Nehemi 12
12
Simiyê suma ngat buzuna ki suma hi Levi-na
1Wana ni simiyê suma ngat buzuna ki suma hi Levi suma a mba ki Zorobabel Selatiyel goromina zlapa ki Josue-na:
Seraya, Jeremi, Esdras, 2Amariya, Maluk, Hatus, 3Sekaniya, Rehum, Meremot, 4Ido, Ginetoyi, Abiya, 5Miyamin, Mädiya, Bilga, 6Semaya, Jojarip, Jedaya, 7Salu, Amok, Hilkiya ki Jedaya. Wana ni suma nglo suma ngat buzuna ki b’oziyozina kur atchogoid’a hi Josue-d’a.
8Wana ni suma hi Levi-na:
Josue, Binuwi, Kadamiyel, Serebiya, Juda, Mataniya ki b’oziyoma ni suma a nga hle sawala giled’ina. 9Bakbukiya ki Uni ni suma a nga le sunda ngagad’a kazi d’arâ.
10Josue mi vut Jojakim, Jojakim mi vut Eliyasip, Eliyasip mi vut Jojada, 11Jojada mi vut Jonatan, Jonatan mi vut Jaduwa mi.
12Kur atchogoid’a hi Jojakim ma ngolâ hi suma ngat buzunid’a, suma ngat buzu suma avok sumina ba wana:
Ma avok suma hi Seraya-na ni Meraya, ma avok suma hi Jeremi-na ni Hananiya, 13ma avok suma hi Esdras-sâ ni Mesulam, ma avok suma hi Amariya-na ni Johanan, 14ma avok suma hi Meluki-na ni Jonatan, ma avok suma hi Sebaniya-na ni Josef, 15ma avok suma hi Harim-ma ni Atna, ma avok suma hi Merayot-na ni Helkai, 16ma avok suma hi Ido-na ni Zakari, ma avok suma hi Gineton-na ni Mesulam, 17ma avok suma hi Abiya-na ni Zikri, ma avok suma hi Miniyamin ki Mowadiya-na ni Piltai, 18ma avok suma hi Bilga-na ni Samuwa, ma avok suma hi Semaya-na ni Jonatan, 19ma avok suma hi Jojarip-ma ni Matenai, ma avok suma hi Jedaya-na ni Uzi, 20ma avok suma hi Salai-na ni Kalai, ma avok suma hi Amo’â ni Eber, 21ma avok suma hi Hilkiya-na ni Hasabiya, ma avok suma hi Jedaya-na ni Netanel.
22Kur atchogoid’a hi Eliyasip, Jojada, Johanan ki Jaduwa-d’a, suma hi Levi suma avok sumina ki suma ngat buzuna a b’ir simiyêzi kä kur mbaktumba ata yima amulâ Dariyus ma Perse-na nga mi tamulina.
23Suma hi Levi suma avok sumina a b’ir simiyêzi kur mbaktum mba de zlad’a yam sunda hamuleinid’a gak mba kur atchogoid’a hi Johanan ma Eliyasip gorom ngolonid’a.
24Suma hi Levi suma avok sumina ba wana:
Hasabiya, Serebiya ki Josue Kadamiyel goroma ki b’oziyozi suma ding suma a tinizi adesâ adesâ yam tazi á gile Ma didina ki sawala d’igi David sana hAlonina mi he vuna na na.
25Suma a ngom vun gongîyonina ba wana:
Mataniya, Bakbukiya, Obadiya, Mesulam, Talmon ki Akup ni suma a nga ngom vun gongîyo suma a tchuk ahlena kua suma a nga avun gong nga kud’ora hAlonid’ina. 26Azi ni suma a le sun mazid’a kur atchogoid’a hi Jojakim Josue gorom ma Josadak gorom ngolonina, natchogoi d’a Nehemi ma te yamba azi ki ma ngat buzuna Esdras ma we gata heîna a nga kura.
NEHEMI MI TOK SUMA Á TIN GULUMUNA IRAM VAM MALONA
(12.27-43)
Nehemi mi le luna á tin gulumuna iram vam mAlona
27Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi. 28Suma hi Levi suma hle sawal suma a nga kaka kur azì ma ngui Jerusalem ki Netofa-na a togï Jerusalem, 29zlapa ki suma Bet-Gilgal-lâ ki suma Geba-na ki suma Azimavet-na mi. Kayam suma hle sawala a nga ni kaka woi kur azì ma ngui Jerusalem-ma teteng. 30Suma ngat buzuna ki suma hi Levi-na a mbut tazi yed’et, a mbut ablaud’a yed’et pet mi, a tin vun agre’â ki gulumuna irazi vazi mAlona mi.
31An he vuna mi suma Juda suma avok sumina ala a djak akulo yam gulumuna, an wal suma hle sawala ad’u adesâ mbà. Ma tuna nga mi tit ata abo ma ndjufâ yam gulumuna akulo, ata abo ma ir yima tchuk siligitnina. 32Suma a nga tit blogozina ni Ose ki suma hiu suma avok sumina, 33Azariya, Esdras, Mesulam, 34Juda, Benjamin, Semaya ki Jeremi. 35Suma ngat buzuna a nga kaduveina aboziya. Adigazi ni Zakari ma Asaf gorom ngolonina. Asaf mi vut Zakur, Zakur mi vut Mika, Mika mi vut Mataniya, Mataniya mi vut Semaya, Semaya mi vut Jonatan ma Zakari abuma. 36B’oziyoma Semaya, Azarel, Milalai, Gilalai, Mai, Netanel, Juda ki Hanani a nga kahle suma bud’a hi David sana hAloninina aboziya. Esdras ma we gata heîna ni ma avorozina. 37A mbaza avun mbiyo ma laud’a, a nga irazi avok d’ingêr a djak ata yima djak akulo ma i kur Azì ma ngolâ hi David-na yam gulumun ma kal akulo yam gong nga amula hi David-tina gak a mbaza avun agrek ma i ki ata yima mbina ma abo ma yorogonina.
38Ades ma hle sawal ma mbàna nga mi tit abo ma gulina. An nga ni tit ad’um akulo yam gulumuna zlapa kablau suma dingâ, go ki gong nga ndjol la yam fürîd’a. Ami imi gak mbamiza yam gulumun ma bubud’a. 39Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna. 40Ades ma hle sawala ki zla tam djak mi tchol kur gong nga kud’ora hAlonid’a, an tanda ki suma nglo suma a nga ki sed’ena ami tcholomi mi. 41Suma ngat buzuna Eliyakim, Mäseya, Miniyamin, Mika, Eliyohenai, Zakari ki Hananiya a nga bu aduveina, 42zlapa ki Mäseya, Semaya, Elazar, Uzi, Johanan, Malkiya, Elam ki Ezer. Suma a nga hle sawalina, ma avorozina ni Jisrahiya.
43Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.
NEHEMI MI HE VUNA TETENG Á TIT BUGOL ALONA
(12.44—13.31)
A hulong suma hi Levi-na ki suma ngat buzuna kur sunda
44Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata, 45kayam a nga ngom ahlena pet suma ngad’a yam sunda hAlo mazinid’a ki sun nda ngad’a yam yed’etina mi. Suma hle sawala ki suma ngom vun gongîyona a nga le d’igi David azi ki goroma Salomon a he vuna na mi. 46Kayam adjeu kur atchogoid’a hi David ki Asaf-fa, suma avok suma hle sawala ki suma a nga hle sawal la giled’a a le mersi mAlona ki hud’ina a nga. 47Kur atchogoid’a hi Zorobabel azi ki Nehemi-d’a, Israel-lâ pet a nga he he d’a hawad’a mi suma hle sawala ki suma ngom vun gongîyona burâ ki burâ, a nga he he d’a hawa d’a tinit irat vat mi suma hi Levi-nid’a mi; suma hi Levi-na a nga he he d’a hawa d’a a tinit irat vata mandjafâ hi Aron-na mi.
Currently Selected:
Nehemi 12: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
