Josue 15
15
Andaga d’a a b’rawat mi suma hi Juda-nid’a
1Andaga d’a a hat djona ki togina mandjafâ hi Juda-na ad’u adezezi ad’u adezezid’a, ti tinï ad’ud’a ni ir haga d’a Edom mba hur ful ma Tisin-na abo ma sutna gak mba avun dabid’a habo ma sutnid’a. 2Haga mazi d’a abo ma sutnid’a, ti hleï navun apo d’a vunat ma ndeza kä woi kur apo d’a Matna abo ma sutnid’a, 3ti kal abo ma sut ma djak akulo aduk ahina d’a Akrabim-mbina, ti kal Tisin, ti kal abo ma sutna hi Kades-Barneya-na, ti djak ti i Hesron, ti djak akulo Adar, ti kongî ei Karka, 4ti kal gak ti mba Asmon, ti ndeza woi kur toliyon nda Ezipte-d’a. Haga mata i dabï avun alum ma ngol ma Mediterane-na. Wana ni haga magi d’a abo ma sutnid’a.
5Haga d’a abo ma yorogonid’a navun apo d’a Matna gak mbaza ata yima alum ma Jurdê-na mi ndeza kä woi kur apo d’a Matnina.
Haga d’a abo ma norîd’a, ti tinï ad’ud’a nata yima apo d’a vunat ma ndjak kalum ma Jurdê-nina. 6Ti djak akulo Bet-Hogla, ti kal i abo ma norâ hi Bet-Araba-na, ti djak gak ti i yam ahina d’a Bohan Ruben goroma mi tinita. 7Haga mata ti i djak gak Debir, ti kal kä kur hor ra Akor-ra, ti kal i abo ma norâ go ki Gilgal ngagad’a yam yima djak akulo Adumim-ma abo ma sutna hi horina. Ti hleï go ki mbiyo ma En-Semes-sâ, ti dabï avun En-Rogel. 8Ti kal i kur hor ra Ben-Hinom-mba abot ma sutna hi Jebus-sâ, nala, Jerusalem, ti kal gak ti i yam ahina d’a nga avok hor ra Hinom-mba abo ma fladegena, ti kal i avun dabid’a hi hor ra Refa-d’a abo ma norâ. 9Ti hleï yam ahinad’a kolâ, ti kongî gak ti mba avun mbiyo ma lau ma Neftowa-na, ti kal gak ti i kur azì ma nglo ma yam ahina d’a Efron-ndina, ti kong ti mba Bäla d’a a yat ala Kiriyat-Jarim-mba. 10Ti yoï hagad’a Bäla abo ma fladegena yam ahina d’a Seir-ra, ti kal gen ahina d’a agud’a kata abo ma norâ, nala, Kesalon, ti sulugot kä Bet-Semes, ti hleï Timna. 11Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.
12Haga mazi d’a abo ma fladegenid’a navun alum ma ngol ma Mediterane-na.
Wana nandaga d’a a hat mandjafâ hi Juda-na ad’u adezezi ad’u adezezid’a haga mata.
13A he Kalep Jefune goroma andagad’a djona aduk andjafâ hi Juda-na d’igi Ma didina mi he vuna mi Josue na. A hum Kiriyat-Arba d’a a yat ala Hebron-nda. Arba ni Anak abumu. 14Kalep mi dik Anak groma woi hindi, nala, Sesai, Ahiman ki Talmai; azi ni Anak groma. 15Ata yi máma mi i á dur suma a nga kaka kur azì ma ngol ma Debir ma a yum adjeu ala Kiriyat-Sefer-râ.
16Kalep mi dala: Sama mi dur azì ma ngol ma Kiriyat-Sefer-râ mi hluma, an mba ni hum goronda Aksa atchad’a. 17Kenas ma Kalep wiyemina goroma Otniyel mi hlumu. Kalep mi hum goromba Aksa atchad’a. 18Ata yima ti kal avo hi Otniyel-lâ, mi zud’ut#15.18 mi zud’ut: D’oze, ti zud’um. á tchen abut yam asinena. Kid’a ti tchuk aset kä woi yam koro matnid’a, Kalep mi djobot ala: Ndak min ni me ge?
19Ti hulong dum ala: Ang han wa andaga d’a gangras sa abo ma sutnid’a da’. Ki tchetchemba, ang wan hohowonu, ang han golongeî suma laud’a mi. Mi hat golongeî suma lau suma akulo ata yima ndingîna ki suma lau suma kä ata yima ligitimina mi.
20Wana nandaga d’a a hat djona mandjafâ hi Juda-na ad’u adezezi ad’u adezezid’a: 21Azì ma nglo ma yam ambas sa abo ma sutnid’a avun dabid’a handjafâ hi Juda-nid’a go ki Edom-mba ni Kapsel, Eder, Jagur, 22Kina, Dimona, Adada, 23Kedes, Hasor, Itnan, 24Zif, Telem, Beyalot, 25Hasor-Hadata, Kiriyat-Hesron d’a a yat ala Hasor-ra, 26Amam, Sema, Molada, 27Hasar-Gada, Hesmon, Bet-Palet, 28Hasar-Suwal, Berseba, Biziyotiya, 29Bäla, Ijim, Asem, 30Eltolat, Kesil, Horma, 31Siklak, Matmana, Sansana, 32Lebawot, Silim, Ayin ki Rimon. Ndumba hazì ma nglonid’a pet ni dok mbà yam zlengâ kazì mazi ma gureina mi.
33Azì mazi ma kä ata yima ligitimina ni Estawol, Sora, Asena, 34Zanowa, En-Ganim, Tapuwa, Enam, 35Jarmut, Adulam, Soko, Azeka, 36Särayim, Aditayim, Gedera ki Gederotayim. Azì ma nglona ni dogo yam fid’i kazì mazi ma gureina mi. 37Senan, Hadasa, Mikdal-Gad, 38Dilan, Mispe, Joktel, 39Lakis, Boskat, Eglon, 40Kabon, Lamas, Kitlis, 41Gederot, Bet-Dagon, Näma ki Makeda. Azì ma nglona ni dogo yam karagaya kazì mazi ma gureina mi. 42Libina, Eter, Asan, 43Jifta, Asena, Nesip, 44Keila, Aksip ki Maresa. Azì ma nglona ni zlengâ kazì mazi ma gureina mi. 45Ekron kazì mat ma nglo ma nguyutna kazì mat ma gureina mi, 46tinï ad’ud’a Ekron dei gak mba abo ma fladegena, kazì ma nglo ma go ki Asdot-na pet kazì mat ma gureina mi, 47Asdot kazì mat ma nglo ma nguyutna kazì mat ma gureina mi, Gaza kazì mat ma nglo ma nguyutna kazì mat ma gureina gak mba kur toliyon nda Ezipte-d’a gak mba avun alum ma ngol ma Mediterane-na gongôd’i mamba mi.
48Azì ma yam ahinad’ina ni Samir, Jatir, Soko, 49Dana, Kiriyat-Sana, nala, Debir, 50Anap, Estemo, Anim, 51Gosen, Holon ki Gilo. Azì ma nglona ni dogo yam tu kazì mazi ma gureina mi. 52Arap, Duma, Esan, 53Janum, Bet-Tapuwa, Afeka, 54Humta, Kiriyat-Arba, nala, Hebron ki Siyor. Azì ma nglona ni zlengâ kazì mazi ma gureina mi. 55Mawon, Karmel, Zif, Juta, 56Jisreyel, Jakdeyam, Zanowa, 57Kayin, Gibeya ki Timna. Azì ma nglona ni dogo kazì mazi ma gureina mi. 58Halhul, Bet-Sur, Gedor, 59Märat, Bet-Anot ki Eltekon. Azì ma nglona ni karagaya kazì mazi ma gureina mi. 60Kiriyat-Bäl, nala, Kiriyat-Jarim ki Raba. Azì ma nglona ni mbà kazì mazi ma gureina mi.
61Azì ma hur fulina ni Bet-Araba, Midin, Sekaka, 62Nipsan, Ir-Hamela ki En-Gedi. Azì ma nglona ni karagaya kazì mazi ma gureina mi.
63Andjafâ hi Juda-na ad’engêzi ndak nga á dik suma Jebus suma a nga kaka Jerusalem-ma woi d’i. Ni kayam ndata ba, suma Jebus-sâ a nga kaka aduk andjafâ hi Juda-na avo Jerusalem gak ini.
Currently Selected:
Josue 15: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
