Isai 40
40
WAL LA MBÀD’A
(a) SUN NDA TETENG NGA YAM VUN MA HLED’A
KI TIN HURÎD’A
(40—55)
B’leng hurâ hi Israel-lîna
1Alo magina mi dala: Agi b’lengêgi hur sum mana!
Agi b’lengêgi hur sum mana!
2Agi b’lengêgi hur suma Jerusalem-ma,
agi dazi zlad’a ki delegi d’a ngola ala:
Sun magi d’a magomba dap da’.
Alona mi vat wa hurum mbei yam tchila magid’a,
mi wuragagi wa yam tcho magi d’a lara ge yam mbà mi.
3An hum dela nga d’i dei ala:
Agi minigi lovota mi Ma didina hur fulâ,
agi minigi lovota d’ingêr hur ful ma gangrasâ mAlo meina.
4Ar a min hora akulo min nda dinga,
ar a blas ahuniyô suma nglona
ki yima ndingâ kä woyo,
ar a mbut yima djodjohlâ papana,
ar a mbut yima mbed’etna bubud’a d’igi hora na.
5Subura hi Ma didinid’a mba d’i nde woyo,
suma pet a mba wad’u,
kayam Ma didina mi de zlad’a ki vunam da’.
6Dela ti dan ala: Ang tchi wala!
An hulong dala: An tchi wala nana ge?
Ti hulong dan ala: Ang tchi wala ala:
Suma pet a ni d’igi asuna na,
subur mazid’a pet ti ni d’igi
b’od’a hasu ma abageinid’a na mi.
7Asuna mi so ata yima simetna hi Ma didinina mi sir kama,
b’o mamba ti yak kei mi.
Gagazi, suma a ni d’igi asuna na.
8Asuna mi so woi b’o mamba ti yak kei mi,
wani zlad’a hAlo meinid’a mba d’i ar gak didin.
Zla d’a djivid’a a tchat walata
9Agi suma Jerusalem-ma,
agi djagagi akulo yam ahina d’a fiyaka,
agi suma Siyon-na, agi dagi zlad’a ki delegi akulo kad’engêgi pet,
kayam a hagi zla d’a djivid’a abogiya.
Ar agi lagi mandarâ á dat tei d’i.
Agi dagi mi suma kur azì ma nglo ma Juda-na ala:
Gola! Alo magina wana!
10Gola! Salad’a Ma didina nga mi djï kad’enga.
Mi nga kad’enga á te yamba,
nga mi djï ki wurak mamba;
wurak ka yam sun mambid’a nga abom mi.
11Mam mi d’igi ma pola na.
Mi mba mi pol tumiyô mama,
mba mi kod’ozi kabomu,
mba mi yo suma gureina akulo didigamu,
mba mi tit ki suma a nga he grozina aponina lalam mi.
Ngola ki ned’a hi Salad’a ma ad’engêm kal petnid’a
12Ni nge ba, mi nga mbiyo ma ngolâ hur abom ge?
Ni nge ba, mi hle ngola hakulod’a akulo hur abom ge?
D’oze ni nge ba, mi nga andaga d’a gugud’upa kur vama nga ahlena
d’oze mi hlahina d’a nglod’a kahina d’a gureid’a ki kilona mi ge?
13Ni nge ba, mi tak lovota mi Muzu’â hi Ma didinina ge?
Ni nge ba, mi dum d’al mama mi ge?
14Mi de tam d’alâ ni ki nge á had’am ge?
Ni nge ba, mi had’am ka sariya d’a d’ingêra ge?
Ni nge ba, mi had’am ned’a ge?
Ni nge ba, mi had’am á wad’ud’a mi ge?
15Gola! Andjaf suma a ni d’igi mbiyo ma tol kä
hur sona ndeng tuna na,
a ni d’igi andaga d’a gugud’up pa a hlat ki kilonid’a na.
Gola! Til la tetenga ti ni d’igi andaga d’a gugud’up pa ti fel leid’a na.
16Agu d’a Liban-nda ti ndak nga á vakud’a
yam yima ngal ahle suma ngat buzuna d’i,
d’uwar matna mi ndak nga á he he d’a hawa d’a ngala d’uo mi.
17Andjaf suma pet avoromî va d’i,
azi ni d’igi vama hawa yak ma zlam nga d’uo na na mi.
Alona ni ma ndak á ngam ki va d’uo na
18Agi min á ngagi Alona ni ki me ge?
Angus vama tchet ma vragam blangâma ni me ge?
19Ni sama d’alâ ba, mi tchet anguza va,
ni sama le suna lora ba, mi gulud’um kiya,
mi zle vayirâ, mi tchugumzi atam mi.
20Sama hou ma mi ndak nga á he he d’a hawa d’a hina d’a d’uo na,
mi man agu ma fotna fod’om nga d’uo na.
Bugola, mi hal sama d’alâ mi tched’em
filei ma ad’eng ma bei gigeta ba na.
21Agi wagizi nga d’uo?
Agi humugizi nga d’uo?
A dagizi nga zlam kad’u tinda dei d’uo?
Agi humugi nga zla ge d’a a gäd’u andagad’id’a d’uo mi zu?
22Ma didina mi ni kaka akulo yam nguid’a handagad’id’a.
Suma a nga kaka kurutna a ni gugureid’a
d’igi djera na avoromu,
mi b’eng akulod’a woi d’igi baru d’a afefeta na,
mi b’engêt tei d’igi zlub’u mamba na á minit yi mam ma kaka.
23Ni ma mi hulong suma nglona yazi kä,
mi mbud’uzi ni va d’uo na,
mi mbut suma ka sariya suma yam andagad’ina
vama hawa ya’â mi.
24A pazi nga kä dei d’i, a zarazi nga kä dei d’uo ko,
abuwazi mi tchuk nga sideina andaga kä dei d’uo ko,
mi sir simetna kaziya, a nga so woyo,
mbirlimba nga d’i yozi woi d’igi ti yo kuzad’a woi na mi.
25Ma bei tchod’a ba na mi dala:
Agi ngan ndi ni ki nge ge?
An hle tan ni ki nge ge?
26Agi hlagi iragi akulo, agi gologiya.
Ni nge ba, mi lahle ndazina ge?
Ni mam ba, mi lahle ndazina
ki zla tazi wan pepet tuo zu?
Mi yazi ki simiyêzi gagang,
ata ad’eng mam mba ngola ki sib’ik mamba mi.
Ma kid’ak siminina nga d’i.
Ad’enga nga yam suma ad’engêzi nga d’uo na
27Agi Israel-lâ, agi suma hi Jakob-ma,
mi kayam me ba, agi nga dagi ala:
Zla manda ti ni ngeid’a ir Ma didina,
sariya manda Alo mana mi wat nga d’uo ge?
28Ang wum nga d’i?
Ang humum nga zlam mbi?
NAlo ma dedeina,
ni Ma didin ma mi le andagad’a gak ata vunat ma dabid’ina,
mi nga mi kau d’oze mi seî d’uo;
wäd’u mamba ni d’a sana mi ndak á feget ad’ut tuo d’a mi.
29Mi nga mi had’enga mi sama kauna,
nga mi had’enga mi sama ad’engêm ar go á dapina.
30Azungeîna a nga seyâ, a nga kau mi.
Azungeî suma awâna a nga lá puka kä mi.
31Wani suma a tin huruzi yam Ma didinina
a nga fad’eng nga dinga kam kua,
a nga pir d’igi b’aruna na,
a nga ringâ, a nga seî d’i;
a nga tid’a, a nga kau d’uo mi.
Currently Selected:
Isai 40: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 40
40
WAL LA MBÀD’A
(a) SUN NDA TETENG NGA YAM VUN MA HLED’A
KI TIN HURÎD’A
(40—55)
B’leng hurâ hi Israel-lîna
1Alo magina mi dala: Agi b’lengêgi hur sum mana!
Agi b’lengêgi hur sum mana!
2Agi b’lengêgi hur suma Jerusalem-ma,
agi dazi zlad’a ki delegi d’a ngola ala:
Sun magi d’a magomba dap da’.
Alona mi vat wa hurum mbei yam tchila magid’a,
mi wuragagi wa yam tcho magi d’a lara ge yam mbà mi.
3An hum dela nga d’i dei ala:
Agi minigi lovota mi Ma didina hur fulâ,
agi minigi lovota d’ingêr hur ful ma gangrasâ mAlo meina.
4Ar a min hora akulo min nda dinga,
ar a blas ahuniyô suma nglona
ki yima ndingâ kä woyo,
ar a mbut yima djodjohlâ papana,
ar a mbut yima mbed’etna bubud’a d’igi hora na.
5Subura hi Ma didinid’a mba d’i nde woyo,
suma pet a mba wad’u,
kayam Ma didina mi de zlad’a ki vunam da’.
6Dela ti dan ala: Ang tchi wala!
An hulong dala: An tchi wala nana ge?
Ti hulong dan ala: Ang tchi wala ala:
Suma pet a ni d’igi asuna na,
subur mazid’a pet ti ni d’igi
b’od’a hasu ma abageinid’a na mi.
7Asuna mi so ata yima simetna hi Ma didinina mi sir kama,
b’o mamba ti yak kei mi.
Gagazi, suma a ni d’igi asuna na.
8Asuna mi so woi b’o mamba ti yak kei mi,
wani zlad’a hAlo meinid’a mba d’i ar gak didin.
Zla d’a djivid’a a tchat walata
9Agi suma Jerusalem-ma,
agi djagagi akulo yam ahina d’a fiyaka,
agi suma Siyon-na, agi dagi zlad’a ki delegi akulo kad’engêgi pet,
kayam a hagi zla d’a djivid’a abogiya.
Ar agi lagi mandarâ á dat tei d’i.
Agi dagi mi suma kur azì ma nglo ma Juda-na ala:
Gola! Alo magina wana!
10Gola! Salad’a Ma didina nga mi djï kad’enga.
Mi nga kad’enga á te yamba,
nga mi djï ki wurak mamba;
wurak ka yam sun mambid’a nga abom mi.
11Mam mi d’igi ma pola na.
Mi mba mi pol tumiyô mama,
mba mi kod’ozi kabomu,
mba mi yo suma gureina akulo didigamu,
mba mi tit ki suma a nga he grozina aponina lalam mi.
Ngola ki ned’a hi Salad’a ma ad’engêm kal petnid’a
12Ni nge ba, mi nga mbiyo ma ngolâ hur abom ge?
Ni nge ba, mi hle ngola hakulod’a akulo hur abom ge?
D’oze ni nge ba, mi nga andaga d’a gugud’upa kur vama nga ahlena
d’oze mi hlahina d’a nglod’a kahina d’a gureid’a ki kilona mi ge?
13Ni nge ba, mi tak lovota mi Muzu’â hi Ma didinina ge?
Ni nge ba, mi dum d’al mama mi ge?
14Mi de tam d’alâ ni ki nge á had’am ge?
Ni nge ba, mi had’am ka sariya d’a d’ingêra ge?
Ni nge ba, mi had’am ned’a ge?
Ni nge ba, mi had’am á wad’ud’a mi ge?
15Gola! Andjaf suma a ni d’igi mbiyo ma tol kä
hur sona ndeng tuna na,
a ni d’igi andaga d’a gugud’up pa a hlat ki kilonid’a na.
Gola! Til la tetenga ti ni d’igi andaga d’a gugud’up pa ti fel leid’a na.
16Agu d’a Liban-nda ti ndak nga á vakud’a
yam yima ngal ahle suma ngat buzuna d’i,
d’uwar matna mi ndak nga á he he d’a hawa d’a ngala d’uo mi.
17Andjaf suma pet avoromî va d’i,
azi ni d’igi vama hawa yak ma zlam nga d’uo na na mi.
Alona ni ma ndak á ngam ki va d’uo na
18Agi min á ngagi Alona ni ki me ge?
Angus vama tchet ma vragam blangâma ni me ge?
19Ni sama d’alâ ba, mi tchet anguza va,
ni sama le suna lora ba, mi gulud’um kiya,
mi zle vayirâ, mi tchugumzi atam mi.
20Sama hou ma mi ndak nga á he he d’a hawa d’a hina d’a d’uo na,
mi man agu ma fotna fod’om nga d’uo na.
Bugola, mi hal sama d’alâ mi tched’em
filei ma ad’eng ma bei gigeta ba na.
21Agi wagizi nga d’uo?
Agi humugizi nga d’uo?
A dagizi nga zlam kad’u tinda dei d’uo?
Agi humugi nga zla ge d’a a gäd’u andagad’id’a d’uo mi zu?
22Ma didina mi ni kaka akulo yam nguid’a handagad’id’a.
Suma a nga kaka kurutna a ni gugureid’a
d’igi djera na avoromu,
mi b’eng akulod’a woi d’igi baru d’a afefeta na,
mi b’engêt tei d’igi zlub’u mamba na á minit yi mam ma kaka.
23Ni ma mi hulong suma nglona yazi kä,
mi mbud’uzi ni va d’uo na,
mi mbut suma ka sariya suma yam andagad’ina
vama hawa ya’â mi.
24A pazi nga kä dei d’i, a zarazi nga kä dei d’uo ko,
abuwazi mi tchuk nga sideina andaga kä dei d’uo ko,
mi sir simetna kaziya, a nga so woyo,
mbirlimba nga d’i yozi woi d’igi ti yo kuzad’a woi na mi.
25Ma bei tchod’a ba na mi dala:
Agi ngan ndi ni ki nge ge?
An hle tan ni ki nge ge?
26Agi hlagi iragi akulo, agi gologiya.
Ni nge ba, mi lahle ndazina ge?
Ni mam ba, mi lahle ndazina
ki zla tazi wan pepet tuo zu?
Mi yazi ki simiyêzi gagang,
ata ad’eng mam mba ngola ki sib’ik mamba mi.
Ma kid’ak siminina nga d’i.
Ad’enga nga yam suma ad’engêzi nga d’uo na
27Agi Israel-lâ, agi suma hi Jakob-ma,
mi kayam me ba, agi nga dagi ala:
Zla manda ti ni ngeid’a ir Ma didina,
sariya manda Alo mana mi wat nga d’uo ge?
28Ang wum nga d’i?
Ang humum nga zlam mbi?
NAlo ma dedeina,
ni Ma didin ma mi le andagad’a gak ata vunat ma dabid’ina,
mi nga mi kau d’oze mi seî d’uo;
wäd’u mamba ni d’a sana mi ndak á feget ad’ut tuo d’a mi.
29Mi nga mi had’enga mi sama kauna,
nga mi had’enga mi sama ad’engêm ar go á dapina.
30Azungeîna a nga seyâ, a nga kau mi.
Azungeî suma awâna a nga lá puka kä mi.
31Wani suma a tin huruzi yam Ma didinina
a nga fad’eng nga dinga kam kua,
a nga pir d’igi b’aruna na,
a nga ringâ, a nga seî d’i;
a nga tid’a, a nga kau d’uo mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.