Jonas Wana ni modo zla d’a kuruta
Wana ni modo zla d’a kuruta
Mbaktumba hi Jonas-sa nga d’i vad’ud’a yam ahle suma ma djok vun Alona Jonas mi lazina, mi tin ad’ud’a á tchi wala yam ahle suma a mba lena. Mi min ge yam kä ad’u vun ma hed’a hAlonina d’i, wani mi kid’ak keyo. Zla d’a teteng nga kur mbaktum ndatid’a nga d’i tak hat ta mbaktum ndata ti dei zlad’a kata.
Zla d’a de d’a yam Jonas-sa nga d’i dei zlad’a yam ahle suma nglo suma ndak á led’ina:
1. Alona mi nga nga o mamba ni yam Israel-lâ hol li, wani mi tagat tei mandjaf ma ding ma nga mi humum ki ge yamba kä na mi.
2. Alona ni ma nga mi ar ngop pa mi ngat kurum á led’a mi suma a hum zla mamba a mbut huruzi yam tcho mazid’ina.
3. Alona ni Sala ahle suma mi lazina, kal pet ni Sala arid’a ki matna; ma djok vun Alona mi ndak á le hurum gigrit ata yima Alona mi vat hurum mbei yam tchod’a hi sumid’ina d’i.
Mbaktumba hi Jonas-sa nga d’i dei zlad’a yam ndaka ki kuka ki gigrit ta ma djok vun Alona Jonas mi ndak á fata. Zla ndata ndak yam sama Alona mi hum sunda aboma mi.
Mbaktum ndata nga d’i had’ei ala Alona nga mi ar sa mam ma djok vuna kur zulona d’oze vam tu d’i, nga mi wal lei dei ki sed’em mbuo mi, kayam mi nga mi min tam teteu á hulong de zlad’a á vad’ud’a bei kaud’a ba ala o mamba nga d’i keng sa woi tu d’i.
Jesus mi hle zlad’a hahle suma a le ki Jonas-sâ á tak ki tchol mam mba akulo ata yima matnid’a, á simat mi suma kur atchogoi mambina yam mbut hurâ hi suma Ninif-fîna mi. Gol Mat 12.38-42.
Wana ni wal mata
Jonas mi so vun Alona 1.1-16
Kur kulufâ, Jonas mi tchen Alona 2.1-11
Jonas mi tchi wala avo Ninif-fâ 3.1-10
Jonas mi yor tamu; Ma didina mi ngobomu 4.1-11
Currently Selected:
Jonas Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.