Josue 23
23
Zla d’a de d’a dabid’a hi Josue-d’a
1Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi. 2Ata yi máma Josue mi yi Israel-lâ pet ki mazi suma nglona ki suma avorozina ki mazi suma ka sariyad’a ki suma nglo suma avok azigarîna, mi dazi ala: Ki tchetchemba, an djeng wa mamara, bizan kal ngola heî mi. 3Agi tagi wagi ahlena pet suma Ma didina Alo magina mi lazi kandjaf suma wana kagina, kayam ni Ma didina Alo magina ba, mi dur kagiya. 4Gola! An b’rawagiya wa andagad’a handjaf suma an kus kazina ki d’a hi suma an ar bei kus kazina aduk alum ma Jurdê-na abo ma yorogona kalum ma ngol ma Mediterane-na abo ma fladegena djona ki togina ad’u andjavagi ad’u andjavagiya. 5Ma didina Alo magina mba mi digizi woi avorogiya, mba mi pleyêzi woi yayak; agi mba hlagi ambas mazid’a d’igi mi hlagi vunam na. 6Agi vagi tagi ad’enga á ngom zla mamba, á tit yam ahlena pet suma a b’irizi kä kur gata hi Moise-sina bei igi abo ma ndjuf foze abo ma gula ba. 7Ar agi zlabagi tagi kandjaf ma ar kaka ki sed’egi wana d’i. Ar agi yagi simiyê filei mazi ma tetengâ ki vunagi d’i, ar agi gunugi tagi ki sed’ezi d’i, ar agi lazi sunda d’i, ar agi grivigi kä avorozi á kud’urozi d’uo mi. 8Wani agi reyêgi ki Ma didina Alo magina d’igi agi nga lagi gak ini na. 9Ma didina mi dik andjaf ma nglo ma sib’ika woi avorogiya. Gak ini sa mi tchol nga avorogi d’uo tua. 10Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na. 11Agi gologi tagi djivi á lagi yam Ma didina Alo magina. 12Le agi hagi huyogogi mAlona, agi reyêgi kandjaf suma a ar kaka ki sed’egi wana, agi djinigi vunagi ki sed’ezi á vagi tagi ba, agi gizeyêgi ki sed’eziya ni, 13agi wagi woi ala Ma didina Alo magina mba mi dik andjaf suma wana woi avorogi gagak kuo d’a. Azi mba mbut ni d’igi abeid’a d’oze dauna d’oze blaf ma togi ki fefed’egina d’oze awei d’a tchogogi iragid’a na, gak agi dabagi woi yam andaga d’a djivi d’a Ma didina Alo magina mi hagizid’a.
14Gola! An nga ni mit ni mid’a. Agi wagi woi tetet ki hurugi pet ki tagi pet ala ahle suma djivi suma Ma didina Alo magina mi hlagi vunam kazina pet a ndak wa; ma tu ma mi ar kä ma bei mam ndagam vunama nga d’i. 15D’igi Ma didina Alo magina mi ndak vun ahle suma djivi suma mam hle vunam kazina pet na, hina mi, mam mba mi ngobogi gagak, mba mi dabagi woi yam andaga d’a djivi d’a mam hagizid’a na mi. 16Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.
Currently Selected:
Josue 23: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Josue 23
23
Zla d’a de d’a dabid’a hi Josue-d’a
1Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi. 2Ata yi máma Josue mi yi Israel-lâ pet ki mazi suma nglona ki suma avorozina ki mazi suma ka sariyad’a ki suma nglo suma avok azigarîna, mi dazi ala: Ki tchetchemba, an djeng wa mamara, bizan kal ngola heî mi. 3Agi tagi wagi ahlena pet suma Ma didina Alo magina mi lazi kandjaf suma wana kagina, kayam ni Ma didina Alo magina ba, mi dur kagiya. 4Gola! An b’rawagiya wa andagad’a handjaf suma an kus kazina ki d’a hi suma an ar bei kus kazina aduk alum ma Jurdê-na abo ma yorogona kalum ma ngol ma Mediterane-na abo ma fladegena djona ki togina ad’u andjavagi ad’u andjavagiya. 5Ma didina Alo magina mba mi digizi woi avorogiya, mba mi pleyêzi woi yayak; agi mba hlagi ambas mazid’a d’igi mi hlagi vunam na. 6Agi vagi tagi ad’enga á ngom zla mamba, á tit yam ahlena pet suma a b’irizi kä kur gata hi Moise-sina bei igi abo ma ndjuf foze abo ma gula ba. 7Ar agi zlabagi tagi kandjaf ma ar kaka ki sed’egi wana d’i. Ar agi yagi simiyê filei mazi ma tetengâ ki vunagi d’i, ar agi gunugi tagi ki sed’ezi d’i, ar agi lazi sunda d’i, ar agi grivigi kä avorozi á kud’urozi d’uo mi. 8Wani agi reyêgi ki Ma didina Alo magina d’igi agi nga lagi gak ini na. 9Ma didina mi dik andjaf ma nglo ma sib’ika woi avorogiya. Gak ini sa mi tchol nga avorogi d’uo tua. 10Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na. 11Agi gologi tagi djivi á lagi yam Ma didina Alo magina. 12Le agi hagi huyogogi mAlona, agi reyêgi kandjaf suma a ar kaka ki sed’egi wana, agi djinigi vunagi ki sed’ezi á vagi tagi ba, agi gizeyêgi ki sed’eziya ni, 13agi wagi woi ala Ma didina Alo magina mba mi dik andjaf suma wana woi avorogi gagak kuo d’a. Azi mba mbut ni d’igi abeid’a d’oze dauna d’oze blaf ma togi ki fefed’egina d’oze awei d’a tchogogi iragid’a na, gak agi dabagi woi yam andaga d’a djivi d’a Ma didina Alo magina mi hagizid’a.
14Gola! An nga ni mit ni mid’a. Agi wagi woi tetet ki hurugi pet ki tagi pet ala ahle suma djivi suma Ma didina Alo magina mi hlagi vunam kazina pet a ndak wa; ma tu ma mi ar kä ma bei mam ndagam vunama nga d’i. 15D’igi Ma didina Alo magina mi ndak vun ahle suma djivi suma mam hle vunam kazina pet na, hina mi, mam mba mi ngobogi gagak, mba mi dabagi woi yam andaga d’a djivi d’a mam hagizid’a na mi. 16Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.