Zla d’a d’ogolâ 14
14
1Atcha d’a ned’a nga d’i min aziyat kad’u,
wani ta lilid’a ti tomî kä woi kabod’u.
2Sama nga mi tit tit ta d’ingêrina nga mi le mandara Ma didina,
wani sama nga mi tit tit ta gundina nga mi golomî is.
3Zla d’a avun sama lilid’id’a nazlingât ta yam subur ta mambid’a,
wani zla d’a avun suma ned’id’a nga d’i ngomoziya.
4Le amuzleina nga d’uo ni, a nga fawu ma tchuk avir ri.
Ni yam ad’enga hamuhlîd’a ba, a fawuna ngola.
5Sama glangâs ma d’engzengâ nga mi ka zla d’i,
wani ma glangâs ma aboina mi zulî zla d’a kad’a.
6Sama las sumina mi hal ned’a pî, nga mi fat ti.
Wani wed’a ni vama afefetna ata sama wad’ud’a.
7Ang wal tang ngei ki sama lilid’a,
kayam ang nga hum zla d’a wäd’u avunam mbi.
8Ned’a hi sama ned’id’a ti tagamî tit mamba,
wani lilid’a hi suma lilid’id’a ni mbut ira.
9Suma lilid’a a gol tchod’a ni vama luna iraziya,
wani ang fe djivid’a naduk suma d’ingêrâ.
10Sana mi we vama b’lagam hurum krovona ni mamu,
sama ding nga mi b’rau furî mamba ki sed’em mbuo mi.
11Azina hi suma asa’atnina mba mi b’lak keyo,
wani azina hi suma d’ingêrîna mba mi tchola ad’enga ngingring.
12Ata yima dingâ sana nga mi djib’er ala tit mamba ni djivid’a.
Wani dabid’a ti imî kur matna.
13Kur furîd’a wan pî dam hur ma wurana nga kua,
dabid’a hi furîd’id’a dam hur ma b’laka nga kua mi.
14Sama bateina mba mi fe ndaka yam sun mamba,
wani sama djivina mba mi hop kahle suma avo hatama mi.
15Sama bei wäd’u zlad’a ba na nga mi he gagazid’a yam zla d’a de d’a lara ge pet,
wani sama ned’a mi djib’er tit mamba ni djib’era tua.
16Sama ned’a nga mi le mandara tchod’a,
mi wal tam mbei ki sed’ed’u,
wani sama lilid’a nga mi nga atogo zak á led’a,
nga mi le mandar ri.
17Sama mi mbut ayîna atogo zaza’â mi le ni sun nda lilid’a,
sama nga mi djib’er djib’er ra tchod’ina suma a nga noyôm mi.
18Suma bei wäd’u zlad’a ba na a mba te ni lilid’a djona,
wani suma ned’a avaval mazid’a ni wed’a.
19Suma tchona a mba grif kä avok suma djivina,
suma asa’atna a mba grif kä avun azina hi suma d’ingêrîna mi.
20Sama houd’a ndram mazina pî mi noyômu,
wani ma ndjondjoîna buniyôma nablaud’a.
21Sama mi gol ndrama isâ mi le ni tchod’a,
wani sama mi we hohowa ma hohoud’ina mi le furîd’a.
22Suma a nga djib’er á le tchod’ina a vit ni tazi woi d’uo zu?
Suma a nga djib’er á le djivid’ina a le ni sun nda djivid’a ki gagazid’a.
23Sun nda lara ge pet wurak mata nga,
wani zla d’a de d’a hawad’a ti mbangî ki meid’a.
24Avavala hi suma ned’id’a ni ndjondjoî mazid’a,
wani lilid’a hi suma bei wäd’u zlad’a ba na ti arî lilid’a ba ba.
25Sama glangâs ma iratna nga mi sut arid’a hi suma ablaud’a,
wani ma glangâs ma ka zlad’a mi mbut ni ira.
26Sama mi le mandara Ma didinina nga mi kak ki halasa,
groma a nga fe yima ngeid’a gevem mi.
27Le mandara Ma didina ni sidei arid’a
á walang ngei ki dauna hi matnina.
28Le suma a nga ablaud’a kur leud’a ni, ni subura hamulîd’a,
wani le suma a feyâ ni, ni b’laka hi ma te yambid’a mi.
29Sama nga mi le lilinga á mbut ayînina ni sama wad’ud’a ngolina,
wani sama mi mbut ayîna atogo zaza’â mi ta’î lili mamba woi abua.
30Hur ma ab’lengâ ni djivid’a yam hliu tad’a,
wani yungôrâ ni ndjuvul ma mud’ung aduk asogongâ.
31Sama nga mi djop vun sama kid’akina mi ngulî Salam ma luma,
wani sama mi we hohowa ma hohoud’ina mi suburî Salam ma mi luma.
32Tcho d’a sama asa’atna mi lata ti bamî woyo,
wani ma d’ingêrâ kur mat mama pî, mba mi fe yima ngei tama.
33Ned’a ti nga ni kaka kur sama wad’ud’a,
wani ti nga kur suma lilid’a d’i.
34D’ingêra nga d’i hle yam andjaf suma akulo,
wani tchod’a ti mbut ni suma kur leud’ina zulona.
35Amulâ tam nga d’i lum djivid’a yam azong mam ma nga mi le sunda ki ned’ina,
wani hurum nga mi zal yam azong mam ma mi le sun nda zulonid’ina.
Currently Selected:
Zla d’a d’ogolâ 14: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 14
14
1Atcha d’a ned’a nga d’i min aziyat kad’u,
wani ta lilid’a ti tomî kä woi kabod’u.
2Sama nga mi tit tit ta d’ingêrina nga mi le mandara Ma didina,
wani sama nga mi tit tit ta gundina nga mi golomî is.
3Zla d’a avun sama lilid’id’a nazlingât ta yam subur ta mambid’a,
wani zla d’a avun suma ned’id’a nga d’i ngomoziya.
4Le amuzleina nga d’uo ni, a nga fawu ma tchuk avir ri.
Ni yam ad’enga hamuhlîd’a ba, a fawuna ngola.
5Sama glangâs ma d’engzengâ nga mi ka zla d’i,
wani ma glangâs ma aboina mi zulî zla d’a kad’a.
6Sama las sumina mi hal ned’a pî, nga mi fat ti.
Wani wed’a ni vama afefetna ata sama wad’ud’a.
7Ang wal tang ngei ki sama lilid’a,
kayam ang nga hum zla d’a wäd’u avunam mbi.
8Ned’a hi sama ned’id’a ti tagamî tit mamba,
wani lilid’a hi suma lilid’id’a ni mbut ira.
9Suma lilid’a a gol tchod’a ni vama luna iraziya,
wani ang fe djivid’a naduk suma d’ingêrâ.
10Sana mi we vama b’lagam hurum krovona ni mamu,
sama ding nga mi b’rau furî mamba ki sed’em mbuo mi.
11Azina hi suma asa’atnina mba mi b’lak keyo,
wani azina hi suma d’ingêrîna mba mi tchola ad’enga ngingring.
12Ata yima dingâ sana nga mi djib’er ala tit mamba ni djivid’a.
Wani dabid’a ti imî kur matna.
13Kur furîd’a wan pî dam hur ma wurana nga kua,
dabid’a hi furîd’id’a dam hur ma b’laka nga kua mi.
14Sama bateina mba mi fe ndaka yam sun mamba,
wani sama djivina mba mi hop kahle suma avo hatama mi.
15Sama bei wäd’u zlad’a ba na nga mi he gagazid’a yam zla d’a de d’a lara ge pet,
wani sama ned’a mi djib’er tit mamba ni djib’era tua.
16Sama ned’a nga mi le mandara tchod’a,
mi wal tam mbei ki sed’ed’u,
wani sama lilid’a nga mi nga atogo zak á led’a,
nga mi le mandar ri.
17Sama mi mbut ayîna atogo zaza’â mi le ni sun nda lilid’a,
sama nga mi djib’er djib’er ra tchod’ina suma a nga noyôm mi.
18Suma bei wäd’u zlad’a ba na a mba te ni lilid’a djona,
wani suma ned’a avaval mazid’a ni wed’a.
19Suma tchona a mba grif kä avok suma djivina,
suma asa’atna a mba grif kä avun azina hi suma d’ingêrîna mi.
20Sama houd’a ndram mazina pî mi noyômu,
wani ma ndjondjoîna buniyôma nablaud’a.
21Sama mi gol ndrama isâ mi le ni tchod’a,
wani sama mi we hohowa ma hohoud’ina mi le furîd’a.
22Suma a nga djib’er á le tchod’ina a vit ni tazi woi d’uo zu?
Suma a nga djib’er á le djivid’ina a le ni sun nda djivid’a ki gagazid’a.
23Sun nda lara ge pet wurak mata nga,
wani zla d’a de d’a hawad’a ti mbangî ki meid’a.
24Avavala hi suma ned’id’a ni ndjondjoî mazid’a,
wani lilid’a hi suma bei wäd’u zlad’a ba na ti arî lilid’a ba ba.
25Sama glangâs ma iratna nga mi sut arid’a hi suma ablaud’a,
wani ma glangâs ma ka zlad’a mi mbut ni ira.
26Sama mi le mandara Ma didinina nga mi kak ki halasa,
groma a nga fe yima ngeid’a gevem mi.
27Le mandara Ma didina ni sidei arid’a
á walang ngei ki dauna hi matnina.
28Le suma a nga ablaud’a kur leud’a ni, ni subura hamulîd’a,
wani le suma a feyâ ni, ni b’laka hi ma te yambid’a mi.
29Sama nga mi le lilinga á mbut ayînina ni sama wad’ud’a ngolina,
wani sama mi mbut ayîna atogo zaza’â mi ta’î lili mamba woi abua.
30Hur ma ab’lengâ ni djivid’a yam hliu tad’a,
wani yungôrâ ni ndjuvul ma mud’ung aduk asogongâ.
31Sama nga mi djop vun sama kid’akina mi ngulî Salam ma luma,
wani sama mi we hohowa ma hohoud’ina mi suburî Salam ma mi luma.
32Tcho d’a sama asa’atna mi lata ti bamî woyo,
wani ma d’ingêrâ kur mat mama pî, mba mi fe yima ngei tama.
33Ned’a ti nga ni kaka kur sama wad’ud’a,
wani ti nga kur suma lilid’a d’i.
34D’ingêra nga d’i hle yam andjaf suma akulo,
wani tchod’a ti mbut ni suma kur leud’ina zulona.
35Amulâ tam nga d’i lum djivid’a yam azong mam ma nga mi le sunda ki ned’ina,
wani hurum nga mi zal yam azong mam ma mi le sun nda zulonid’ina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.