Job 1
1
KUK KA AVOKA HI JOB-PA
(1.1-22)
1Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na. 2Mi vut gro andjofâ kid’iziya ki gro aropma hindi mi. 3Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo#1.3 abo ma yorogona: Nala, abo ma yorogona hi Israel-lîna. suma mam nga kaka adigazina.
4Grom suma andjofâ a nga le te ma luna, a nga ngui id’a avo ata tazi ni nguya, a nga yi b’oziyozi suma arop suma hindina á te tena á tched’a ki sed’ezi mi. 5Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.
6Wani bur tu malaika suma hAlonina#1.6 malaika suma hAlonina: Ki vun Hebre-na ala Alona groma. a mba ki zla mazid’a avok Ma didina, Seitan#1.6 Seitan: Nala, ni malaika ma tcho ma tchuk zlad’a yam suma andjege ki faleina. Gol Vam Nd 12.10. ma tchuk zlad’a yam sumina mi mbeï adigazi mi. 7Ma didina mi de mi Seitan ala: Ang tcholï ni lara ge?
Seitan mi hulong de mi Ma didina ala: An nguyï ni tita yam andagad’a á vat tan ndeyo.
8Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.
9 Seitan mi hulong de mi Ma didina ala: Job mi lang mandarang ang Alona ni hawa zu? 10Ni kayamba ang gum kangâna kam mbei ki sum mama kahligiyem peta d’uo zu? Ang b’e vunang yam sun nda mam nga mi lata; d’uwar mama mi zul yam andagad’a mi d’uo zu? 11Ang le hlabong dom ahle mama ni, an we woi tetet ala mam mba mi ngulung avunang ka tchetchem!
12Ma didina mi de mi Seitan ala: Gola! Ahle mama pet an hangziya! Wani ang do abong atam mbi! Ata yi máma Seitan mi nde woi avok Ma didina.
13Kur bur ma dingâ, ata yima Job grom suma andjofâ ki grom suma aropma a nga tche süm guguzlud’a avo hi wiyezi ma ngolîna, 14sama sunda mi mbeï gen Job, mi dum ala: Amuzleina a nga zuma, a nga pol korod’a gevezi mi. 15Suma Sabe-na a mba nde kaziya, a yoziya, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!
16Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!
17Kid’a ma sun ma mbàna nga mi de zlad’a tua d’a, ma sun ma dingâ mi mba, mi de mi Job ala: Suma Kalde-na a wal tazi kä ad’u adesâ hindi, a nde yam djambala, a yod’u, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!
18Kid’a ma sun ma hindina nga mi de zlad’a tua d’a, ma sun ma dingâ mi mba, mi de mi Job ala: Grong suma andjofâ ki grong suma aropma a nga te, a nga tche süm guguzlud’a avo wiyezi ma ngolâ. 19Gol wani, babar ma ngolâ mi tcholï abo ma hur fulîna, mba mi giget gonga kengêt ma fid’ina, ti dris kä yam grong ndazina, a bo. Ni an tu ba, ni sud’a, ni mba á dang wana!
20Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä, 21mi dala:
An ndeï woi kur asun ni gandila,
an mba ni hulongî gandila mi.
Ma didina mi he, mi yo mi.
Ar ei suburi Ma didina!
22Hina pet pî, Job mi le nga tcho d’i, mi ngul nga Alona d’uo mi.
Currently Selected:
Job 1: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 1
1
KUK KA AVOKA HI JOB-PA
(1.1-22)
1Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na. 2Mi vut gro andjofâ kid’iziya ki gro aropma hindi mi. 3Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo#1.3 abo ma yorogona: Nala, abo ma yorogona hi Israel-lîna. suma mam nga kaka adigazina.
4Grom suma andjofâ a nga le te ma luna, a nga ngui id’a avo ata tazi ni nguya, a nga yi b’oziyozi suma arop suma hindina á te tena á tched’a ki sed’ezi mi. 5Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.
6Wani bur tu malaika suma hAlonina#1.6 malaika suma hAlonina: Ki vun Hebre-na ala Alona groma. a mba ki zla mazid’a avok Ma didina, Seitan#1.6 Seitan: Nala, ni malaika ma tcho ma tchuk zlad’a yam suma andjege ki faleina. Gol Vam Nd 12.10. ma tchuk zlad’a yam sumina mi mbeï adigazi mi. 7Ma didina mi de mi Seitan ala: Ang tcholï ni lara ge?
Seitan mi hulong de mi Ma didina ala: An nguyï ni tita yam andagad’a á vat tan ndeyo.
8Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.
9 Seitan mi hulong de mi Ma didina ala: Job mi lang mandarang ang Alona ni hawa zu? 10Ni kayamba ang gum kangâna kam mbei ki sum mama kahligiyem peta d’uo zu? Ang b’e vunang yam sun nda mam nga mi lata; d’uwar mama mi zul yam andagad’a mi d’uo zu? 11Ang le hlabong dom ahle mama ni, an we woi tetet ala mam mba mi ngulung avunang ka tchetchem!
12Ma didina mi de mi Seitan ala: Gola! Ahle mama pet an hangziya! Wani ang do abong atam mbi! Ata yi máma Seitan mi nde woi avok Ma didina.
13Kur bur ma dingâ, ata yima Job grom suma andjofâ ki grom suma aropma a nga tche süm guguzlud’a avo hi wiyezi ma ngolîna, 14sama sunda mi mbeï gen Job, mi dum ala: Amuzleina a nga zuma, a nga pol korod’a gevezi mi. 15Suma Sabe-na a mba nde kaziya, a yoziya, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!
16Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!
17Kid’a ma sun ma mbàna nga mi de zlad’a tua d’a, ma sun ma dingâ mi mba, mi de mi Job ala: Suma Kalde-na a wal tazi kä ad’u adesâ hindi, a nde yam djambala, a yod’u, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!
18Kid’a ma sun ma hindina nga mi de zlad’a tua d’a, ma sun ma dingâ mi mba, mi de mi Job ala: Grong suma andjofâ ki grong suma aropma a nga te, a nga tche süm guguzlud’a avo wiyezi ma ngolâ. 19Gol wani, babar ma ngolâ mi tcholï abo ma hur fulîna, mba mi giget gonga kengêt ma fid’ina, ti dris kä yam grong ndazina, a bo. Ni an tu ba, ni sud’a, ni mba á dang wana!
20Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä, 21mi dala:
An ndeï woi kur asun ni gandila,
an mba ni hulongî gandila mi.
Ma didina mi he, mi yo mi.
Ar ei suburi Ma didina!
22Hina pet pî, Job mi le nga tcho d’i, mi ngul nga Alona d’uo mi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.