Job 2
2
KUK KA MBÀD’A HI JOB-PA
(2.1-10)
1Wani bur tu malaika suma hAlonina a mba ki zla mazid’a avok Ma didina; Seitan mi mbeï adigazi mi. 2Ma didina mi de mi Seitan ala: Ang tcholï ni lara ge?
Seitan mi hulong de mi Ma didina ala: An nguyï ni tita yam andagad’a á vat tan ndeyo.
3Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!
4 Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu. 5Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!
6Ma didina mi de mi Seitan ala: Mi wana! An hangzi tamu, wani ang tchum mbi.
7Ata yi máma Seitan mi nde woi avok Ma didina.
Mi zak Job ki tugud’ei d’a tchod’a mbuleina ei hur asem kä dei gak i adumar yam akulo. 8Job mi i kak kä aduk butna, mi hlazlunga á grik ki tamu.
9Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!
10Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu?
Hina pet pî, Job mi le nga tchod’a ki zla d’a avunamba d’i.
MBAD’A HI JOB BUNIYÔM SUMA HINDINID’A
(2.11-13)
11Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.
12Kid’a a golomî woi hina dei d’a, a vid’imu, a nde tchina ki delezi akulo, a haû baru mazi d’a nglod’a woi ataziya, a tchuk andagad’a akulo kaziya. 13A kak kä ki sed’em aduk andagad’a, gak burâ kid’iziya andjege ki faleya, bei dum zla ba, kayam azi we ndak mamba ti kal ngola heî.
Currently Selected:
Job 2: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 2
2
KUK KA MBÀD’A HI JOB-PA
(2.1-10)
1Wani bur tu malaika suma hAlonina a mba ki zla mazid’a avok Ma didina; Seitan mi mbeï adigazi mi. 2Ma didina mi de mi Seitan ala: Ang tcholï ni lara ge?
Seitan mi hulong de mi Ma didina ala: An nguyï ni tita yam andagad’a á vat tan ndeyo.
3Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!
4 Seitan mi hulong de mi Ma didina ala: Ang handji tamu! Ahle suma sana mi nga ki na pet, mba mi hazi ná sut tamu. 5Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!
6Ma didina mi de mi Seitan ala: Mi wana! An hangzi tamu, wani ang tchum mbi.
7Ata yi máma Seitan mi nde woi avok Ma didina.
Mi zak Job ki tugud’ei d’a tchod’a mbuleina ei hur asem kä dei gak i adumar yam akulo. 8Job mi i kak kä aduk butna, mi hlazlunga á grik ki tamu.
9Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!
10Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu?
Hina pet pî, Job mi le nga tchod’a ki zla d’a avunamba d’i.
MBAD’A HI JOB BUNIYÔM SUMA HINDINID’A
(2.11-13)
11Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.
12Kid’a a golomî woi hina dei d’a, a vid’imu, a nde tchina ki delezi akulo, a haû baru mazi d’a nglod’a woi ataziya, a tchuk andagad’a akulo kaziya. 13A kak kä ki sed’em aduk andagad’a, gak burâ kid’iziya andjege ki faleya, bei dum zla ba, kayam azi we ndak mamba ti kal ngola heî.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.