Josue Wana ni modo zla d’a kuruta
Wana ni modo zla d’a kuruta
Mbaktum mba Josue mi b’irita nga d’i vei ad’ud’a yam hled’a hambas sa Kanan-ndid’a ki kaka handjafâ hi Israel-lîd’a kur ambas ndata ad’u ad’enga hi Josue ma vrak balum Moise-sâ.
Kid’a Alona mi hambas sa Kanan-nid’a mi Israel-lîd’a, mi nda’î vun vun ma hle ma mi hlum mabuyozi ngolona, mi dugud’om kua mi Moise mi. Kus sa a kus yam Kanan-nid’a, zlat nga yï ngola d’igi buzuk ka a buzuguzï woi Ezipte-d’a na mi. Alona mi dur ki Ezipte-na, mi dur ki Kanan-na mi. Hina mi ndjun sum mama a kus yam mazi suma djangûna, a fe yima kaka mi.
B’raud’a handaga d’a a hlat da d’a d’oze d’a ar bei hled’a tua d’a, nga d’i vei ad’ud’a woi yam minda hAlo ma mi he lovota mi Israel-lâ á kak ki djivid’a yam andaga d’a mi b’rawazizid’a. Ni kayam ndata ba, ei ndumi simiyê yima tetengâ d’igi a nga kur sapitre d’a 13, 15 ki 16-d’a na.
Ndum mba yam hled’a hambas sa Kanan-ndid’a ki b’rau mata hina peta, mbaktumba hi Josue-d’a nga d’i gei humei yam d’engzenga hAlona d’a mi le yam vun mam ma hle ma mi ndagam vunamid’a. Bugola, mi min ala Israel-lâ a he tazi woi mi mam mi. Kaka hi Israel-lîd’a aduk angoyogei suma bei wAlonid’a ndak á zud’uzi á le tcho d’a dinga avok Alona d’ei. Ni kayam ndata ba, ata yima suma ablaud’a a tok avo Sikem-ma, Josue mi hal lovota á gunuzi gun nda dinga kAlona. Zla ndata ni zla d’a dap vun zla d’a a b’irit kur mbaktum ndatid’a mi. Gol sapitre d’a 24-d’a. Suma a man Alona á lum sunda. Man nda azi man Alona á lum sundid’a a mba dat zlat tei teteu mi. t Wana ni wal mata
Hled’a hambas sa Kanan-nda 1–12
B’raud’a hambasid’a 13–21
Matna hi Josue-na 22–24
Currently Selected:
Josue Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.