’a hatcha d’a modonod’a akulo.
26Djib’er ra tchod’a ni vama ndjendjed’a ir Ma didina,
wani zla d’a de d’a djivid’a ni vama djivina iram mi.
27Sama mi le d’od’oka á fe bege d’a mbut irina
mi mba ni ki ndaka yam aziyamu,
wani sama nga mi noî he d’a hawa d’a mbut ira woina,
mba mi kak karid’a.
28Sama d’ingêrâ mi djib’er djib’er tua ba, mi hulong zla d’a ded’a,
wani suma asa’atna vunazi mi ya’î zla d’a tchod’a.
29Ma didina nga mi hut tam mbei dei ki suma asa’atna,
wani nga mi hum tchenda hi suma d’ingêrîd’a.
30Gol sana ki furîd’a ti lum tam djivid’a,
zla d’a djivi d’a sana mi humuta ti hum tam ad’enga mi.
31Sama nga mi tin humam á hum ngop pa i sana kur arid’id’a,
mba mi ka’î aduk suma ned’a.
32Sama mi noî hatina mi golî tam is,
wani sama mi min ngopina mba mi mbut sama wad’ud’a.
33Le mandara Ma didina hat ni ned’a,
ge yam mba kä d’a avok tua ba, subura mba ni bugolo.
Currently Selected:
Zla d’a d’ogolâ 15: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 15
15
1Zla d’a a hulongôt ded’a ki del la djivid’id’a, ti ve vun ayîna kä,
wani zla d’a de d’a tchod’a ti tcholî ayîna akulo.
2Zla d’a de d’a ndavun suma ned’id’a ti ta’î we d’a djivi d’a kala woi abua,
wani zla d’a ndavun suma lilid’id’a ti ta’î lilid’a woi abu mi.
3Ma didina iram nga ata yina pet
á gol suma asa’atna ki suma djivina mi.
4Zla d’a djivi d’a ndavun sanid’a nagu ma harid’ina,
wani zla d’a ata yat tuo d’a ndavun sanid’a ti b’la’î hur sana.
5Ma lilid’a nga mi gol hata habumba is,
wani sama mi ve ngopa atama mba mi kak ki ned’a.
6Azina hi ma d’ingêrîna mi nga oîd’a ki ndjondjoîd’a,
wani fed’a hi sama asa’atnid’a ndaka nga kua.
7Zla d’a ti ndavun suma ned’id’a ti ya’î wed’a,
wani suma lilid’a djib’er mazid’a ti nga hina d’i.
8Vama ngat buzuna hi suma asa’atnina ni vama ndjendjed’a ir Ma didina,
wani tam nga d’i lum djivid’a yam tchenda hi suma d’ingêrîd’a.
9Tita hi sama asa’atnid’a ni vama ndjendjed’a ir Ma didina,
wani nga mi le yam sama nga mi tit yam d’ingêrina.
10Sama mi d’es sei kur lovotina a mba ngobom ngop pa ad’enga,
wani sama mi noî ngopina mba mi mit teyo.
11Yima azuleina ki zul la yiyik ka suma a ba woi kuad’a ni pid’ak ir Ma didina
d’oud’a d’igi hur suma zu?
12Ma las suma nga mi min ala sa mi ngobom mbi,
nga mi i gen suma ned’a d’uo mi.
13Sama mi nga ki furîd’ina iram mbi ni woi tchatreî,
wani le sana mi nga kur ndaka ni, tam mbi tchu’î susub’ok mi.
14Sama wad’ud’a mi halî ned’a,
wani suma lilid’a a te ni lilid’a.
15Sama hohoud’a mi ni kaka kur ndaka burâ ki burâ,
wani sama tam djivid’ina mi ni kur furîd’a burâ ki burâ.
16Hotei ang kak sama houd’a á le mandara Ma didina,
kal la ang kak sama ndjondjoîna ang kak kur djib’era burâ ki burîd’a.
17Hotei ang te hum ahlena ata yima od’a nga kuana,
kal la ang mut hliwa amuhl ma d’orâ ata yima noî tad’a nga kuana.
18Sama ayîna heîna nga mi tchol ki huneîd’a,
wani sama le lilinga nga mi ve vun huneîd’a kä.
19Lovota hi sama azulombid’a ti ni d’igi kangâ ma aweid’a na,
wani lovota hi suma d’ingêrîd’a ti ni minda woi papana.
20Gor ma ned’a nga mi labum tam djivid’a,
wani ma lilid’a nga mi gol asum is.
21Lilid’a ni vama furîd’a ir sama bei wäd’u zlad’a ba na,
wani sama wad’ud’a mi tit naduk d’ingêr.
22Le suma ablaud’a a ndjak nga vunazi yam va d’uo ni,
nga hur máma mi b’la’î woyo,
wani le suma de d’alâ a nga ablaud’a ni,
a ndagam vunamu.
23Sana nga mi le furîd’a yam zla d’a de d’a djivi d’a mam hulongôt de d’a ki vunamba.
Ni vama djivi ma kalâ ata yima sana mi de zlad’a ata yatna.
24Sama wad’ud’a mi hle ni lovot ta ari d’a i akulod’a
á sut tam mbei ata yima azulei ma nga ad’u kä na.
25Ma didina nga mi to azina hi suma a subur tazina woyo,
wani nga mi hle ir hagad’a hatcha d’a modonod’a akulo.
26Djib’er ra tchod’a ni vama ndjendjed’a ir Ma didina,
wani zla d’a de d’a djivid’a ni vama djivina iram mi.
27Sama mi le d’od’oka á fe bege d’a mbut irina
mi mba ni ki ndaka yam aziyamu,
wani sama nga mi noî he d’a hawa d’a mbut ira woina,
mba mi kak karid’a.
28Sama d’ingêrâ mi djib’er djib’er tua ba, mi hulong zla d’a ded’a,
wani suma asa’atna vunazi mi ya’î zla d’a tchod’a.
29Ma didina nga mi hut tam mbei dei ki suma asa’atna,
wani nga mi hum tchenda hi suma d’ingêrîd’a.
30Gol sana ki furîd’a ti lum tam djivid’a,
zla d’a djivi d’a sana mi humuta ti hum tam ad’enga mi.
31Sama nga mi tin humam á hum ngop pa i sana kur arid’id’a,
mba mi ka’î aduk suma ned’a.
32Sama mi noî hatina mi golî tam is,
wani sama mi min ngopina mba mi mbut sama wad’ud’a.
33Le mandara Ma didina hat ni ned’a,
ge yam mba kä d’a avok tua ba, subura mba ni bugolo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.