Josue 22
22
MATNA HI JOSUE-NA
(22—24)
Andjaf ma abo ma yorogona halum ma Jurdê-nina
1Ata yi máma Josue mi yi suma hi Ruben-na ki suma hi Gad-na kabo andjafâ hi Manase-na, 2mi dazi ala: Agi ngomogi wa vun ma he ma Moise azongâ hi Ma didinina mi hagizina, agi gagi yagi kä ad’u vun man ma hed’a pet mi. 3Agi aragi nga b’oziyogina woi d’uo burâ ablaud’a gak ini, agi ngomogi vun ma he ma Ma didina Alo magina mi hagizina mi. 4Ki tchetchemba, Ma didina mi he wa yima tuk tad’a mi b’oziyogina d’igi mi dazi na. Ki tchetchemba, agi igi ata yagi ma kaka yam ambas magi d’a Moise mi hagizi sä abo alum ma Jurdê-na woi hid’a. 5Wani agi tid’igi yam vun ma hed’a ki gat ta Moise mi hagizid’a djiviya, agi lagi yam Ma didina Alo magina, agi tid’igi kur lovot mamba, agi ngomogi vun ma he mama, agi reyêgi tagi ki sed’emu, agi lum sunda ki hur ma tuna ki tagi pet mi.
6Ata yi máma Josue mi b’e vunam kaziya, mi tchuguziya; a i ata yazi ma kaka. 7Moise mi handaga d’a Basan-nda djona adjeu mabo andjafâ hi Manase-na, wani Josue mi habo andjaf ma arâ andagad’a djona gen b’oziyozina sä abo alum ma Jurdê-na woi hî abo ma fladegena. Ata yima mi tchuguzi á i ata yazi ma kakina, mi b’e vunam kaziya. 8Mi dazi ala: Agi hulongôgi ata yagi ma kaka kahlena ngola abogiya, nala, d’uwarâ ablaud’a, kawei ma hapma ngola, lora, kawei ma hleuna, kawei ma wurana ki baruna mi. Agi b’rawagi ahle suma agi hurumuzi avun ayîna abo magi suma djangûnina aduk tagi ki b’oziyogina.
Yima ngal ahle suma ngat buzu ma a minim go ki Jurdê-na
9Suma hi Ruben-na azi ki suma hi Gad-na kabo andjafâ hi Manase-na, a tchol Silo yam ambas sa Kanan-nda, a ar b’oziyozi suma Israel-lâ á hulong yam ambas mazi d’a Galät-ta. Nambas sa a hazizi d’igi Ma didina mi he vuna mi Moise na d’a. 10Kid’a suma hi Ruben-na, suma hi Gad-na kabo andjafâ hi Manase-na a mbaza avun alum ma Jurdê-na yam ambas sa Kanan-ndid’a, a min yima ngal ahle suma ngat buzu ma ngol mamba kal lei teglesâ avun alum ma Jurdê-na.
11Israel-lâ a hum ala: Gola! Suma hi Ruben-na ki suma hi Gad-na kabo andjafâ hi Manase-na a min nga yima ngal ahle suma ngat buzuna yam ambas sa Kanan-nda avun alum ma Jurdê-na abo ma ei iragi ka hina.
12Ata yima Israel-lâ a hum hina na, ablaud’a hi Israel-lîd’a ti tok avo Silo á i durâ ataziya. 13Israel-lâ a sun Fines ma ngat buzuna Elazar goroma ata suma hi Ruben-na ki suma hi Gad-na kabo andjafâ hi Manase-na 14zlapa ki suma nglo suma avok suma dogo ki sed’em mi. Azi ni suma nglona ad’u andjafâ hi Israel ma lara gagang, azi pet ni suma nglo suma avok sum mazina aduk ablaud’a hi Israel-lîd’a. 15Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala: 16Ablaud’a hi Ma didinid’a ti dala: Ni kayam me ba, agi lagi tcho d’a ngola avok Alona hi Israel-lîna ge? Ni kayam me ba, agi walagi woi ki Ma didina ini agi minigi yima ngal ahle suma ngat buzuna yam tagi á kak djangûna ki sed’em ge? 17Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu? 18Gola! Ki tchetchemba, agi walagiya wa woi ki Ma didina ini! Le agi kagagi djangûna ki sed’em ini ni, ndjivin mam hurum mba mi zal yam ablaud’a hi Israel-lîd’a pet! 19Wani le agi wagi ala ambas sa a hagizid’a ti ni ndjendjed’a ni, agi igi yam ambasa hi Ma didina d’a mam nga kaka kuad’a, agi mba fagi yina adigamiya. Wani ar agi kagagi djangûna ki Ma didina á walagi woi ki sed’emi á min yima ngal ahle suma ngat buzuna yam ma hi Ma didina Alo meinina kua d’i. 20Kid’a Akan Zera goroma mi le sun nda ata yat tuo d’a kahle suma Ma didina mi he nga vuna kazi d’uo na ni, Ma didina hurum zalî yam ablaud’a hi Israel-lîd’a pet tuo zu? Akan mi ba woi ni yam tcho mamba vam tu zu?
21Suma hi Ruben-na, suma hi Gad-na kabo andjafâ hi Manase-na a hulong de mablaud’a hi Israel-lîd’a ala: 22Alona, Alona, Ma didina, Alona, Alona, Ma didina! Mi we, agi Israel-lâ, agi wagi mi. Le ami lami ni sun nda ata yat tuo d’a, le ami tchilami ni yam gata avok Ma didina ni, ar mi sud’umi kur bur ma wana d’i. 23Le ami minimi yima ngal ahle suma ngat buzuna ná walami woi ki Ma didina, ná hum he d’a hawa d’a ngala ki he d’a hawa d’a afuta d’oze he d’a hawa d’a ngat buzu d’a zlap darigïd’a ni, ar Ma didina mi djop zla ndata atamiya. 24Nga ni na d’i! Ni yam mandar ma kurumina ba, ami lami ki wana. Ami djib’eremi ala bur tu grogina a mba de mi gromina ala: Vama zlabagi darigïd’a ki Ma didina Alona hi Israel-lîna ni me ge? 25Ma didina mi tin alum ma Jurdê-na ni hagad’a adigei ki agiya. Agi suma hi Ruben-na ki suma hi Gad-na, va ndologi nga ki Ma didina d’i. Ni yam grogina ba, gromina a mba ar bei le mandara Ma didina. 26Ni kayam ndata ba, ami dami ala: Ei mini yima ngal ahle suma ngat buzuna nga ná he he d’a hawa d’a ngala d’oze ahle suma ngat buzuna kamu d’i. 27Wani ni vama glangâsâ adigami ki agi aduk andjavei tala ami kud’uromi Ma didina zlapa ki he mami d’a hawa d’a ngala kahle mami suma zlup yam tchod’a kahle mami suma ngat buzu suma zlap darigïd’a kayambala grogina a de avin mi gromina ala: Vama ndologi ki Ma didina ni me ge d’a d’i. 28Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya. 29Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.
30Kid’a ma ngat buzuna Fines azi ki suma avok sumina ki suma nglo suma avok ablaud’a hi Israel suma a nga zlapa ki sed’ema a hum zla d’a suma hi Ruben-na ki suma hi Gad-na ki suma hi Manase-na a data, tazi lazi djivid’a, a ba mi. 31Fines ma ngat buzuna Elazar goroma, mi hulong de mi suma hi Ruben-na, suma hi Gad-na ki suma hi Manase-na ala: Ami wami ini ala Ma didina mi nga adigeya! Agi lagi nga ni sun nda ata yat tuo d’a avok Ma didina d’i, agi pad’agi ni Israel-lâ woi abo Ma didina.
32Fines ma ngat buzuna Elazar goroma azi ki suma nglo suma avok sumina a ar suma hi Ruben-na ki suma hi Gad-na, a hulong yam ambas sa Galät ta yam ambas sa Kanan-nda gen Israel-lâ, a vazi ad’u zla ndata. 33Israel-lâ tazi lazi djivid’a, a subur Alona, a i nga durâ ata suma hi Ruben-na ki suma hi Gad-na á b’lak ambas sa azi nga kaka kuad’a woi d’uo d’a. 34Suma hi Ruben-na ki suma hi Gad-na a yi yima ngal ahle suma ngat buzu máma ala Et, nala, Yima ngal ahle suma ngat buzu máma ni vama glangâsâ adigei ala Ma didina nAlona.
Currently Selected:
Josue 22: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Josue 22
22
MATNA HI JOSUE-NA
(22—24)
Andjaf ma abo ma yorogona halum ma Jurdê-nina
1Ata yi máma Josue mi yi suma hi Ruben-na ki suma hi Gad-na kabo andjafâ hi Manase-na, 2mi dazi ala: Agi ngomogi wa vun ma he ma Moise azongâ hi Ma didinina mi hagizina, agi gagi yagi kä ad’u vun man ma hed’a pet mi. 3Agi aragi nga b’oziyogina woi d’uo burâ ablaud’a gak ini, agi ngomogi vun ma he ma Ma didina Alo magina mi hagizina mi. 4Ki tchetchemba, Ma didina mi he wa yima tuk tad’a mi b’oziyogina d’igi mi dazi na. Ki tchetchemba, agi igi ata yagi ma kaka yam ambas magi d’a Moise mi hagizi sä abo alum ma Jurdê-na woi hid’a. 5Wani agi tid’igi yam vun ma hed’a ki gat ta Moise mi hagizid’a djiviya, agi lagi yam Ma didina Alo magina, agi tid’igi kur lovot mamba, agi ngomogi vun ma he mama, agi reyêgi tagi ki sed’emu, agi lum sunda ki hur ma tuna ki tagi pet mi.
6Ata yi máma Josue mi b’e vunam kaziya, mi tchuguziya; a i ata yazi ma kaka. 7Moise mi handaga d’a Basan-nda djona adjeu mabo andjafâ hi Manase-na, wani Josue mi habo andjaf ma arâ andagad’a djona gen b’oziyozina sä abo alum ma Jurdê-na woi hî abo ma fladegena. Ata yima mi tchuguzi á i ata yazi ma kakina, mi b’e vunam kaziya. 8Mi dazi ala: Agi hulongôgi ata yagi ma kaka kahlena ngola abogiya, nala, d’uwarâ ablaud’a, kawei ma hapma ngola, lora, kawei ma hleuna, kawei ma wurana ki baruna mi. Agi b’rawagi ahle suma agi hurumuzi avun ayîna abo magi suma djangûnina aduk tagi ki b’oziyogina.
Yima ngal ahle suma ngat buzu ma a minim go ki Jurdê-na
9Suma hi Ruben-na azi ki suma hi Gad-na kabo andjafâ hi Manase-na, a tchol Silo yam ambas sa Kanan-nda, a ar b’oziyozi suma Israel-lâ á hulong yam ambas mazi d’a Galät-ta. Nambas sa a hazizi d’igi Ma didina mi he vuna mi Moise na d’a. 10Kid’a suma hi Ruben-na, suma hi Gad-na kabo andjafâ hi Manase-na a mbaza avun alum ma Jurdê-na yam ambas sa Kanan-ndid’a, a min yima ngal ahle suma ngat buzu ma ngol mamba kal lei teglesâ avun alum ma Jurdê-na.
11Israel-lâ a hum ala: Gola! Suma hi Ruben-na ki suma hi Gad-na kabo andjafâ hi Manase-na a min nga yima ngal ahle suma ngat buzuna yam ambas sa Kanan-nda avun alum ma Jurdê-na abo ma ei iragi ka hina.
12Ata yima Israel-lâ a hum hina na, ablaud’a hi Israel-lîd’a ti tok avo Silo á i durâ ataziya. 13Israel-lâ a sun Fines ma ngat buzuna Elazar goroma ata suma hi Ruben-na ki suma hi Gad-na kabo andjafâ hi Manase-na 14zlapa ki suma nglo suma avok suma dogo ki sed’em mi. Azi ni suma nglona ad’u andjafâ hi Israel ma lara gagang, azi pet ni suma nglo suma avok sum mazina aduk ablaud’a hi Israel-lîd’a. 15Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala: 16Ablaud’a hi Ma didinid’a ti dala: Ni kayam me ba, agi lagi tcho d’a ngola avok Alona hi Israel-lîna ge? Ni kayam me ba, agi walagi woi ki Ma didina ini agi minigi yima ngal ahle suma ngat buzuna yam tagi á kak djangûna ki sed’em ge? 17Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu? 18Gola! Ki tchetchemba, agi walagiya wa woi ki Ma didina ini! Le agi kagagi djangûna ki sed’em ini ni, ndjivin mam hurum mba mi zal yam ablaud’a hi Israel-lîd’a pet! 19Wani le agi wagi ala ambas sa a hagizid’a ti ni ndjendjed’a ni, agi igi yam ambasa hi Ma didina d’a mam nga kaka kuad’a, agi mba fagi yina adigamiya. Wani ar agi kagagi djangûna ki Ma didina á walagi woi ki sed’emi á min yima ngal ahle suma ngat buzuna yam ma hi Ma didina Alo meinina kua d’i. 20Kid’a Akan Zera goroma mi le sun nda ata yat tuo d’a kahle suma Ma didina mi he nga vuna kazi d’uo na ni, Ma didina hurum zalî yam ablaud’a hi Israel-lîd’a pet tuo zu? Akan mi ba woi ni yam tcho mamba vam tu zu?
21Suma hi Ruben-na, suma hi Gad-na kabo andjafâ hi Manase-na a hulong de mablaud’a hi Israel-lîd’a ala: 22Alona, Alona, Ma didina, Alona, Alona, Ma didina! Mi we, agi Israel-lâ, agi wagi mi. Le ami lami ni sun nda ata yat tuo d’a, le ami tchilami ni yam gata avok Ma didina ni, ar mi sud’umi kur bur ma wana d’i. 23Le ami minimi yima ngal ahle suma ngat buzuna ná walami woi ki Ma didina, ná hum he d’a hawa d’a ngala ki he d’a hawa d’a afuta d’oze he d’a hawa d’a ngat buzu d’a zlap darigïd’a ni, ar Ma didina mi djop zla ndata atamiya. 24Nga ni na d’i! Ni yam mandar ma kurumina ba, ami lami ki wana. Ami djib’eremi ala bur tu grogina a mba de mi gromina ala: Vama zlabagi darigïd’a ki Ma didina Alona hi Israel-lîna ni me ge? 25Ma didina mi tin alum ma Jurdê-na ni hagad’a adigei ki agiya. Agi suma hi Ruben-na ki suma hi Gad-na, va ndologi nga ki Ma didina d’i. Ni yam grogina ba, gromina a mba ar bei le mandara Ma didina. 26Ni kayam ndata ba, ami dami ala: Ei mini yima ngal ahle suma ngat buzuna nga ná he he d’a hawa d’a ngala d’oze ahle suma ngat buzuna kamu d’i. 27Wani ni vama glangâsâ adigami ki agi aduk andjavei tala ami kud’uromi Ma didina zlapa ki he mami d’a hawa d’a ngala kahle mami suma zlup yam tchod’a kahle mami suma ngat buzu suma zlap darigïd’a kayambala grogina a de avin mi gromina ala: Vama ndologi ki Ma didina ni me ge d’a d’i. 28Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya. 29Ami nga ki djib’era á kagami djangûna ki Ma didina á walami woi ki Ma didina ini ba, ami minimi yima ngal ahle suma ngat buzuna yam ma hi Ma didinina kua ata yam ma kaka á he he d’a hawa d’a ngala d’oze he d’a hawa d’a afuta d’oze ahle suma ngat buzuna kam mbi.
30Kid’a ma ngat buzuna Fines azi ki suma avok sumina ki suma nglo suma avok ablaud’a hi Israel suma a nga zlapa ki sed’ema a hum zla d’a suma hi Ruben-na ki suma hi Gad-na ki suma hi Manase-na a data, tazi lazi djivid’a, a ba mi. 31Fines ma ngat buzuna Elazar goroma, mi hulong de mi suma hi Ruben-na, suma hi Gad-na ki suma hi Manase-na ala: Ami wami ini ala Ma didina mi nga adigeya! Agi lagi nga ni sun nda ata yat tuo d’a avok Ma didina d’i, agi pad’agi ni Israel-lâ woi abo Ma didina.
32Fines ma ngat buzuna Elazar goroma azi ki suma nglo suma avok sumina a ar suma hi Ruben-na ki suma hi Gad-na, a hulong yam ambas sa Galät ta yam ambas sa Kanan-nda gen Israel-lâ, a vazi ad’u zla ndata. 33Israel-lâ tazi lazi djivid’a, a subur Alona, a i nga durâ ata suma hi Ruben-na ki suma hi Gad-na á b’lak ambas sa azi nga kaka kuad’a woi d’uo d’a. 34Suma hi Ruben-na ki suma hi Gad-na a yi yima ngal ahle suma ngat buzu máma ala Et, nala, Yima ngal ahle suma ngat buzu máma ni vama glangâsâ adigei ala Ma didina nAlona.
Azumeina Bible © Alliance Biblique du Tchad, 1999.