Filemon Wana ni modo zla d’a kuruta
Wana ni modo zla d’a kuruta
Filemon ni sama ngol ma mi mbut kretiyênina. Suma a djib’er ala nga mi to’î ki kretiyê suma Kolos-sâ. Mam mi Paul banama (v.1). Magom mama tu, a yum ala Onesim, mi ringâ. Paul mi nga kur dangeina. Bur tu mi ngaf ki Onesim. Bugola, Onesim mi mbut kretiyêna. Paul mi nga hurum á hulong Onesim mi salama Filemon. Kayam ndata, mi b’irim mbaktumba, mi tchenem ala mi ve Onesim atam d’igi magoma na d’i, wani mi vum d’igi wiyem ma kur Christ-sâ na, bei sariya d’a kad’a, kayam sariya d’a ka d’a yam magom ma ringîd’a taneka heî.
Kur mbaktumba, Paul mi ge Filemon ki suma avo hatama depa (1-3). Bugola, mi le mersi mAlona yam od’a ki he gagazid’a hi Filemon-nda (4-7). Bugola, mi tchenem yam Onesim ma mba mi hulong ad’u ad’eng mambina (8-22). Bugola, mi ge suma depa (23-25). Simiyê suma teteng suma Paul mi yazi kur mbaktum ndatina, mi yazi kur mbaktum mba mi b’irit mi suma Kolos-sîd’a mi. Dam Onesim mi yo mbaktum mba mbà ndata abomî mam kla. t Wana ni wal mata
Zla d’a avoka 1-3
Paul mi he ngola mi Filemon 4-7
Paul mi tchenem yam Onesim 8-22
Zla d’a dabid’a 23-25
Currently Selected:
Filemon Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.