Isai 41
41
Sama Ma didina mi tinim kur lovotina
1Ma didina mi dala: Agi suma nga kaka yam tilina,
agi kagagi mudjuk, agi humundiya.
Ar suma a hulong fad’eng mazid’a,
ar a i avok á de zlad’a,
ar ei togei tu á ka sariyad’a.
2Ni nge ba, mi tcholï ki ma abo ma yorogo
ma ayî ma kusa nga mi tit blogoma ge?
Ni nge ba, mi hum andjaf suma,
mi hulongôm yam amuleina kä avorom ge?
Mbigeu mam mba fiyaka ti mbud’uzi
d’igi andaga d’a gugud’upa na,
yeû mamba ti mbud’uzi
d’igi kuza d’a simetna nga mi felet teid’a na.
3Nga mi digiziya,
nga mi kal adigazi bei va mi lum ba,
asem nga mi do andagad’a kä d’uo ko.
4Ni nge ba, mi ndak vun ahle ndazina ge?
Ni Ma mi yi andjaf suma kad’u tinda deina.
Ni an Ma didin ma lahle ndazina avok deina,
ni an ba, mba ni lahle suma kur atchogoi d’a danandina mi.
5Suma a nga kaka yam tilina, a nga le mandarâ;
suma sä kaka avun dabid’a handagad’ina a nga zlaga,
a nga hud’ïya, a nga djïya.
6A nga ndjun taziya.
Nge nge pî nga mi de mi wiyema ala: Ve tangû!
7Sama d’alâ nga mi had’enga mi ma yor ahlena,
sama nga mi min ahlena kabo tchafina
mi had’enga mi sama nga mi tum ahlena yam tchafina,
nga mi de yam vama a djagama ala: Mi djak djivid’a heî,
nga mi b’al filei máma kä ki pondena
tala mi giget tuo d’a.
Agi lagi mandar ri
8Ma didina mi de kua ala: Agi Israel-lâ azungeî mana,
agi suma hi Jakob ma an manama,
agi andjafâ hi banana Abraham-ma,
9agi suma an yagï avun dabid’a handagad’ina, an yagi yam andaga d’a deid’a,
an dagi ala: Agi nazungeî mana, an managiya,
an mba ni aragi woi d’uo d’a!
10Agi lagi mandar ri! An nga ki sed’egiya.
Agi mbud’ugi tagi hohoud’a d’i,
kayam an nAlo magina, an nga ni siragiya,
an nga ni mba á ndjunugiya,
an nga ni ndjunugi kabon ma ndjuf ma kus ayîna.
11Gola! Suma pet suma huruzi mi zal kagina,
a mba mbut zulona, a mba mang ngeyo.
Suma a nga tchi tuguyod’a ki sed’egina,
a mba mbut ni vama hawana, a mba dap peyo.
12Suma a halagi huneîd’ina, agi mba halaziya,
wani agi mba fazi d’i.
Suma a nga durugi ayînina,
a mba mbut ni vama hawa yak ma zlam nga d’uo na mi.
13Kayam an ni Ma didina Alo magi
ma ni vagi abogi ma ndjufâ akulona,
an nga ni dagiya: Agi lagi mandar ri!
An nga ni mba á ndjunugiya.
An nga ni mba á ndjunugiya
14Agi Israel suma hi Jakob-ma,
agi suma suma a gologi d’igi ndjuvul ma gorâ na na,
agi suma suma a mired’egi kä d’igi ndjuvulâ na na,
agi lagi mandar ri!
An tan nga ni mba á ndjunugiya!
An Ma didin ma tin tan irat vat
kagi Israel-lîna, ni dala:
An nga ni hle zla magid’a hur abonu.
15Gola! An mba ni mbud’ugi kawei ma to awu
ma sï ma awili ma vunam feta dedelema,
agi mba wagagi ahuniyô suma nglona woyo,
agi mba tozi woi kikizek,
agi mba kizagagi yima ndingâ woi
d’igi suma a kizak asuna woi na.
16Agi mba sirizi woyo.
Simetna mba mi siraziya,
mbirlimba mba d’i ndjoyôzi woi mi.
Wani agi mba lagi furîd’a kan an Ma didina,
agi mba suburugi tagi kan an Ma tin tan irat vat
kagi Israel-lîna mi.
Hur fulâ mi mbut apo d’a mbina
17Suma hohoud’a ki suma houd’a a nga hal mbina,
a nga fum mbi.
Sinazi ti so abo vun ma sod’a.
An Ma didina mba ni humuziya,
an Alona hi Israel-lîna mba ni arazi woi d’i.
18An mba ni gäluma yam yima ndingâ,
an mba ni ge mbiyo ma laud’a angra ahuniyôna,
an mba ni mbut hur fulâ apo d’a mbina,
an mba ni mbut andaga d’a so d’a gangrasa yima djang mbina mi.
19An mba ni pagu sedrena, agu kasiyana,
agu mirtena kagu olifâ hur fulâ,
an mba ni pagu siprena, agu pêna kagu buisâ ata yima gangrasâ,
20kayambala suma pet a gola, a we, a we woi tetet ala
Ni an Ma didina ba, ni lahle ndazina kabonu,
ni an Ma tin tan irat vat
yam Israel-lîna ba, ni laziya.
Alona mi gäd’u alo ma ka zlad’a woyo
21Ma didina mi de malo ma ka zlad’a ala:
Agi mbeï dagi ad’u zla magid’a woyo.
An amulâ hi Jakob-ma ni dala:
Agi dagi zlad’a á pad’agi zlad’a kagi woyo.
22Ar agi dagi zlad’a,
ar agi vami ad’ud’a woi yam vama mba mi mbana.
Wal la avok ka agi tchata ni wal la me ge?
Agi dagi woi kat
kayambala ami kagami ki ned’a,
ami wami ad’u vun zla mat ta ti ndagata mi d’a.
Le d’uo ni, agi dami zlad’a yam vama avina.
Hina wani, ami mba wami ala agi nalo ma gagazina!
23Agi dami zlad’a yam vama le sä avin deina
kayambala ami wami ala agi nalona d’a.
Agi lagi vama djivina d’oze vama tchona
kayambala ami wamizi zlapa tu ki sed’egiya d’a.
24Gola! Agi ni va d’uo, sun magid’a ni hawa na mi.
Ni vama ndjendjed’a tala sana mi deng tam kagiya d’a.
25An tcholï ki sana abo ma norâ,
nga mi djï abo ma yorogona.
Nga mi yan simiyênu,
nga mi miret suma te yamba kä kasem
d’igi sana mi miret lubuna kä na,
d’igi ma min deina mi mbuk lubu ma ab’lorina na mi.
26Ni nge ba, mi de yam ahle ndazina avok dei
tala ami waziya d’a ge?
Ni nge ba, mi dazi zlazi adjeu dei
tala ami dazi zlaziya d’a ge?
Gagazi, sa mi dazi nga zlazi d’ala
sana mi humuziya d’a d’i,
sa mi hum nga zla magid’a d’uo mi.
27Ni an ba, mba ni de zlad’a avok mi Siyon,
ni sunï ma mba ki zla d’a djivid’a avo Jerusalem mi.
28An gola, wani sa nga d’i.
Sama adigazi ma ndak á dan zlad’a
d’oze mi hulongôn humba yam djop
pa an mba ni djobota nga d’i.
29Gola! Azi pet ni va d’i,
sun mazid’a ni sun nda hawa yaka,
filei mazina ni simetna,
ni vama nga d’uo na mi.
Currently Selected:
Isai 41: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 41
41
Sama Ma didina mi tinim kur lovotina
1Ma didina mi dala: Agi suma nga kaka yam tilina,
agi kagagi mudjuk, agi humundiya.
Ar suma a hulong fad’eng mazid’a,
ar a i avok á de zlad’a,
ar ei togei tu á ka sariyad’a.
2Ni nge ba, mi tcholï ki ma abo ma yorogo
ma ayî ma kusa nga mi tit blogoma ge?
Ni nge ba, mi hum andjaf suma,
mi hulongôm yam amuleina kä avorom ge?
Mbigeu mam mba fiyaka ti mbud’uzi
d’igi andaga d’a gugud’upa na,
yeû mamba ti mbud’uzi
d’igi kuza d’a simetna nga mi felet teid’a na.
3Nga mi digiziya,
nga mi kal adigazi bei va mi lum ba,
asem nga mi do andagad’a kä d’uo ko.
4Ni nge ba, mi ndak vun ahle ndazina ge?
Ni Ma mi yi andjaf suma kad’u tinda deina.
Ni an Ma didin ma lahle ndazina avok deina,
ni an ba, mba ni lahle suma kur atchogoi d’a danandina mi.
5Suma a nga kaka yam tilina, a nga le mandarâ;
suma sä kaka avun dabid’a handagad’ina a nga zlaga,
a nga hud’ïya, a nga djïya.
6A nga ndjun taziya.
Nge nge pî nga mi de mi wiyema ala: Ve tangû!
7Sama d’alâ nga mi had’enga mi ma yor ahlena,
sama nga mi min ahlena kabo tchafina
mi had’enga mi sama nga mi tum ahlena yam tchafina,
nga mi de yam vama a djagama ala: Mi djak djivid’a heî,
nga mi b’al filei máma kä ki pondena
tala mi giget tuo d’a.
Agi lagi mandar ri
8Ma didina mi de kua ala: Agi Israel-lâ azungeî mana,
agi suma hi Jakob ma an manama,
agi andjafâ hi banana Abraham-ma,
9agi suma an yagï avun dabid’a handagad’ina, an yagi yam andaga d’a deid’a,
an dagi ala: Agi nazungeî mana, an managiya,
an mba ni aragi woi d’uo d’a!
10Agi lagi mandar ri! An nga ki sed’egiya.
Agi mbud’ugi tagi hohoud’a d’i,
kayam an nAlo magina, an nga ni siragiya,
an nga ni mba á ndjunugiya,
an nga ni ndjunugi kabon ma ndjuf ma kus ayîna.
11Gola! Suma pet suma huruzi mi zal kagina,
a mba mbut zulona, a mba mang ngeyo.
Suma a nga tchi tuguyod’a ki sed’egina,
a mba mbut ni vama hawana, a mba dap peyo.
12Suma a halagi huneîd’ina, agi mba halaziya,
wani agi mba fazi d’i.
Suma a nga durugi ayînina,
a mba mbut ni vama hawa yak ma zlam nga d’uo na mi.
13Kayam an ni Ma didina Alo magi
ma ni vagi abogi ma ndjufâ akulona,
an nga ni dagiya: Agi lagi mandar ri!
An nga ni mba á ndjunugiya.
An nga ni mba á ndjunugiya
14Agi Israel suma hi Jakob-ma,
agi suma suma a gologi d’igi ndjuvul ma gorâ na na,
agi suma suma a mired’egi kä d’igi ndjuvulâ na na,
agi lagi mandar ri!
An tan nga ni mba á ndjunugiya!
An Ma didin ma tin tan irat vat
kagi Israel-lîna, ni dala:
An nga ni hle zla magid’a hur abonu.
15Gola! An mba ni mbud’ugi kawei ma to awu
ma sï ma awili ma vunam feta dedelema,
agi mba wagagi ahuniyô suma nglona woyo,
agi mba tozi woi kikizek,
agi mba kizagagi yima ndingâ woi
d’igi suma a kizak asuna woi na.
16Agi mba sirizi woyo.
Simetna mba mi siraziya,
mbirlimba mba d’i ndjoyôzi woi mi.
Wani agi mba lagi furîd’a kan an Ma didina,
agi mba suburugi tagi kan an Ma tin tan irat vat
kagi Israel-lîna mi.
Hur fulâ mi mbut apo d’a mbina
17Suma hohoud’a ki suma houd’a a nga hal mbina,
a nga fum mbi.
Sinazi ti so abo vun ma sod’a.
An Ma didina mba ni humuziya,
an Alona hi Israel-lîna mba ni arazi woi d’i.
18An mba ni gäluma yam yima ndingâ,
an mba ni ge mbiyo ma laud’a angra ahuniyôna,
an mba ni mbut hur fulâ apo d’a mbina,
an mba ni mbut andaga d’a so d’a gangrasa yima djang mbina mi.
19An mba ni pagu sedrena, agu kasiyana,
agu mirtena kagu olifâ hur fulâ,
an mba ni pagu siprena, agu pêna kagu buisâ ata yima gangrasâ,
20kayambala suma pet a gola, a we, a we woi tetet ala
Ni an Ma didina ba, ni lahle ndazina kabonu,
ni an Ma tin tan irat vat
yam Israel-lîna ba, ni laziya.
Alona mi gäd’u alo ma ka zlad’a woyo
21Ma didina mi de malo ma ka zlad’a ala:
Agi mbeï dagi ad’u zla magid’a woyo.
An amulâ hi Jakob-ma ni dala:
Agi dagi zlad’a á pad’agi zlad’a kagi woyo.
22Ar agi dagi zlad’a,
ar agi vami ad’ud’a woi yam vama mba mi mbana.
Wal la avok ka agi tchata ni wal la me ge?
Agi dagi woi kat
kayambala ami kagami ki ned’a,
ami wami ad’u vun zla mat ta ti ndagata mi d’a.
Le d’uo ni, agi dami zlad’a yam vama avina.
Hina wani, ami mba wami ala agi nalo ma gagazina!
23Agi dami zlad’a yam vama le sä avin deina
kayambala ami wami ala agi nalona d’a.
Agi lagi vama djivina d’oze vama tchona
kayambala ami wamizi zlapa tu ki sed’egiya d’a.
24Gola! Agi ni va d’uo, sun magid’a ni hawa na mi.
Ni vama ndjendjed’a tala sana mi deng tam kagiya d’a.
25An tcholï ki sana abo ma norâ,
nga mi djï abo ma yorogona.
Nga mi yan simiyênu,
nga mi miret suma te yamba kä kasem
d’igi sana mi miret lubuna kä na,
d’igi ma min deina mi mbuk lubu ma ab’lorina na mi.
26Ni nge ba, mi de yam ahle ndazina avok dei
tala ami waziya d’a ge?
Ni nge ba, mi dazi zlazi adjeu dei
tala ami dazi zlaziya d’a ge?
Gagazi, sa mi dazi nga zlazi d’ala
sana mi humuziya d’a d’i,
sa mi hum nga zla magid’a d’uo mi.
27Ni an ba, mba ni de zlad’a avok mi Siyon,
ni sunï ma mba ki zla d’a djivid’a avo Jerusalem mi.
28An gola, wani sa nga d’i.
Sama adigazi ma ndak á dan zlad’a
d’oze mi hulongôn humba yam djop
pa an mba ni djobota nga d’i.
29Gola! Azi pet ni va d’i,
sun mazid’a ni sun nda hawa yaka,
filei mazina ni simetna,
ni vama nga d’uo na mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.